บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Kumarakasuttavannana [44] Catutthe kumarakati tarunapuggala. Ye subhasitadubbhasitassa attham jananti, te idha kumarakati adhippeta. Ime hi satta jatadivasato patthaya yava pancadasavassa, tava "kumaraka, balati ca vuccanti, tato param visativassani "yuvano"ti. Macchake badhentiti maggasamipe ekasmim talake nidaghakale udake parikkhine ninnatthane thitam udakam ussincitva khuddakamacche ganhanti ceva hananti ca "pacitva khadissama"ti. Tenupasankamiti maggato thokam talakam atikkamitva thito, tasma "upasankami"ti vadati. Tasma pana upasankami? te pana kumarake attani vissasam janetum upasankami. Bhayatha voti ettha voti nipatamattam. Dukkhassati nissakke samivacanam, dukkhasmati attho. Appiyam voti dukkhanti "kim tumhakam sarire uppajjanakadukkham appiyam anitthan"ti pucchati. Etamattham viditvati ime satta attano dukkham anicchanta eva hutva dukkhahetum patipajjanta atthato tam icchanta eva nama hontiti etamattham sabbakarato viditva. Imam udananti imam papakiriyaya nisedhanam adinavavibhavananca udanam udanesi. Tassattho:- yadi tumhakam sakalamapayikam, sugatiyanca appayukatamanussa- dobhaggatadibhedam 1- dukkham appiyam anittham, yadi tumhe tato bhayatha, avi va paresam pakatabhavavasena appaticchannam katva kayena va vacaya va panatipatadippabhedam yadi va raho apakatabhavavasena paticchannam katva manodvare eva abhijjhadippabhedam anumattampi papakam lamakakammam makattha ma karittha, atha pana tam papakammam etarahi karotha, ayatim va karissatha, nirayadisu catusu apayesu ca manussesu tassa phalabhutam dukkham ito va etto va palayante amhe nanubandhissatiti adhippayena upecca sancicca 2- palayatampi tumhakam tato mutti mokkho natthi. Gatikaladipaccayantarasamavaye vipaccissatiyevati dasseti. "palayane"tipi @Footnote: 1 cha.Ma......dobhaggiyadibhedam 2 cha.Ma. apecca Pathanti, vuttanayena yattha katthaci gamane pakkamane satiti attho. Ayanca attho "na antalikkhe na samuddamajjhe .pe. Papakamma"ti 1- imaya gathaya dipetabbo. Catutthasuttavannana nitthita. ---------------The Pali Atthakatha in Roman Book 26 page 314-316. http://84000.org/tipitaka/atthapali/read_rm.php?B=26&A=7045&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=7045&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=115 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2971 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3061 The Pali Tipitaka in Roman Character :- http://84000.org/tipitaka/read/roman_read.php?B=25&A=3061 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]