AtthaPali Vol.26

2. Nandasuttavannana [22] Dutiye nandoti tassa namam. So hi cakkavattilakkhanupetatta matapitaro saparijanam sakalanca natiparivattam nandayanto jatoti "nando"ti namam labhi. Bhagavato bhatati bhagavato ekapituputtataya bhata. Na hi bhagavato sahodara uppajjanti, tena vuttam "matucchaputto"ti, culamatuputtoti attho. Mahapajapatigotamiya hi so putto. Anabhiratoti na abhirato. Brahmacariyanti brahmam settham uttamam cariyam ekasanam ekaseyyam methunaviratim. Sandharetunti pathamacittato yava carimakacittam samma paripunnam parisuddham dharetum pavattetum. Dutiyena cettha brahmacariyapadena maggabrahmacariyassapi sangaho veditabbo. Sikkham paccakkhayati upasampadakale bhikkhubhavena saddhim samadinnam nibbattetabbabhavena anutthitam tividhampi sikkham patikkhipitva, vissajjetvati attho. Hinayati gihibhavaya. Avattissamiti nivattissami. Kasma panayam evamarocesiti? etthayam anupubbikatha:- bhagava Pavattavaradhammacakko rajagaham gantva veluvane viharanto "puttam me anetva dassetha"ti suddhodanamaharajena pesitesu sahassasahassaparivaresu dasasu dutesu saha parivarena arahattam pattesu sabbapaccha gantva arahattappattena kaludayittherena gamanakalam natva maggavannanam vannetva jatibhumigamanaya yacito

--------------------------------------------------------------------------------------------- page177.

Visatisahassakhinasavaparivuto kapilavatthunagaram gantva natisamagame pokkharavassam atthuppattim katva vessantarajatakam ^1- kathetva punadivase pindaya pavittho "uttitthe nappamajjeyya"ti ^2- gathaya pitaram sotapattiphale patitthapetva nivesanam gantva "dhammancare"ti ^3- gathaya mahapajapatim sotapattiphale, rajanam sakadagamiphale patitthapesi. Bhattakiccavasane pana rahulamatugunakatham nissaya candakinnarijatakam ^4- kathetva tatiyadivase nandakumarassa abhisekagehappavesanavivahamangalesu vattamanesu pindaya pavisitva nandakumarassa hatthe pattam datva mangalam vatva utthayasana pakkamanto kumarassa hatthato pattam na ganhi. Sopi tathagate garavena "pattam te bhante ganhatha"ti vattum nasakkhi. Evam pana cintesi "sopanasise pattam ganhissati"ti, sattha tasmim thane na ganhi. Itaro "sopanamule ganhissati"ti cintesi, sattha tatthapi na ganhi. Itaro "rajangane ganhissati"ti cintesi, sattha tatthapi na ganhi. Kumaro nivattitukamo anicchaya gacchanto garavena "pattam ganhatha"ti vattum na sakkoti, "idha ganhissati, ettha ganhissati"ti cintento gacchati. Tasmim khane janapadakalyaniya acikkhimsu "ayye bhagava nandarajanam gahetva gacchati, tumhehi vina karissati"ti. Sa udakabinduhi paggharantehi addhullikhitehi kesehi vegena pasadam aruyha sihapanjaradvare thatva "tuvatam kho ayyaputta agaccheyyasi"ti aha. Tam tassa vacanam tassa hadaye tiriyam patitva viya thitam. Satthapissa hatthato pattam aggahetvava tam viharam netva "pabbajissasi nanda"ti aha. So buddhagaravena "na pabbajissami"ti avatva "ama @Footnote: ¹ khu.ja. 28/1045 adi/365 (sya) ² khu.dha. 25/168/47 @³ khu.dha. 25/169/47 ⁴ khu.ja. 27/1883/368 (sya)

--------------------------------------------------------------------------------------------- page178.

Pabbajissami"ti aha. Sattha tena hi nandam pabbajethati kapilavatthupuram gantva tatiyadivase tam pabbajesi. Sattame divase matara alankaritva pesitam "dayajjam me samana dehi"ti vatva attana saddhim aramagatam rahulakumaram pabbajesi. Punekadivasam mahadhammapalajatakam ^1- kathetva rajanam anagamiphale patitthapesi. Iti bhagava mahapajapatim sotapattiphale, pitaram tisu phalesu patitthapetva bhikkhusamghaparivuto punadeva rajagaham gantva gato anathapindikena savatthim agamanatthaya gahitapatinno nitthite jetavanamahavihare tattha gantva vasam kappesi. Evam satthari jetavane viharante ayasma nando attano anicchaya pabbajito kamesu anadinavadassavi janapadakalyaniya vuttam vacanamanussaranto ukkanthito hutva bhikkhunam attano anabhiratim arocesi. Tena vuttam "tena kho pana samayena ayasma nando .pe. Hinayavattissami"ti. Kasma pana nam bhagava evam pabbajesiti? "puretarameva adinavam dassetva Kamehi nam vivecetum na sakka, pabbajetva pana upayena tato vivecetva upari visesam nibbattessami"ti veneyyadamanakusalo sattha evam nam pathamam pabbajesi. Sakiyaniti sakyarajadhita. Janapadakalyaniti janapadamhi kalyani rupena uttama chasariradosarahita, pancakalyanasamannagata. Sa hi yasma natidigha natirassa natikisa natithula natikalika naccodata atikkanta manusakavannam appatta dibbavannam. Tasma chasariradosarahita. Chavikalyanam mamsakalyanam nakhakalyanam ^2- atthikalyanam vayakalyananti imehi pancahi kalyanehi samannagata. @Footnote: ¹ khu.ja. 27/1410/288 (sya) ² kesakalyananti aparasu atthakathasu

--------------------------------------------------------------------------------------------- page179.

Tattha attano sarirobhasena dasadvadasahatthe thane alokam karoti, piyangusama va suvannasama va hoti, ayamassa chavikalyanata. Cattaro panassa hatthapada mukhapariyosananca lakharasaparikammakatam viya rattapavalarattakambalena sadisam hoti, ayamassa mamsakalyanata. Visati pana ^1- nakhapattani mamsato amuttatthane lakharasaparicitani ^2- viya muttatthane khiradharasadisani honti, ayamassa nakhakalyanata. Dvattimsa danta suphusita parisuddhapavalapantisadisa vajirapanti viya khayanti, ayamassa atthikalyanata. Visativassasatikapi samana solasavassuddesika viya hoti nippalita, ^3- ayamassa vayakalyanata. Sundari ca hoti evarupagunasamannagata, tena vuttam "janapadakalyani"ti. Ghara nikkhamantassati anadare samivacanam, gharato nikkhamatoti attho. "ghara nikkhamantan"tipi pathanti. Upaddhullikhitehi kesehiti itthambhutalakkhane karanavacanam, vippakatullikhitehi kesehi upalakkhitati attho. "addhullikhitehi"tipi pathanti. Ullikhananti ca phanakadihi kesasanthapanam, "addhakaravidhanan"tipi vadanti. Apaloketvati sineharasavippharasamsucakena addhakkhina abandhanti viya oloketva. Mam bhanteti pubbepi "man"ti vatva ukkanthakulacittataya puna "mam etadavoca"ti aha. Tuvatanti sigham. Tamanussaramanoti tam tassa vacanam, tam va tassa akarasahitam vacanam anussaranto. Bhagava tassa vacanam sutva "upayenassa ragam vupasamessami"ti iddhibalena nam tavatimsabhavanam nento antaramaggo ekasmim jhamakkhette jhamakhanumatthake nisinnam chinnakannanasananguttham ekam palutthamakkatim dassetva tavatimsabhavanam nesi. Paliyam ekakkhaneneva satthara tavatimsabhavanam gatam viya vuttam, tam gamanam @Footnote: ¹ cha.Ma. pana-saddo na dissati ² Ma. lakharasaparipuritani, cha. lakharasaparikitani @³ Si. nibbalita

--------------------------------------------------------------------------------------------- page180.

Avatva tavatimsabhavanam sandhaya vuttam. Gacchantoyeva hi bhagava ayasmato nandassa antaramagge tam palutthamakkatim dasseti. Yadi evam katham saminjanadidassanam? tam antaradhananidassananti gahetabbam. Evam sattha tam tavatimsabhavanam netva sakkassa devaranno upatthanam agatani kakutapadani panca accharasatani attanam vanditva thitani dassetva janapadakalyaniya tasam pancannam accharasatanam rupasampattim paticca visesam pucchi. Tena vuttam "atha kho bhagava ayasmantam nandam bahaya gahetva .pe. Kakutapadani"ti. Tattha bahaya gahetvati bahumhi gahetva viya. Bhagava hi tada tadisam iddhabhisankharam abhisankharesi, yatha ayasma nando bhuje gahetva bhagavata niyamano viya ahosi. Tattha ca bhagavata sace tassa ayasmato tavatimsadevalokassa dassanam pavesanameva va icchitam siya, yathanisinnasseva tassa tam devalokam dasseyya lokavivaraniddhikale viya, tameva va iddhiya tattha peseyya. Yasma panassa dibbattabhavato manussattabhavassa yo nihinajigucchaniyabhavo, tassa sukhaggahanattham antaramagge tam makkatim dassetukamo, devalokasirivibhavasampattiyo ca ogahetva dassetukamo ahosi, tasma tam gahetva tattha nesi. Evanhissa tadattham brahmacariyavase visesato abhirati bhavissatiti. Kakutapadaniti rattavannataya paravatasadisapadani. Ta kira sabbapi kassapassa bhagavato savakanam padamakkhanateladanena tadisa sukumarapada ahesum passasi noti passasi nu. Abhirupatarati visittharupataRa. Dassaniyatarati divasampi passantanam atittikaranatthena passitabbataRa. Pasadikatarati sabbavayavasobhaya samantato pasadavahataRa.

--------------------------------------------------------------------------------------------- page181.

Kasma pana bhagava avassutacittam ayasmantam nandam accharayo olokapesi? sukhenevassa kilese niharitum. Yathahi kusalo vejjo ussannadosam puggalam tikicchanto sinehapanadina pathamam dose ukkiledetva paccha vamanavirecanehi sammadeva niharapeti, evam vineyyadamanakusalo bhagava ussannaragam ayasmantam nandam devaccharayo dassetva ukkiledesi ariyamaggabhesajjena anavasesato niharitukamoti veditabbam. Palutthamakkatiti jhamangapaccangamakkati. Evameva khoti yatha sa ^1- bhante tumhehi mayham dassita chinnakannanasa palutthamakkati janapadakalyani upadaya, evameva janapadakalyani imani pancaaccharasatani upadayati atko. Pancannam accharasatananti upayoge samivacanam, panca accharasataniti attho. Avayavasambandhe va etam samivacanam, tena pancannam accharasatanam rupasampattim upanidhayati adhippayo. Upanidhayati ca samipe thapetva, upadayati attho. Sankhyanti itthiti gananam kalam va. ^2- Kalabhaganti kalayapi bhagam, ekam solasakotthase katva tato ekakotthasam gahetva solasadha ganite ^3- tattha yo ekeko kotthaso, so kalabhagoti adhippeto, tampi kalabhagam na upetiti vadati. Upanidhinti "imaya ayam sadisi"ti upamabhavena gahetva samipe thapanampi. Yatthayam anabhirato, tam brahmacariyam pubbe vuttam pakatancati tam anamasitva tattha abhiratiyam adarajananattham "abhirama nanda abhirama nanda"ti ameditavasena vuttam. Aham te patibhogoti kasma bhagava tassa brahmacariyavasam icchanto abrahmacariyavasassa patibhogam upaganchi? yatthassa arammane rago @Footnote: ¹ Ma. yathayam ² cha.Ma. itthiti gananam @³ Si. nihate, Ma. gahane

--------------------------------------------------------------------------------------------- page182.

Dalham nipati, tam agantukarammane sankametva sukhena sakka jahapetunti patibhogam upaganchi. Anupubbikathayam saggakatha imassa atthassa nidassanam. Assosunti kathamassosum? bhagava hi tada ayasmante nande vattam Dassetva attano divatthanam gate upatthanam agatanam bhikkhunam tam pavattim kathetva yatha nama kusalo puriso anikkhantam anim annaya aniya niharitva puna tam hatthadihi sancaletva apaneti, evameva acinnavisaye tassa ragam agantukavisayena niharitva puna tadapi brahmacariyamaggahetum katva apanetukamo "etha tumhe bhikkhave nandam bhikkhum bhatakavadena ca upakkitakavadena ca samudacaratha"ti anapesi, evam bhikkhu assosum. Keci pana "bhagava tatharupam iddhabhisankharam abhisankharesi, yatha te bhikkhu tamattham janimsu"ti vadanti. Bhatakavadenati bhatakoti vadena. Yo hi bhatiya kammam karoti, so bhatakoti vuccati, ayampi ayasma accharasambhoganimittam brahmacariyam caranto bhatako viya hotiti vuttam "bhatakavadena"ti. Upakkitakavadenati yo kahapanadihi kinci kinati, so upakkitakoti vuccati, ayampi ayasma accharanam hetu attano brahmacariyam kinati, tasma "upakkitako"ti evam vacanena. Athava bhagavato anaya accharasambhogasankhataya bhatiya brahmacariyavasasankhatam jivitam pavattento taya bhatiya yapane bhagavata bhariyamano viya hotiti "bhatako"ti vutto, tatha accharasambhogasankhatam vikkayam adatabbam katva bhagavato anattiyam titthanto tena vikkayena bhagavata upakkito viya hotiti vuttam "upakkitako"ti. Attiyamanoti piliyamano dukkhapiyamano. Harayamanoti lajjamano. Jigucchamanoti patikulyato dahanto. ^1- Ekoti asahayo. Vupakatthoti vatthukamehi @Footnote: ¹ Si. garahanto

--------------------------------------------------------------------------------------------- page183.

Kilesakamehi ca kayena ceva cittena ca vupakattho. Appamattoti kammatthane satim avijahanto. Atapiti kayikacetasikaviriyatapena atapava, atapeti kileseti atapo, viriyam. Pahitattoti kaye ceva ^1- jivite ca anapekkhataya pesitatto vissatthaattabhavo, nibbane va pesitacitto. Na cirassevati kammatthanarambhato nacireneva. Yassatthayati yassa atthaya. Kulaputtati duvidha kulaputta jatikulaputta ca acarakulaputta ca, ayampana ubhayathapi kulaputto. Sammadevati hetuna ca karanena ca. Agarasmati gharato. Anagariyanti pabbajjam. Kasivanijjadikammam hi agarassa hitanti agariyam nama, tam ettha natthiti pabbajja anagariyati vuccati. Pabbajantiti upagacchanti. Tadanuttaranti tam anuttaram. Brahmacariyapariyosananti maggabrahmacariyassa pariyosanabhutam arahattaphalam, tassa hi atthaya kulaputta idha pabbajanti. Dittheva dhammeti tasmimyeva attabhave. Sayam abhinna sacchikatvati attanayeva pannaya paccakkham katva, aparapaccayena natvati attho. Upasampajja vihasiti papunitva sampadetva va vihasi. Evam viharantova khina jati .pe. Abbhannasiti. Imina assa paccavekkhanabhumi dassita. ^2- Tattha khina jatiti na tavassa atita jati khina pubbeva khinatta, na anagata anagatatta eva, ^3- na paccuppanna vijjamanatta. Maggassa pana abhavitatta ya ekacatupancavokarabhavesu ekacatupancakkhandhappabheda jati uppajjeyya, sa maggassa bhavitatta anuppadadhammatam apajjanena khina. Tam so maggabhavanaya pahinakilese paccavekkhitva kilesabhavena vijjamanampi kammam ayatim appatisandhikam hotiti jananena abbhannasi. Vusitanti vuttham @Footnote: ¹ cha.Ma. kaye ca ² ka. paccavekkhanabhumim dasseti @³ Si. pubbe ceva etarahi ca anagatatta eva

--------------------------------------------------------------------------------------------- page184.

Parivuttham ^1- katam caritam, nitthapitanti ^2- attho. Brahmacariyanti maggabrahmacariyam. Puthujjanakalyanakena hi saddhim satta sekkha brahmacariyavasam vasanti nama, khinasavo vutthavaso, ^3- tasma so attano brahmacariyavasam paccavekkhanto "vusitam brahmacariyan"ti abbhannasi. Katam karaniyanti catusu saccesu catuhi maggehi parinnapahanasacchikiriyabhavanavasena solasavidhampi kiccam nitthapitam. Puthujjanakalyanakadayo hi tam kiccam karonti nama, khinasavo katakaraniyo, tasma so attano karaniyam paccavekkhanto "katam karaniyan"ti abbhannasi. Naparam itthattayati "idani puna itthabhavaya evam solasakiccabhavaya kilesakkhayaya va maggabhavanakiccam me natthi"ti abbhannasi. Naparam itthattayati va "itthabhavato imasma evampakara vattamanakkhandhasantana aparam khandhasantanam mayham natthi, ime pana pancakkhandha parinnata titthanti chinnamulaka viya rukkha, te carimakacittanirodhena anupadano viya jatavedo nibbayissanti, apannattikabhavam gamissanti"ti abbhannasi. Annataroti eko. Arahatanti bhagavato savakanam arahantanam abbhantaro eko mahasavako ahositi attho. Annatara devatati adhigatamagga eka brahmadevata. Sa hi sayam asekkhatta asekkhavisayam abbhannasi. Sekkha hi tam tam sekkhavisayam, puthujjana ca attano puthujjanavisayameva jananti. Abhikkantaya rattiyati parikkhinaya rattiya, majjhimayameti attho. Abhikkantavannati atiuttamavanna. Kevalakappanti anavasesena samantato. Obhasetvati attano pabhaya cando viya suriyo viya ca jetavanam ekobhasam katva. Tenupasankamiti ayasmato nandassa arahattappattim viditva pitisomanassajata "tam bhagavato pativedessami"ti upasankami. @Footnote: ¹ ka. vuttham parivuttham @² ka. nitthitanti ³ ka. vutthavaso

--------------------------------------------------------------------------------------------- page185.

Asavanam khayati ettha asavantiti asava, cakkhudvaradihi pavattantiti attho. Athava agotrabhum abhavaggam va savantiti asava, ete dhamme etanca okasam anto karitva pavattantiti atatho. Ciraparivasiyatthena madiradiasava viyati asava. "purima bhikkhave koti na pannayati avijjaya"tiadivacanehi ^1- tesam ciraparivasiyata veditabba. Atha va ayatim ^2- samsaradukkham savanti pasavantitipi asava. Purimo cettha attho kilesesu yujjati, pacchimo kammepi. Na kevalanca kammakilesa eva asava, atha kho nanappakara upaddavapi. Tatha hi "naham cunda ditthadhammikanamyeva asavanam samvaraya dhammam desemi"ti ^3- ettha vivadamulabhuta kilesa asavati agata. "yena devupapatyassa gandhabbo va vihangamo yakkhattam yena gaccheyya manussattanca abbaje te mayham asava khina viddhasta vinalikata"ti ^4- ettha tebhumikam kammam avasesa ca akusala dhamma asavati agata. "ditthadhammikanam asavanam samvaraya samparayikanam asavanam patighataya"ti ^5- parupaghatavippatisaravadhabandhadayo ceva apayadukkhabhuta ca nanappakara upaddava. Te panete asava vinaye "ditthadhammikanam asavanam samvaraya samparayikanam asavanam patighataya"ti ^5- dvidha agata. Salayatane "tayome avuso asava kamasavo bhavasavo avijjasavo"ti ^6- tidha agata, tatha annesu ca suttantesu. Abhidhamme teyeva ditthasavena saddhim catudha ^7- agata. Nibbedhikapariyaye "atthi @Footnote: ¹ an.dasaka. 24/61/90 ² cha.Ma. ayatam ³ di. pa. 11/182/112 @⁴ an. catukka. 21/36/43 ⁵ vi. mahavi. 1/39/26 ⁶ di. pa. 11/305/194 @⁷ khu.pati. 31/214, 263/141, 172, abhi. san. 34/1465/322

--------------------------------------------------------------------------------------------- page186.

Bhikkhave asava nirayagaminiya"tiadina ^1- pancadha agata. Chakkanipate "atthi bhikkhave asava samvaraya pahatabba"tiadina ^2- nayena chadha agata. Sabbasavapariyaye ^3- teyeva dassanapahatabbehi saddhim sattadha agata. Idha pana abhidhammanayena cattaro asava veditabba. Khayati ettha pana "yo asavanam khayo bhedo paribhedo"tiadisu asavanam sarasabhedo asavakkhayoti vutto. "janato aham bhikkhave passato asavanam khayam vadami"tiadisu ^4- asavanam ayatim anuppado asavakkhayoti vutto. "sekkhassa sikkhamanassa ujumagganusarino khayasmim pathamam nanam tato anna anantara"tiadisu ^5- maggo asavakkhayoti vutto. "asavanam khaya samano hoti"tiadisu ^6- phalam "paravajjanupassissa niccam ujjhanasannino asava tassa vaddhanti ara so asavakkhaya"tiadisu ^7- nibbanam. Idha pana asavanam accantakkhayo anuppado va maggo va "asavanam khayo"ti vutto. Anasavanti patippassaddhivasena sabbaso pahinasavam. Cetovimuttinti arahattaphalasamadhim. Pannavimuttinti arahattaphalapannam. Ubhayavacanam magge viya phalepi samathavipassananam yuganandhabhavadassanattham. Nananti sabbannutananam. Devataya vacanasamanantarameva "katham nu kho"ti avajjentassa paccavekkhato bhagavato nanam uppajji "nandena arahattam sacchikatan"ti. So hi @Footnote: ¹ ana. chakka. 22/334(63)/463 (sya) @² Ma.mu. 12/22/13, an. chakka. 22/329(58)/434 (sya) @³ Ma.mu. 12/17-21/10-13 @⁴ Ma.mu. 12/15/10 ⁵ khu.iti. 25/62/279 @⁶ Ma.mu. 12/438/386 ⁷ khu.dha. 25/253/60

--------------------------------------------------------------------------------------------- page187.

Ayasma sahayakabhikkhuhi tatha uppandiyamano ^1- "bhariyam vata katam, yoham evam svakkhate dhammavinaye pabbajitva accharanam patilabhaya sattharam patibhogam akasin"ti uppannasamvego hirottappam paccupatthapetva ghatento vayamanto arahattam patva cintesi "yannunaham bhagavantam etasma patissava moceyyan"ti. So bhagavantam upasankamitva attano adhippayam satthu arocesi. Tena vuttam "atha kho ayasma nando .pe. Etasma patissava"ti. Tattha patissavati patibhogapatissava, "accharanam patilabhaya aham patibhuto"ti patinnaya. Athassa bhagava "yasma taya anna aradhitati natametam maya, devatapi me arocesi, tasma naham patissava idani mocetabbo arahattappattiyava mocitatta"ti aha. Tena vuttam "yadeva kho te nanda"tiadi. Tattha yadevati yada eva. Teti tava. Muttoti pamutto. Idam vuttam hoti:- yasmimyeva kale asavehi tava cittam vimuttam, atha anantaramevaham tato patibhogato muttoti. Sopi ayasma vipassanakaleyeva "yadevaham indriyasamvaram nissaya imam vippakaram patto, tameva sutthu niggahessami"ti ussahajato balavahirottappo tattha ca katadhikaratta indriyasamvare ukkatthapatipadampi ^2- agamasi. Vuttanhetam:- "sace bhikkhave nandassa puratthima disa aloketabba hoti, sabbam cetaso samannaharitva nando puratthimam disam aloketi `evam me puratthimam disam alokayato na abhijjhadomanassa papaka akusala dhamma anvassaveyyun"ti, itiha tattha sampajano hoti. Sace bhikkhave nandassa pacchima .pe. UttaRa. Dakkhina. Uddham adho. Anudisa aloketabba hoti, sabbam cetaso @Footnote: ¹ ka. upphandiyamano ² Si.,Ma. ukkamsaparamim

--------------------------------------------------------------------------------------------- page188.

Samannaharitva nando anudisam aloketi `evam me .pe. Sampajano hoti"ti ^1- teneva tam ayasmantam sattha "etadaggam bhikkhave mama savakanam bhikkhunam indriyesu guttadvaranam yadidam nando"ti ^2- etadagge thapesi. Etamattham viditvati etam ayasmato nandassa sabbasave khepetva sukhadisu tadibhavappattisankhatamattham sabbakarato viditva. Imam udananti tadatthavibhavanam imam udanam udanesi. Tattha yassa tinno kamapankoti ^3- yena ariyapuggalena ariyamaggasetuna sabbo ditthipanko samsarapanko eva va nibbanaparagamanena tinno. Maddito kamakantakoti yena sattanam vijjhanato "kamakantako"ti laddhanamo sabbo kilesakamo sabbo kamavisuko aggananadandena maddito bhaggo anavasesato mathito. Mohakkhayamanuppattoti evambhuto ca dukkhadivisayassa sabbassa sammohassa khepanena mohakkhayam patto, arahattaphalam nibbananca anuppatto. Sukhadukkhesu na vedhati sa bhikkhuti so bhinnakileso bhikkhu ittharammanasamayogato uppannesu sukhesu anittharammanasamayogato uppannesu dukkhesu ca na vedhati na kampati, tannimittam cittavikaram napajjati. "sukhadukkhesu"ti ca desanamattam, sabbesupi lokadhammesu na vedhatiti veditabbam. Dutiyasuttavannana nitthita. ------------- @Footnote: ¹ an. atthaka. 23/99(9)/168 ² an. ekaka. 20/230/25 @³ cha.Ma. nittinno pankoti

The Pali Atthakatha in Roman Book 26 page 176-188. http://84000.org/tipitaka/atthapali/read_rm.php?B=26&A=3949&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=3949&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=67 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2066 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2078 The Pali Tipitaka in Roman Character :- http://84000.org/tipitaka/read/roman_read.php?B=25&A=2078 Contents of The Tipitaka Volume 25 http://84000.org/tipitaka/read/?index_25