บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Pilindavacchasuttavannana [26] Chatthe pilindavacchoti pilindatissa namam, vacchoti gottavasena theram sanjananti. Vasalavadena samudacaratiti "ehi vasala, apehi vasala"tiadina bhikkhu vasalavadena voharati alapati. Sambahula bhikkhuti bahu bhikkhu. Te theram tatha samudacarantam disva "arahava samano appahinavasanatta evam bhanati"ti ajananta "dosantaro manne ayam thero evam samudacarati"ti cintetva ullapanadhippaya 1- tam tato vutthapetum bhagavato arocesum. Tena vuttam "ayasma bhante pilindavaccho bhikkhu vasalavadena samudacarati"ti. Keci panahu:- "imam theram bhikkhu `araha'ti sanjananti, ayanca bhikkhu pharusavacanena evam samudacarati, `abhuto eva nu khoimasmim uttarimanussadhammo'ti vasanavasena tassa tatha samudacaram ajananta ariyabhavancassa asaddahanta ujjhanasannino bhagavato tamattham arocesun"ti. Bhagava therassa dosantarabhavam pakasetukamo ekena bhikkhuna tam pakkosapetva sammukha tassa "pubbacinnavasenayam tatha samudacarati, na pharusavacanadhippayo"ti aha. Tena vuttam "atha kho bhagava annataram bhikkhum amantesi"tiadi. @Footnote: 1 Ma. ullumpanadhippaya--------------------------------------------------------------------------------------------- page204.
Tattha pubbenivasam manasi karitvati sattha "saccam kira tvam vaccha bhikkhu vasalavadena samudacarasi"ti theram pucchitva tena "evambhante"ti vutte "ayam vaccho kilesavasanaya vasalavadam na pariccajati, kinnu kho atitesupi attabhavesu brahmanajatiko ahosi"ti avajjento pubbenivasananena sabbannutananeneva 1- va tassa pubbenivasam atitasu jatisu nivutthakkhandhasantanam manasi karitva hatthatale thapitaamalakam viya paccakkhakaranavasena attano manasi katva. Bhikkhu amantesiti te bhikkhu sannapetum alapi abhasi. Tena vuttam "ma kho tumhe bhikkhave"tiadi. Tattha mati patisedhe nipato, tassa "ujjhayittha"ti imina sambandho. Ma ujjhayitthati ma hettha katva cintayittha, olokayitthati attho. Vacchassa bhikkhunoti ca ujjhayanassa usuyanatthatta sampadanavacanam. Idanissa anujjhayitabbe karanam dassento "na bhikkhave vaccho dosantaro bhikkhu vasalavadena samudacarati"ti aha. Tassattho:- bhikkhave ayam vaccho dosantaro dosacitto dosena byapadena dusitacitto hutva bhikkhu vasalavadena na samudacarati, maggenevassa 2- byapado samugghatito. Evam adosantarattepi tassa tatha samudacarassa purimajatisiddham karanam dassento "vacchassa bhikkhave"tiadimaha. Tattha abbokinnaniti khattiyadijatiantarehi avomissani anantaritani. Panca jatisatani brahmanakule paccajataniti sabbani tani vacchassa panca jatisatani patipatiya brahmanakuleyeva jatani, ahesunti attho. So tassa vasalavado digharattam samudacinnoti yo etarahi khinasavenapi sata pavattiyati, @Footnote: 1 cha.Ma....nanena 2 cha.Ma. maggeneva cassa--------------------------------------------------------------------------------------------- page205.
So tassa vacchassa bhikkhuno vasalavado digharattam ito jatito patthaya uddham arohanavasena pancajatisatamattam kalam brahmanajatikatta samudacinno samudacarito ahosi. Brahmana hi jatisiddhena manena thaddha annam vasalavadena samudacaranti. "ajjhacinno"tipi pathanti, so eva attho. Tenati tena digharattam tatha samudacinnabhavena, etenassa tatha samudacarassa karanam vasanati dasseti. Ka panayam vasana nama? yam kilesarahitassapi santane appahinakilesanam samacarasadisasamacarahetubhutam anadikalabhavitehi kilesehi ahitam samatthiyamattam, tatharupa adhimuttiti vadanti. Tam panetam abhiniharasampattiya neyyavaranappahanavasena yattha kilesa pahina, tattha bhagavato santane natthi. Yattha pana tatha kilesa na pahina, tattha savakanam paccekabuddhananca santane atthi, tato tathagatova anavaranananadassano. Etamattham viditvati etam ayasmato pilindavacchassa satipi vasalasamudacare dosantarabhavasankhatam attham viditva. Imam udananti tassa aggaphaladhigamavibhavanam imam udanam udanesi. Tattha yamhi na maya vattati na manoti yasmim ariyapuggale santadosapaticchadanalakkhana maya, "seyyohamasmi"tiadina sampaggahavasena pavatto unnatilakkhano mano ca na vasati, maggena samugghatitatta na pavattati na uppajjati. Yo khinalobho amamo nirasoti yo ca ragadipariyayavasena pavattassa arammanaggahanalakkhanassa lobhassa sabbatha vigatatta vitalobho, tato eva rupadisu katthaci mamayanabhavato amamo apariggaho, anagatanampi bhavadinam anasimsanato niraso. Panunnakodhoti kujjhanalakkhanassa kodhassa anagamimaggena sabbaso pahinatta panunnakodho samucchinnaghato. Abhinibbutattoti yo evam--------------------------------------------------------------------------------------------- page206.
Mayamanalobhakodhanam samugghatena tadekatthataya sabbassa sankilesapakkhassa suppahinatta sabbaso kilesaparinibbanena abhinibbutacitto sitibhuto. So brahmano so samano sa bhikkhuti so evarupo khinasavo sabbaso bahitapapatta brahmano, so eva samitapapatta samacariyaya ca samano, so eva ca sabbaso bhinnakilesatta bhikkhu nama. Evambhuto ca bhikkhave vaccho so katham dosantaro kinci kayakammadim pavatteyya, kevalampana vasanaya appahinatta vasalavadena samudacaratiti. Chatthasuttavannana nitthita. -------------The Pali Atthakatha in Roman Book 26 page 203-206. http://84000.org/tipitaka/atthapali/read_rm.php?B=26&A=4554&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=4554&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=78 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2278 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2299 The Pali Tipitaka in Roman Character :- http://84000.org/tipitaka/read/roman_read.php?B=25&A=2299 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]