|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{417} Atthamasikkhapade. Gaddhe badhayimsuti gaddhabadhano. Gaddhabadhino pubbapurisa assati gandhabadhipubbo 1-. Tassa gaddhabadhipubbassa gijjhaghatakakulappasutassati attho. Saggamokkhanam antarayam karontiti antarayika. Te kammakilesavipaka- upavadaanavitikkamavasena pancavidha. Tattha pancanantarikadhamma kammantarayika nama. Tatha bhikkhunidusakakammam. Tam pana mokkhasseva antarayam karoti na saggassa. Niyatamicchaditthidhamma kilesantarayika nama. Pandakatiracchanagataubhatobyanjanakanam patisandhidhamma vipakantarayika nama. Ariyupavada upavadantarayika nama. Te pana yava ariye na khamapenti tavadeva na tato param. Sancicca apanna apattiyo anavitikkamantarayika nama. Tapi yava bhikkhubhavam va patijanati na vutthati va na deseti va tavadeva na tato param. Tatrayam bhikkhu bahussuto dhammakathiko sesantarayike janati vinaye pana akovidatta pannattivitikkamantarayikenajanati. Tasma rahogatoevamcintesiime agarika pancakamagune paribhunjanta sotapannapi sakadagaminopi anagaminopi honti bhikkhupi manapikani cakkhuvinneyyani rupani passanti .pe. Kayavinneyye photthabbe phusanti mudukanipi attharanapapuranadini paribhunjanti etam sabbam vattati kasma @Footnote: 1. gaddhe gijjhe badhati vijjhatiti gaddhabadhi. gaddhabadhibhutapubbo gaddhabadhipubboti @amhakam mati. annatitthiyapubboti sadhakam. yo hi pubbe attana annatitthiyo @ahosi so adhippeto na annatitthiyanam anupuriso.--------------------------------------------------------------------------------------------- page465.
Itthirupa .pe. Itthiphotthabba evam na vattanti etepi vattantiti. Evam rasena rasam samsanditva sacchandaragaparibhoganca nicchandaragaparibhoganca ekam katva thulavakehi saddhim atisukhumasuttam ghatento viya sasapena saddhim sinerum upasamharanto viya papakam ditthigatam uppadetva kim bhagavata mahasamuddam bandhantena viya mahata ussahena pathamaparajikam pannattam natthi ettha dosoti sabbannutannanena saddhim pativirujjhanto bhabbapuggalanam asam chindanto jinassa anacakke paharamadasi. Tenaha tathaham bhagavata dhammam desitam ajanamitiadim. Atthikankalupamatiadimhi atthikankalupama appassadatthena. Mamsapesupama bahusadharanatthena. Tinukkupama anudahanatthena. Angarakasupama mahabhitapanatthena. Supinakupama ittarapaccupatthanatthena. Yacitakupama tavakalikatthena. Rukkhaphalupama sabbangapaccangapalibhanjanatthena. Asisunupama adhikuttanatthena. Sattisulupama vinivijjhanatthena. Sappasirupama sasankasapatibhayatthenati. Ayamettha sankhepo. Vittharo pana papancasudaniyam majjhimatthakathayam gahetabbo. Evam bya khoti evam viya kho. Sesamettha pubbe vuttanayatta uttanameva. Samanubhasanasamutthanam kayavacacittato samutthati akiriya sannavimokkham sacittakam lokavajjam kayakammam vacikammam akusalacittam dukkhavedananti. Aritthasikkhapadam atthamam.The Pali Atthakatha in Roman Book 2 page 464-465. http://84000.org/tipitaka/atthapali/read_rm.php?B=2&A=9784&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=9784&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]