|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Muccalindavagga 1. Muccalindasuttavannana [11] Muccalindavaggassa pathame muccalindamuleti ettha muccalindo vuccati niparukkho, so "niculo"tipi vuccati, tassa samipe. Keci pana "muccaloti tassa rukkhassa namam, tam vanajetthakataya pana muccalindoti vuttan"ti. Vadanti. Maha akalameghoti asampatte vassakale uppannamahamegho. So hi gimhanam pacchime mase sakalacakkavalagabbham purento udapadi. Sattahavaddalikati tasmim uppanne sattaham avicchinna vutthika ahosi. Sitavataduddiniti sa ca sattahavaddalika udakaphusitasammissena sitavatena samantato paribbhamantena dusitadivasatta duddini nama ahosi. Muccalindo nama nagarajati tasseva muccalindarukkhassa samipe pokkharaniya hettha nagabhavanam atthi, tattha nibbatto mahanubhavo nagaraja. Sakabhavanati attano nagabhavanato. Sattakkhattum bhogehi parikkhipitvati sattavare attano sarirabhogehi bhagavato kayam parivaretva. Uparimuddhani mahantam phanam vihaccati bhagavato muddhappadesassa upari attano mahantam phanam pasaretva. "phanam karitva"tipi patho, so evattho. Tassa kira nagarajassa etadahosi "bhagava ca mayham bhavanasamipe rukkhamule nisinno, ayanca sattahavaddalika vattati, vasagaramassa laddhum vattati"ti. So sattaratanamayam pasadam nimminitum sakkontopi "evam kate kayasaro gahito na bhavissati, dasabalassa kayaveyyavaccam karissami"ti mahantam attabhavam katva sattharam sattakkhattum bhogehi parikkhipitva upari phanam katva dharesi. "parikkhepabbhantaram lohapasade bhandagaragabbhappamanam ahosi"ti khandhakatthakathayam 1- @Footnote: 1 Si. andhakatthakathayam--------------------------------------------------------------------------------------------- page105.
Vuttam. Majjhimatthakathayam pana "hettha lohapasadappamanan"ti. "icchiticchitena iriyapathena sattha viharissati"ti kira nagarajassa ajjhasayo. Bhagava pana yathanisinnova sattaham vitinamesi. Tanca thanam supihitavatapanam suphusitaggaladvaram kutagaram viya ahosi. Ma bhagavantam sitantiadi tassa tatha karitva thanakaranaparidipanam. 1- So hi "ma bhagavantam sitam badhayittha, ma unham, ma damsadisamphasso badhayittha"ti tatha karitva atthasi. Tattha kincapi sattahavaddalikaya unhameva natthi, sace pana antarantara megho vigaccheyya, unham bhaveyya, tampi ma badhayitthati evam tassa cintetum yuttam. Keci panettha vadanti "unhaggahanam bhogaparikkhepassa vipulabhavakarane karanakittanam. Khuddake hi tasmim bhagavantam nagassa sarirasambhuta usma badheyya, vipulabhavakaranena pana tadisam ma unham badhayitthati tatha karitva atthasiti. Viddhanti ubbiddham, meghavigamena duribhutanti attho. Vigatavalahakanti apagatamegham. Devanti akasam. Viditvati "idani vigatavalahako akaso, natthi bhagavato sitadiupaddavo"ti natva. Vinivethetvati apanetva. Sakavannanti attano nagarupam. Patisamharitvati antaradhapetva. Manavakavannanti kumarakarupam. Etamatthanti vivekasukhapatisamvedino yattha katthaci sukhameva hotiti etam attham sabbakarena janitva. Imam udananti imam vivekasukhanubhavadipakam udanam udanesi. Tattha sukho vivekoti nibbanasankhato upadhiviveko sukho. Tutthassati catumaggananasantosena tutthassa. Sutadhammassati pakasitadhammassa vissutadhammassa. Passatoti tam vivekam, yam va kinci passitabbam nama, tam sabbam attano @Footnote: 1 Si. tassa thanakaranaparidipanam--------------------------------------------------------------------------------------------- page106.
Viriyabaladhigatena nanacakkhuna passantassa. Abyapajjhanti akuppanabhavo, etena mettapubbabhago dassito. Panabhutesu samyamoti sattesu ca samyamo avihimsanabhavo sukhoti attho, etena karunapubbabhago dassito. Sukha viragata loketi vigataragatapi loke sukha. Kidisi? kamanam Samatikkamoti, ya kamanam samatikkamoti vuccati, sa vigataragatapi sukhati attho, etena anagamimaggo kathito. Asmimanassa yo vinayoti imina pana arahattam kathitam. Arahattam hi asmimanassa patipassaddhivinayoti vuccati, ito paranca sukham nama natthi, tenaha "etam ve paramam sukhan"ti. Evam arahattena desanaya kutam ganhiti. Pathamasuttavannana nitthita. -------------The Pali Atthakatha in Roman Book 26 page 104-106. http://84000.org/tipitaka/atthapali/read_rm.php?B=26&A=2323&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=2323&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1699 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1701 The Pali Tipitaka in Roman Character :- http://84000.org/tipitaka/read/roman_read.php?B=25&A=1701 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]