ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                         5. Nagasuttavannana
    [35] Pancame kosambiyanti kusambena 1- nama isina vasitatthane
mapitatta "kosambi"ti evamladdhanamake nagare. Ghositarameti ghositasetthina
karite arame. Bhagava akinno viharatiti bhagava sambadhappatto viharati.
Kimpana bhagavato sambadho atthi, samsaggo vati? natthi. Na hi koci bhagavantam
Anicchaya upasankamitum sakkoti. Durasada hi buddha bhagavanto sabbattha ca
anupalittatta. Hitesitaya pana sattesu anukampam upadaya "mutto mocessami"ti
patinnanurupam caturoghanittharanattham atthannam parisanam attano santikam kalena
@Footnote: 1 cha.Ma. kusumbena
Kalam upasankamanam adhivaseti, sayanca mahakarunasamussahito kalannu hutva
tattha upasankamati, idam sabbabuddhanam acinnam, ayamidha akinnavikaroti
adhippeto.
    Idha pana kosambikanam bhikkhunam kalahajatanam sattha dighitissa kosalaranno
vatthum aharitva "na hi verena verani, sammantidha kudacanan"tiadina 1-
ovadam adasi, tam divasam tesam kalaham karontanamyeva ratti vibhata. Dutiyadivasepi
bhagava tameva vatthum kathesi, tam divasampi tesam kalaham karontanamyeva ratti
vibhata. Tatiyadivasepi bhagava tameva vatthum kathesi, athannataro bhikkhu bhagavantam
evamaha "appossukko bhante bhagava ditthadhammasukhaviharamanuyutto viharatu,
mayametena bhandanena kalahena vivadena pannayissama"ti. 2- Sattha
"pariyadinnacitta kho ime moghapurisa, na dani me sakka sannapetum,
natthi cettha sannapetabba, yannunaham ekacarakavasam vaseyyam, evam ime
bhikkhu kalahato oramissanti"ti cintesi. Evam tehi kalahakarakehi bhikkhuhi saddhim
ekavihare vasam vinetabbabhavato upasakadihi upasankamananca akinnaviharam
katva vuttam "tena kho pana samayena bhagava akinno viharati"tiadi.
    Tattha dukkhanti na sukham, anaradhitacittataya na itthanti attho.
Tenevaha "na phasu viharami"ti. Vupakatthoti pavivekattho duribhuto. Tatha
cintetvava bhagava patova sarirappatijagganam katva kosambiyam pindaya caritva
kanci anamantetva eko adutiyo gantva kosalaratthe palileyyake vanasande
bhaddasalamule vihasi. Tena vuttam "atha kho bhagava pubbanhasamayam .pe.
Bhaddasalamule"ti. Tattha samanti sayam. Samsametvati patisametva. Pattacivaramadayati
@Footnote: 1 Ma.u. 14/237/203 vi. maha. 5/464/246, khu.dha. 25/5/16
@2 vi. maha. 5/457/237, vi. maha. 5/463/245, Ma.u 14/236/202-3
Etthapi samanti padam anetva yojetabbam. Upatthaketi kosambinagaravasino
ghositasetthiadike, vihare ca aggupatthakam ayasmantam anandam anamantetva.
    Evam gate satthari pancasata bhikkhu ayasmantam anandam ahamsu "avuso
ananda sattha ekakova gato, mayam anubandhissama"ti. "avuso yada bhagava
samam senasanam samsametva pattacivaram adaya anamantetva upatthake ca
anapaloketva bhikkhusamgham adutiyo gacchati, tada ekacaram caritum bhagavato
ajjhasayo, savakena nama satthu ajjhasayanurupam patipajjitabbam, tasma na
imesu divasesu bhagava anugantabbo"ti nivaresi, sayampi nanugacchi.
    Anupubbenati anukkamena, gamanigamapatipatiya carikancaramano
"ekacaravasam tava vasamanam bhikkhum passissami"ti balakalonakaragamam 1- gantva
tattha bhaguttherassa sakalam pacchabhattanceva tiyamanca rattim ekacaravase
anisamsam kathetva punadivase tena pacchasamanena pindaya caritva tam tattheva
nivattetva "samaggavasam vasamane tayo kulaputte passissami"ti pacinavamsamigadayam
gantva tesampi sakalarattim samaggavase anisamsam kathetva tepi tattheva
nivattetva ekakova palileyyagamam sampatto. Palileyyagamavasino paccuggantva
bhagavato danam datva palileyyagamassa avidure rakkhitavanasando nama atthi, tattha
bhagavato pannasalam katva "ettha bhagava vasatu"ti yacitva vasayimsu. Bhaddasaloti
pana tattheko manapo bhaddako 2- salarukkho, bhagava tam gamam upanissaya
vanasande pannasalasamipe tasmim rukkhamule vihasi. Tena vuttam "palileyyake
viharati rakkhitavanasande bhaddasalamule"ti.
    Hatthinagoti mahahatthi yuthapati. Hatthikalabhehiti hatthipotakehi. Hatthicchapehiti
khirupagehi 3- daharahatthipotakehi, ye "bhinka"tipi vuccanti. Chinnagganiti purato
@Footnote: 1 Si.,ka. balakalonakaramam  2 Si. laddhako  3 Si.,ka. khirapakehi
Purato gacchantehi tehi hatthiadihi chinnaggani khaditavasesani khanusadisani
tinani 1- khadati. Obhaggobhagganti tena hatthinagena uccatthanato bhanjitva
bhanjitva patitam. Assa sakhabhanganti etassa santakam sakhabhangam te khadanti.
Avilaniti tehi pathamataram otaritva pivanatehi alulitatta avilani
kaddamamissani paniyani pivati. Ogahati titthato. "ogahan"tipi pali.
Assati hatthinagassa. Upanighamsantiyoti ghattentiyo, upanighamsiyamanopi attano
ularabhavena na kujjhati, tena ta tam ghamsantiyeva. Yuthati hatthighata.
    Yena bhagava tenupasankamiti so kira hatthinago yuthavase ukkanthito tam
vanasandam pavittho tattha bhagavantam disva ghatasahassena nibbapitasantapo viya
nibbuto hutva pasannacitto bhagavato santike atthasi, tato patthaya vattasise
thatva bhaddasalassa pannasalaya ca samantato appaharitakam katva sakhabhangehi
sammajjati, bhagavato mukhadhovanam deti, nhanodakam aharati, dantakattham deti,
arannato madhurani phalani aharitva satthu upaneti, sattha tani paribhunjati.
Tena vuttam "tatra sudam so hatthinago yasmim padese bhagava viharati, tam
padesam appaharitanca karoti, sondaya bhagavato paniyam paribhojaniyam
upatthapeti"ti. Sondaya daruni aharitva annamannam ghamsitva aggim
utthapetva daruni jalapetva tattha pasanakhandani tapetva tani
dandakehi pavattetva sondiyam khipitva udakassa tattabhavam natva bhagavato
santikam upagantva titthati, bhagava "hatthinago mama nhanam icchati"ti tattha
gantva nhanakiccam karoti, paniyepi eseva nayo. Tasmim pana sitale sanjate
upasankamati, tam sandhaya vuttam "sondaya bhagavato paniyam paribhojaniyam
upatthapeti"ti.
@Footnote: 1 cha.Ma. ayam patho na dissati
    Atha kho bhagavato rahogatassatiadi ubhinnam mahanaganam
vivekasukhapaccavekkhanadassanam, tam vuttatthameva attano ca pavivekam viditvati kehici
anakinnabhavaladdham kayavivekam janitva, itare pana viveka bhagavato sabbakalam
vijjantiyeva.
    Imam udananti imam attano hatthinagassa ca pavivekabhiratiya
samanajjhasayabhavadipanam udanam udanesi.
    Tatthayam sankhepattho:- etam isadantassa rathaisasadisadantassa hatthinagassa
cittam nagena buddhanagassa cittena sameti samsandati. Katham sameti ce? yadeko
ramati vane yasma buddhanago "aham kho pubbe akinno vihasin"ti purimam
akinnaviharam jigucchitva vivekam upabruhayamano idani yatha eko adutiyo
vane aranne ramati abhiramati, evam ayampi hatthinago pubbe attano hatthiadihi
akinnaviharam jigucchitva vivekam upabruhayamano idani eko asahayo vane
ekaviharam ramati abhiramati. 1- Tasmassa cittam nagena sameti tassa cittena
sametiti katva ekibhavaratiya ekasadisam hotiti attho.
                       Pancamasuttavannana nitthita.
                        ----------------



             The Pali Atthakatha in Roman Book 26 page 264-268. http://84000.org/tipitaka/atthapali/read_rm.php?B=26&A=5919&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=5919&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=97              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2662              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2728              The Pali Tipitaka in Roman Character :- http://84000.org/tipitaka/read/roman_read.php?B=25&A=2728              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]