AtthaPali Vol.26

5. Sonattheravagga ^1- 1. Piyatarasuttavannana [41] Mahavaggassa pathame mallikaya deviya saddhinti mallikaya nama attano mahesiya saha. Uparipasadavaragatoti pasadavarassa upari gato. Kocanno attana piyataroti koci anno attana piyayitabbataro. Atthi nu kho teti "kinte atthi"ti devim pucchati. Kasma pucchati? ayanhi savatthiyam duggatamalakarassa dhita. Ekadivasam Apanato puvam gahetva malaramam gantva "khadissami"ti gacchanti patipathe bhikkhusamghaparivutam bhagavantam bhikkhacaram pavisantam disva pasannacitta tam bhagavato adasi. Sattha tatharupe thane nisidanakaram dassesi. Anandatthero civaram pannapetva adasi. Bhagava tattha nisiditva tam puvam paribhunjitva mukham vikkhaletva sitam patvakasi. Thero "ko imissa bhante danassa vipako bhavissati"ti pucchi. Ajjesa ananda tathagatassa pathamam bhojanam adasi, ajjeva kosalaranno aggamahesi bhavissati piya manapati. Tam divasameva ca raja kaligame bhagineyyena saddhim yujjhitva parajito palayitva agato nagaram pavisanto "balakayassa agamanam agamessami"ti tam malaramam pavisi. Sa rajanam agatam passitva tassa vattamakasi. Raja tassa vatte pasiditva pitaram pakkosapetva mahantam issariyam datva tam antepuram atiharapetva ^2- aggamahesitthane thapesi. Athekadivasam raja cintesi "maya imissa mahantam issariyam dinnam, yannunaham imam puccheyyam `ko te piyo'ti, sa `tvam me @Footnote: ¹ cha.Ma. sonavagga ² cha.Ma. patiharapetva Maharaja piyo'ti vatva puna mam pucchissati, athassaham `mayhampi tvamyeva piya'ti vakkhami"ti. Iti so annamannam vissasajananattham sammodaniyam karonto pucchi. Devi pana pandita buddhupatthayika samghupatthayika "nayam panho ranno mukham oloketva ^1- kathetabbo"ti cintetva yathabhutameva vadanti "natthi kho me maharaja kocanno attana piyataro"ti aha. Vatvapi attana byakatamattham upayena ranno paccakkham katukama "tuyham pana maharaja atthanno koci attana piyataro"ti tatheva rajanam pucchi yatha ranna sayam puttha. Rajapi taya sarasalakkhanena kathitatta nivattitum asakkonto sayampi sarasalakkhaneneva kathento tatheva byakasi yatha deviya byakatam. Byakaritva ca mandadhatukataya evam cintesi "aham raja pathavissaro mahantam pathavimandalam abhivijiya ajjhavasami, mayham tava yuttam `attana piyataram annam na passami'ti, ayampana vasali hinajacca samana maya ucce thane thapita samibhutam mam na tatha piyayati, `attava piyataro"ti mama sammukha vadati, kakkhala ^2- vatayan"ti anattamano hutva "nanu te tini ratanani piyatarani"ti codesi. Devi "ratanattayam aham ^3- deva attano saggasukham mokkhasukhanca patthayanti sampiyayami, tasma attava me piyataro"ti aha. Sabbo cayam loko attadatthameva param piyayati, pattam patthentopi "ayam mam jinnakale posessati"ti pattheti, dhitaram "mama kulam vaddhissati"ti, bhariyam "mayham pade paricarissati"ti, annepi natimittabandhave tamtamkiccavasena, iti attadatthameva sampassanto loko param piyayatiti. Ayam hi deviya adhippayo. Atha raja cintesi "ayam mallika kusala pandita nipuna `attava me piyataro'ti vadati. Mayhampi attava piyataro hutva upatthati, handaham @Footnote: ¹ cha.Ma. ulloketva ² cha.Ma. yava kakkhala ³ cha.Ma. ratanattayampaham Imamattham satthu arocessami, yatha ca me sattha byakarissati, tatha nam dharessami"ti. Evampana cintetva satthu santikam upasankamitva etamattham ^1- arocesi. Tena vuttam "atha kho raja pasenadi kosalo .pe. Piyataro"ti. Etamattham viditvati etam "loke sabbasattanam attava attano piyataro"ti ranna vuttamattham sabbaso janitva tadatthaparidipanam imam udanam udanesi. Tattha sabba disa anuparigamma cetasati sabba anavasesa dasapi disa pariyesanavasena cittena anugantva. Nevajjhaga piyataramattana kvaciti attana atisayena piyam annam koci puriso sabbussahena pariyesanto kvaci katthaci sabbadisasu neva adhigaccheyya na passeyya. Evam piyo puthu atta paresanti evam kassaci attana piyatarassa anupalabbhanavasena puthu visum visum tesam tesam sattanam attava piyo. Tasma na himse paramattakamoti yasma evam sabbopi satto attanam piyayati attano sukhakamo dukkhapatikulo, tasma attakamo attano hitasukham icchanto param sattam antamaso kunthakipillikam upadaya na himse na haneyya na panileddudandadihipi vihetheyya. Parassa hi attana kate dukkhe tam tato sankamantam viya kalantare attani sandissati. Ayam hi kammanam dhammatati. Pathamasuttavannana nitthita. -----------

The Pali Atthakatha in Roman Book 26 page 292-294. http://84000.org/tipitaka/atthapali/read_rm.php?B=26&A=6523&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=6523&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=110 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2856 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2941 The Pali Tipitaka in Roman Character :- http://84000.org/tipitaka/read/roman_read.php?B=25&A=2941 Contents of The Tipitaka Volume 25 http://84000.org/tipitaka/read/?index_25