บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{368-369} Atthamasikkhapade. Navam pana bhikkhuna civaralabhenati ettha alabhiti labho labhoeva labho. Kim alabhi. Civaram. Kidisam. Navam. Iti navacivaralabhenati vattabbe anunasikalopam akatva navam civaralabhenati vuttam. Patiladdhanavacivarenati attho. Majjhe thitapadadvaye panati nipato. Bhikkhunati yena laddham tassa nidassanam. Padabhajane pana byanjanam anadiyitva yam laddham tam dassetum civaram nama channam civaranantiadi vuttam. Civaranti cettha yam nivasetum va parupitum va sakka hoti tadeva veditabbam. Teneva vikappanupagam pacchimanti na vuttam. Kamsanilanti cammakaranilam. Mahapaccariyam pana ayamalam lohamalam etam kamsanilam namati vuttam. Palasanilanti yo koci nilavanno pannakaraso. Dubbannakaranam adatabbanti etam kappabindum sandhaya vuttam. Na niladihi sakalacivarassa dubbannakaranam. Tanca pana kappam adiyantena civaram rajitva catusu va konesu tisu va dvisu va ekasmim va kone morassa akkhimandalamattam va mankunapitthimattam va adatabbam. Mahapaccariyam pate va ganthiyam va na vattatiti vuttam. Mahaatthakathayam pana vattatiyevati vuttam. Palikappakannikakappadayo pana sabbattha patisiddha tasma thapetva ekam vattabindum annena kenacipi vikarena kappo na katabbo. {371} Aggaleti adisu etani aggaladini kappakatacivare paccha aropetva kappakaranakiccam natthi. Sesam uttanameva. Elakalomasamutthanam kiriyakiriyam nosannavimokkham acittakam pannattivajjam kayakammam ticittam tivedananti. Dubbannakaranasikkhapadam atthamam.The Pali Atthakatha in Roman Book 2 page 455-456. http://84000.org/tipitaka/atthapali/read_rm.php?B=2&A=9607&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=9607&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]