|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{438} Dutiyasikkhapade. Vinayakatham kathetiti vinayakatha nama
kappiyakappiyaapattanapattisamvarasamvarappahanapatisamyuttakatha tam
katheti. Vinayassa vannam bhasatiti vinayassa vanno nama
pancannampi sattannampi apattikkhandhanam vasena matikam nikkhipitva
padabhajanena vannana tam bhasati. Vinayapariyattiya vannam
@Footnote: 1. kandaka itipi.
Bhasatiti vinayam pariyapunantanam vinayapariyattimulakam vannam gunam
anisamsam bhasati. Vinayadharo hi vinayapariyattimulake pancanisamse cha
anisamse sattanisamse atthanisamse navanisamse dasanisamse
ekadasanisamse labhati te sabbe bhasatiti attho.
Katame pancanisamse labhati. Attano silakkhandhaguttiadike.
Vuttam hetam pancime bhikkhave anisamsa vinayadhare puggale attano
silakkhandho sugutto hoti surakkhito kukkuccappakatanam patissaranam
hoti visarado sanghamajjhe voharati paccatthike sahadhammena
suniggahitam nigganhati saddhammatthitiya patipanno hotiti 1-.
Kathamassa attano silakkhandho sugutto hoti surakkhito.
Idhekacco bhikkhu apattim apajjanto chahakarehi apajjati
alajjita annanata kukkuccappakatata akappiye kappiyasannita
kappiye akappiyasannita satisammosati. Katham alajjitaya apajjati.
Akappiyabhavam janantoyeva madditva vitikkamam karoti. Vuttampi cetam
sancicca apattim apajjati
apattim pariguhati
agatigamananca gacchati
idiso vuccati alajjipuggaloti 2-
katham annanataya apajjati. Annanipuggalo hi mando
momuho kattabbakattabbam ajananto akattabbam karoti kattabbam
viradheti evam annanataya apajjati. Katham kukkuccappakatataya
@Footnote: 1. 2. naYu. vi. parivara. 8/453. parivareyeva 393.
Apajjati. Kappiyakappiyam nissaya kukkucce uppanne vinayadharam
pucchitva kappiyam ce kattabbam siya akappiyam ce na kattabbam
siya ayam pana vattatiti madditva vitikkamatiyeva evam
kukkuccappakatataya apajjati. Katham akappiye kappiyasannitaya
apajjati. Acchamamsam sukaramamsanti khadati dipimamsam migamamsanti
khadati akappiyabhojanam kappiyabhojananti bhunjati vikale
kalasannaya bhunjati akappiyapanakam kappiyapanakanti pivati
evam akappiye kappiyasannitaya apajjati. Katham kappiye
akappiyasannitaya apajjati. Sukaramamsam acchamamsanti khadati
migamamsam dipimamsanti khadati kappiyabhojanam akappiyabhojananti
bhunjati kale vikalasannaya bhunjati kappiyapanakam akappiyapanakanti
pivati evam kappiyeakappiyasannitaya apajjati. Katham satisammosaya
apajjati. Sahaseyyaticivaravippavasabhesajjacivarakalatikkamanapaccaya
apattim ca satisammosaya apajjati. Evamidhekacco bhikkhu
imehi chahi akarehi apattim apajjati. Vinayadharo pana imehi
chahi akarehi apattim na apajjati. Katham alajjitaya
napajjati. So hi passatha bho ayam kappiyakappiyam janantoyeva
pannattivitikkamam karotiti imam parupavadam rakkhantopi napajjati
evam alajjitaya napajjati. Sahasa apannampi desanagaminim
desetva vutthanagaminiya vutthahitva suddhante patitthati.
Tato patthaya
Sancicca apattim napajjati
apattim na pariguhati
agatigamananca na gacchati
idiso vuccati lajjipuggaloti 1-
imasmim lajjibhave patitthitova hoti. Katham annanataya
napajjati. So hi kappiyakappiyam janati tasma kappiyamyeva
karoti akappiyam na karoti evam annanataya napajjati. Katham
kukkuccappakatataya napajjati. So hi kappiyakappiyam nissaya kukkucce
uppanne vatthum oloketva matikam padabhajanam antarapattim
anapattim oloketva kappiyam ce karoti akappiyam ce na
karoti evam kukkuccappakatataya napajjati. Katham akappiye
kappiyasannitadihi napajjati. So hi kappiyakappiyam janati tasma
akappiye kappiyasanni na hoti kappiye akappiyasanni na hoti
supatitthita cassa sati hoti adhitthatabbam adhittheti vikappetabbam
vikappeti. Iti imehi chahi akarehi apattim napajjati.
Anapajjanto akhandasilo hoti parisuddhasilo. Evamassa attano
silakkhandho sugutto hoti surakkhito. Katham kukkuccappakatanam
patissaranam hotiti. Tiroratthesu tirojanapadesu ca uppannakukkucca
bhikkhu amukasmim kira vihare vinayadharo vasatiti duratopi tassa
santikam agantva kukkuccam pucchanti. So tehi katassa kammassa
vatthum oloketva apattanapattigarukalahukadibhedam sallakkhetva
@Footnote: 1. vi. parivara 8/393-394.
Desanagaminim desapetva vutthanagaminiya vutthapetva suddhante
patitthapeti evam kukkuccappakatanam patissaranam hoti. Visarado
sanghamajjhe voharatiti avinayadharassa hi sanghamajjhe kathentassa bhayam
sarajjam okkamati vinayadharassa tam na hoti. Kasma. Evam
kathentassa doso hoti evam na dosoti natva kathanato. Paccatthike
sahadhammena suniggahitam nigganhatiti ettha dvidha paccatthika nama
attapaccatthika ca sasanapaccatthika ca. Tattha mettiyabhummajaka
ca bhikkhu vaddho ca licchavi amulakena antimavatthuna codesum ime
attapaccatthika nama. Ye vapana annepi dussila papadhamma
sabbe te attapaccatthika nama. Viparitadassana pana
aritthabhikkhukanthakasamaneravesalivajjiputtaka parupaharaannanakankha-
paravitaranadivada mahasanghikadayo ca abuddhasasanam buddhasasananti vatva
katapaggaha sasanapaccatthika nama. Te sabbepi sahadhammena
sahakaranena vacanena yathatam asaddhammam patitthapetum na
sakkonti evam suniggahitam katva nigganhati. Saddhammatthitiya
patipanno hotiti ettha pana tividho saddhammo
pariyattipatipattiadhigamavasena. Tattha tepitakam buddhavacanam pariyattisaddhammo
nama. Terasa dhutangaguna cuddasa khandhakavattani dveasiti mahavattaniti
ayam patipattisaddhammo nama. Cattaro magga cattari phalani ca
ayam adhigamasaddhammo nama. Tattha keci thera yo vo
ananda maya dhammo ca vinayo ca desito pannatto so vo
Mamaccayena satthati 1- imina suttena sasanassa pariyatti mulanti
vadanti. Keci thera ime ca subhadda bhikkhu sammavihareyyum asunno
loko arahantehi assati 2- imina suttena sasanassa patipatti mulanti
vatva yava panca bhikkhu sammapatipanna samvijjanti tava sasanam
thitam hotiti ahamsu. Itare pana thera pariyattiya antarahitaya
supatipannassapi dhammabhisamayo natthiti vatva ahamsu sacepi panca
bhikkhu cattari parajikani rakkhanaka honti te saddhe kulaputte
pabbajetva paccantime janapade upasampadetva dasavaggam ganam
puretva majjhime janapadepi upasampadam karissanti etenupayena
visativaggam bhikkhusangham puretva attanopi abbhanakammam katva sasanam
vuddhim virulhim vepullam gamayissanti 3-. Evamayam vinayadharo tividhassapi
saddhammassa ciratthitiya patipanno hotiti. Evamayam vinayadharo ime
tava pancanisamse labhatiti veditabbo. Katame cha anisamse
labhatiti. Tassadheyyo uposatho pavarana sanghakammam pabbajja
upasampada nissayam deti samaneram upatthapeti. Ye hi ime
catuddasiko pannarasiko samaggiuposatho sanghe uposatho
gane uposatho puggale uposatho suttuddeso uposatho parisuddhiuposatho
adhitthanuposathoti nava uposatha sabbe te vinayadharayatta.
Yapi ca ima catuddasika pannarasika samaggipavarana
sanghe pavarana gane pavarana puggale pavarana
@Footnote: 1. di. maha. 10/178. 2. tattheva 176 anke. 3. itoparamiti saddo icchitabbo.
Tevacika dvevacika samanavassika pavaranati nava pavaranayo
tapi vinayadharayatta evam tassa santakatta so tasam sami.
Yanipi imani apalokanakammam nattikammam nattidutiyakammam
natticatutthakammanti cattari sanghakammani yapi cayam upajjhayena hutva
kulaputtanam pabbajja ca upasampada ca katabba ayampi
vinayadharayattava. Na hi anno dvipitakadharopi etam katum labhati.
Soeva nissayam deti samaneram upatthapeti. Anno neva
nissayam datum labhati na samaneram upatthapetum. Samanerupatthanam
paccasimsanto pana vinayadharassa santike upajjham gahapetva
vattapatipattim saditum labhati. Ettha ca nissayadananceva
samanerupatthapananca ekamangam. Iti imesu chasu anisamsesu ekena
saddhim purimani panca cha honti. Dvihi saddhim satta tihi
saddhim attha catuhi saddhim nava pancahi saddhim dasa sabbehipetehi
saddhim ekadasati evam vinayadharo puggalo panca cha satta
attha nava dasa ekadasa ca anisamse labhatiti veditabbo.
Evam bhagava ime anisamse dassento vinayapariyattiya
vannam bhasatiti veditabbo. Adissa adissati punappunam
vavatthapetva visum visum katva. Ayasmato upalissa vannam
bhasatiti vinayapariyattim nissaya upalittherassa gunam bhasati thometi
pasamsati. Kasma. Appeva nama mama vannanam sutvapi bhikkhu
upalissa santike vinayam uggahetabbam pariyapunitabbam manneyyum
Evamidam sasanam addhaniyam bhavissati panca vassasahassani pavattissatiti.
Tedha bahu bhikkhuti 1- te imam bhagavato vannanam sutva ime kiranisamse
neva suttantika na abhidhammika labhantiti yathaparikittikanisamsadhigamena
ussahajata bahu bhikkhu thera ca nava ca majjhima ca
ayasmato upalissa santike vinayam pariyapunantiti ayamettha
attho. Idhati padam nipatamattameva. {439-440} Uddissamananati acariyena
antevasikassa uddissamane. So pana yasma acariye attano
ruciya uddisante va tam acariyam yacitva antevasike uddisapente
va yo nam dhareti tasmim sajjhayam karonte va uddissamano
nama hoti tasma uddisante va uddisapente va
sajjhayam karonte vati padabhajanam vuttam. Khuddanukhuddakehiti
khuddakehi ca anukhuddakehi ca. Yavadevati tesam samvattanamariyada-
paricchedavacanam. Idam vuttam hoti etani hi ye uddisanti va
uddisapenti va sajjhayanti va tesam tava samvattanti yava
kappati nukho na kappati nukhoti kukkuccasankhato vipatisaro
vihesa vicikicchasankhato manovilekho ca uppajjatiyeva. Athava
yavadevati atisayavavatthapanam. Tassa samvattantiti imina sambandho.
Kukkuccaya vihesaya vilekhaya ativiya samvattantiti vuttam hoti.
Upasampannassa vinayam vivannetiti upasampannassa santike tassa
tasmim vimatim uppadetukamo vinayam vivanneti nindati garahati.
@Footnote: 1. bhikkhuti ettakameva paliyam agatam.
Sesamettha uttanameva. Tisamutthanam kiriya sannavimokkham sacittakam
lokavajjam kayakammam vacikammam akusalacittam dukkhavedananti.
Vilekhanasikkhapadam dutiyam.
The Pali Atthakatha in Roman Book 2 page 467-475.
http://84000.org/tipitaka/atthapali/read_rm.php?B=2&A=9863&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=9863&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=1&i=
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
The Pali Tipitaka in Roman Character :-
http://84000.org/tipitaka/read/roman_read.php?B=1&A=
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]