ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

page51.

3. Tatiyabodhisuttavannana [3] Tatiye anulomapatilomanti anulomanca patilomanca, patilomanca, yathavuttaanulomavasena ceva patilomavasena cati attho. Nanu ca pubbepi anulomavasena patilomavasena ca paticcasamuppade manasikarappavatti suttadvaye vutta, idha kasma punapi tadubhayavasena manasikarappavatti vuccatiti? tadubhayavasena tatiyavaram tattha manasikarassa pavattitatta. Katham pana tadubhayavasena manasikaro pavattito. Na hi sakka apubbam acarimam anulomapatilomam paticcasamuppadassa manasikaram pavattetunti? na kho panetam evam datthabbam "tadubhayam ekajjham manasakasi"ti, athakho varena. Bhagava hi pathamam anulomavasena paticcasamuppadam manasikaritva tadanurupam pathamam udanam udanesi. Dutiyampi patilomavasena tam manasikaritva tadanurupameva udanam udanesi. Tatiyavare pana kalena anulomam kalena patilomam manasikaranavasena anulomapatilomam manasakasi. Tena vuttam "anulomapatilomanti anulomanca patilomanca, yathavuttaanulomavasena ceva patilomavasena ca"ti. Imina manasikarassa pagunabalavabhavo ca vasibhavo ca pakasito hoti, ettha ca "anulomam manasi karissami, patilomam manasi karissami, anulomapatilomam manasi karissami"ti evam pavattanam pubbabhoganam 1- vasena nesam vibhago veditabbo. Tattha avijjaya tvevati avijjaya tu eva. Asesaviraganirodhati viragasankhatena maggena asesanirodha, aggamaggena anavasesaanuppadappahanati attho. Sankharanirodhoti sabsesam sankharanam anavasesam anuppadanirodho. Hetthimena hi maggattayena keci sankhara nirujjhanti, keci na nirujjhanti avijjaya @Footnote: 1 Si. pubbabhaganam

--------------------------------------------------------------------------------------------- page52.

Savasesanirodha. Aggamaggena panassa anavasesanirodha na keci sankhara na nirujjhantiti. Etamattham viditvati yvayam avijjadivasena sankharadikassa dukkhakkhandhassa samudayo nirodho ca avijjadinam samudaya nirodha ca hotiti vutto, sabbakarena etamattham viditva. Imam udanam udanesiti idam yena maggena yo dukkhakkhandhassa samudayanirodhasankhato attho kiccavasena arammanakiriyaya ca vidito, tassa ariyamaggassa anubhavadipakam vuttappakaram udanam udanesiti attho. Tatrayam sankhepattho:- yada have patubhavanti dhamma atapino jhayato brahmanassa, tato 1- so brahmano tehi uppannehi bodhipakkhiyadhammehi, yassa va ariyamaggassa catusaccadhamma patubhuta, tena ariyamaggena vidhupayam titthati marasenam, "kama te pathama sena"tiadina 2- nayena vuttapkaram marasenam vidhupayanto vidhamento viddhamsento titthati. Katham? surova 3- obhasayamantalikkham, yatha suriyo abbhuggato attano pabhaya antalikkham obhasentova andhakaram vidhamento titthati, evam sopi khinasavabrahmano tehi dhammehi tena va maggena saccani pativijjhantova marasenam vidhupayanto titthatiti. Evam bhagavata pathamam paccayakarapajananassa, dutiyam paccayakkhayadhigamassa, tatiyam ariyamaggassa anubhavappakasanani imani tini udanani tisu yamesu bhasitani. Kataraya rattiya? abhisambodhito sattamaya rattiya. Bhagava hi visakhapunnamaya rattiya pathamayame pubbenivasam anussaritva majjhimayame dibbacakkhum visodhetva pacchimayame paticcasamuppade nanam otaretva nananayehi tebhumake sankhare sammasitva "idani aruno uggamissati"ti sammasambodhim papuni, @Footnote: 1 cha.Ma. tada 2 khu.su. 25/439/416, khu.maha. 29/134/114 (sya) @3 cha.Ma. suriyova, khu.u. 25/3/96

--------------------------------------------------------------------------------------------- page53.

Sabbannutappattisamanantarameva ca aruno uggacchiti. Tato teneva pallankena bodhirukkhamule sattaham vitinamento sampattaya patipadarattiya 1- tisu yamesu vuttanayena paticcasamuppadam manasikatva yathakkamam imani udanani udanesi. Khandhake pana tisupi varesu "paticcasamuppadam anulomapatilomam manasakasi"ti 2- agatatta khandhakatthakathayam 3- "tisupi yamesu evam manasikatva pathamam udanam paccayakarapaccavekkhanavasena, dutiyam nibbanapaccavekkhanavasena 4- tatiyam maggapaccavekkhanavasenati evam imani bhagava udanani udanesi"ti vuttam, tampi na virujjhati. Bhagava hi thapetva ratanagharasattaham sesesu chasu sattahesu antarantara dhammam paccavekkhitva yebhuyyena vimuttisukhapatisamvedi vihasi, ratanagharasattahe pana abhidhammaparicayavaseneva vihasiti. Tatiyabodhisuttavannana nitthita. ----------------


             The Pali Atthakatha in Roman Book 26 page 51-53. http://84000.org/tipitaka/atthapali/read_rm.php?B=26&A=1136&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=1136&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=40              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1465              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1469              The Pali Tipitaka in Roman Character :- http://84000.org/tipitaka/read/roman_read.php?B=25&A=1469              Contents of The Tipitaka Volume 25 http://84000.org/tipitaka/read/?index_25

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]