ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                        8. Sangamajisuttavannana
      [8] Atthame sangamajiti evamnamo. Ayam hi ayasma savatthiyam annatarassa
mahavibhavassa setthino putto, vayappattakale matapituhi patirupena darena
niyojetva sapateyyam niyyatetva gharabandhanena baddho hoti. So ekadivasam
savatthivasino upasake pubbanhasamayam danam datva silam samadiyitva
sayanhasamaye suddhavatthe suddhuttarasange gandhamaladihattham dhammassavanattham
jetavanabhimukhe gacchante disva "kattha tumhe gacchatha"ti pucchitva
"dhammassavanattham jetavane satthu santikan"ti vutte "tenahi ahampi gamissami"ti
tehi saddhim jetavanam agamasi. Tena ca samayena bhagava kancanaguhayam sihanadam
@Footnote: 1 Si. paramatthaya paramatthabrahmano  2 Si. tasanatthamagatam, Ma. vibhimsapanatthamagatam
@3 cha.Ma. akampaniyassa bhagavato
Nadanto kesarasiho viya saddhammamandape pannattapavarabuddhasane nisiditva
catuparisamajjhe dhammam deseti.
      Athakho te upasaka bhagavantam vanditva ekamantam nisidimsu, sangamajipi
kulaputto tassa parisaya pariyante dhammam sunanto nisidi. Bhagava anupubbikatham
kathetva cattari saccani pakasesi, saccapariyosane anekesam panasahassanam
dhammabhisamayo ahosi. Sangamajipi kulaputto sotapattiphalam patva parisaya
vutthitaya bhagavantam upasankamitva vanditva pabbajjam yaci "pabbajetha mam
bhagava"ti. Anunnatosi pana tvam matapituhi pabbajjayati. Naham bhante
anunnatoti. Na kho sangamaji tathagata matapituhi ananunnatam puttam
pabbajentiti. Soham bhante tatha karissami, yatha mam matapitaro
pabbajitumanujanantiti. So bhagavantam vanditva padakkhinam katva matapitaro
upasankamitva "ammatata anujanatha mam pabbajitun"ti aha. Tato param
ratthapalasutte 1- agatanayena veditabbam.
      Atha so "pabbajitva attanam dassessami"ti patinnam datva anunnato
matapituhi bhagavantam upasankamitva pabbajjam yaci. Alattha kho ca bhagavato
santike pabbajjam upasampadanca, acirupasampanno ca pana so uparimaggatthaya
ghatento vayamanto annatarasmim arannavase vassam vasitva chalabhinno hutva
vutthavasso bhagavantam dassanaya matapitunanca patissavamocanattham 2- savatthim agamasi.
Tena vuttam "tena kho pana samayena ayasma sangamaji savatthim anuppatto
hoti"ti.
      So hi ayasma dhuragame pindaya caritva pacchabhattam pindapata-
patikkanto jetavanam pavisitva bhagavantam upasankamitva bhagavata saddhim
@Footnote: 1 Ma.Ma. 13/293/268  2 Si. patinnapamocanattham
Katapatisantharo 1- annam byakaritva puna bhagavantam vanditva padakkhinam katva
nikkhamitva annatarasmim rukkhamule divaviharam nisidi. Athassa matapitaro
natimitta cassa agamanam sutva "sangamaji kira idhagato"ti hatthatuttha
turitaturita viharam gantva pariyesanta nam tattha nisinnam disva upasankamitva
patisantharam katva "ma aputtakam sapateyyam rajano hareyyum, appiya
dayada va ganheyyum, nalam pabbajjaya, ehi tata vibbhama"ti yacimsu. Tam
sutva thero "ime mayham kamehi anatthikabhavam na jananti, guthadhari 2- viya
guthapinde kamesuyeva alliyanam icchanti, nayime sakka dhammakathaya
sannapetun"ti assunanto viya nisidi. Te nanappakaram yacitva attano vacanam
agganhantam disva gharam pavisitva puttena saddhim tassa bhariyam saparivaram
uyyojesum "mayam nanappakaram tam yacantapi tassa manam alabhitva agatamha, 3-
gaccha tvam bhadde tava bhattaram puttasandassanena yacitva sannapehi"ti. Taya
kira apannasattaya ayam ayasma pabbajito. Sa "sadhu"ti sampaticchitva
darakamadaya mahata parivarena jetavanam agamasi. Tam sandhaya vuttam "assosi
kho ayasmato sangamajissa"tiadi.
      Tattha puranadutiyikati pubbe gihikale padaparicaranavasena dutiyika, 4-
bhariyati attho. Ayyoti "ayyaputto"ti vattabbe pabbajitanam anucchavikavoharena
vadati. Kirati anussavanatthe nipato, tassa anuppatto kirati sambandho
veditabbo. Khuddaputtam hi 5- samana posa manti apannasattameva mam chaddetva
pabbajito, saham etarahi khuddaputta, daharaputta 6- tadisam mam chaddetvava
@Footnote: 1 ka.... patisantharo, evamuparipi  2 Ma. guthakhadi
@3 cha.Ma. agata  4 Si. padaparicarikavasena dutiya, cha.Ma. padaparicaranavasena dutiyika
@5 Si. khuddaputtamhi  6 cha.Ma. ayam patho na dissati
Tava samanadhammakaranam ayuttam, tasma samana puttadutiyam mam ghasacchadanadihi
bharassuti. Ayasma pana sangamaji indriyani okkhipitva tam neva oloketi,
napi alapati. Tena vuttam "evam vutte ayasma sangamaji tunhi ahosi"ti.
      Sa tikkhattum tatheva vatva tunhibhutameva tam disva "purisa nama bhariyasu
nirapekkhapi puttesu sapekkha honti, puttasineho pitu atthiminjam ahacca
titthati, tasma puttapemenapi mayham vase vatteyya"ti mannamana puttam
therassa anke nikkhipitva ekamantam apakkamma "eso te samana putto,
posa nan"ti vatva thokam agamasi. Sa kira samanatejenassa sammukhe thatum
nasakkhi. Thero darakampi neva oloketi napi alapati. Atha sa itthi
avidure thatva mukham parivattetva olokenti therassa akaram natva
patinivattitva "puttenapi ayam samano anatthiko"ti darakam gahetva pakkami.
Tena vuttam "athakho ayasmato sangamajissa puranadutiyika"tiadi.
      Tattha puttenapiti ayam samano attano orasaputtenapi anatthiko, pageva
annehiti adhippayo. Dibbenati ettha dibbasadisatta dibbam. 1- Devatanam hi
sucaritakammanibbattam pittasemharuhiradihi apalibuddham durepi arammana-
sampaticchanasamattham 2- dibbam pasadacakkhu hoti. Idampi catutthajjhanasamadhinibbattam
abhinnacakkhum tadisanti dibbam viyati dibbam, dibbaviharasannissayena laddhatta
va dibbam, mahajutikatta mahagatikatta va dibbam, tena dibbena. Visuddhenati
nivaranadisankilesavigamena suparisuddhena. Atikkantamanusakenati manussanam
visayatitena. 3- Imam evarupam vippakaranti imam evam vippakaram yathavuttam
pabbajitesu asaruppam anke puttatthapanasankhatam virupam kiriyam.
@Footnote: 1 Si. dibbe bhavam dibbam  2 Si. alocanasamattham  3 Ma. visayatikkamena
      Etamatthanti etam ayasmato sangamajissa puttadaradisu sabbattha
nirapekkhabhavasankhatam attham sabbakarato viditva. Imam udanam udanesiti imam
tassa itthanitthadisu tadibhavadipakam udanam udanesi.
      Tattha ayantinti agacchantim, puranadutiyikanti adhippayo. Nabhinandatiti
datthum mam agatati na nandati na tussati. Pakkamantinti sa ayam maya
asammoditava gacchatiti gacchantim. Na socatiti na cittasantapamapajjati. Yena
pana karanena thero evam nabhinandati na socati, tam dassetum "sanga sangamajim
muttan"ti vuttam. Tattha sangati ragasango dosamohamanaditthisangoti pancavidhapi
sanga samucchedapatipassaddhivimuttihi vimuttam sangamajim bhikkhum. Tamaham brumi
brahmananti tam tadibhavappattam khinasavam aham sabbaso bahitapapatta
brahmananti vadamiti.
                       Atthamasuttavannana nitthita.
                          -------------



             The Pali Atthakatha in Roman Book 26 page 73-77. http://84000.org/tipitaka/atthapali/read_rm.php?B=26&A=1640&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=1640&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=45              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1564              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1561              The Pali Tipitaka in Roman Character :- http://84000.org/tipitaka/read/roman_read.php?B=25&A=1561              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]