Atthakatha Book 2 : PALI ROMAN
Vinaya.A. (samanta.2)

     {252} Atthamasikkhapade. Velatthasiso nama jatilasahassassa abbhantaro
mahathero. Aranne viharatiti jetavanassa avidure padhanaghare
ekasmim avase vasati. Sukkhakuranti asupabyanjanam odanam. So
kira antogame bhunjitva paccha pindaya caritva tadisam odanam
aharati. Tancakho appicchataya na paccayagiddhataya. Thero
kira sattaham nirodhasamapattiya vitinametva samapattito vutthaya
tam pindapatam udakena temetva bhunjati. Tato puna sattaham
samapattiya nisidati. Evam dvepi tinipi cattaripi sattahani
@Footnote: 1. vi. mahavagga. 5/43.
---------------------------------------------------------------------------------------------
page421.
Vitinametva gamam pindaya pavisati. Tena vuttam cirena gamam
pindaya pavisatiti. {253} Karo karanam kiriyati atthato ekam.
Sannidhikaro assati sannidhikaram. Sannidhikarameva sannidhikarakam.
Sannidhikiriyanti attho. Patiggahetva ekarattam vitinamitassetam
adhivacanam. Tenevassa padabhajane vuttam sannidhikarakam nama ajja
patiggahitam aparajjunti 1-. Patigganhati apatti dukkatassati evam
sannidhikatam yankinci yavakalikam yamakalikam va ajjhoharitukamataya
ganhantassa patiggahane tava apatti dukkatassa. Ajjhoharato pana
ekamekasmim 2- ajjhohare pacittiyam. Sacepi patto duddhoto hoti
yam anguliya ghamsantassa lekha pannayati ganthikapattassa va
ganthikantare sneho 3- pavittho so unhe otapentassa
paggharati unhayaguya va gahitaya sandissati tadise pattepi
punadivase bhunjantassa pacittiyam. Tasma pattam dhovitva puna
tattha acchodakam va asincitva anguliya va ghamsitva
nissnehabhavo 4- janitabbo. Sacepi udake snebhavo 5- patte
va angulilekha pannayati duddhoto hoti. Telavannapatte pana
angulilekha pannayati sa abboharika. Yam bhikkhu nirapekkha
samaneranam pariccajanti tance samanera nidahitva denti
sabbam vattati. Sayam patiggahetva apariccattameva hi dutiyadivase
@Footnote: 1. ajja patiggahitam aparajju khaditam hotiti padabhajane vuttam. 2. ekekasmim.
@3. sineho.  4. nissinehabhavo.  5. sineho.
---------------------------------------------------------------------------------------------
page422.
Na vattati. Tato hi ekam sitthampi ajjhoharato pacittiyameva.
     Akappiyamamsesu manussamamse thullaccayena saddhim pacittiyam. Avasesesu
dukkatena saddhim. Yamakalikam sati paccaye ajjhoharato pacittiyam.
Aharatthaya ajjhoharato dukkatena saddhim pacittiyam. Sace
pavarito hutva anatirittam katam ajjhoharati pakatiamise dve
pacittiyani. Manussamamse thullaccayena saddhim dve. Sese
akappiyamamse dukkatena saddhim. Yamakalikam sati paccaye samisena
mukhena ajjhoharato dve. Niramisena ekameva. Aharatthaya
ajjhoharato vikappadvayepi dukkatam vaddhati. Sace vikale
ajjhoharati pakatibhojane sannidhipaccaya ca vikalabhojanapaccaya ca
dve pacittiyani. Akappiyamamse thullaccayanca dukkatanca vaddhati.
Yamakalikesu vikalabhojanapaccaya anapatti. Anatirittapaccaya
pana vikale sabbavikappesu anapatti. {255} Sattahakalikam yavajivikam
aharatthayati aharatthaya patigganhato patiggahanapaccaya tava
dukkatam. Ajjhoharato pana sace niramisam hoti ajjhohare
ajjhohare dukkatam. Atha amisasamsattham patiggahetva thapitam hoti
yathavatthukam pacittiyameva. {256} Anapatti yavakalikanti adimhi
vikalabhojanasikkhapade niddittham khadaniyam bhojaniyam yava majjhantikasankhato
kalo tava bhunjitabbato yavakalikam saddhim anulomapanehi
atthavidham panam yava rattiya pacchimayamasankhato yamo
tava paribhunjitabbato yamo kalo assati yamakalikam
---------------------------------------------------------------------------------------------
page423.
Sappiadi pancavidham bhesajjam sattaham nidhetabbato sattaham kalo
assati sattahakalikam thapetva udakam avasesam sabbampi yavajivam
pariharitva sati paccaye paribhunjitabbato yavajivikanti vuccati.
     Tattha arunodaye patiggahitam yavakalikam satakkhattumpi nidahitva
yava kalo natikkamati tava yamakalikam ekam ahorattam
sattahakalikam sattarattam itaram sati paccaye yavajivampi bhunjantassa
anapatti. Sesamettha uttanameva. Atthakathasu pana imasmim thane
panakatha kappiyanulomakatha kappati nu kho yavakalikena
yamakalikanti adikatha ca kappiyabhumikatha ca vittharita. Tam mayam
agatatthaneyeva kathayissama. Elakalomasamutthanam kayato ca
kayacittato ca samutthati kiriya nosannavimokkham acittakam
pannattivajjam kayakammam ticittam tivedananti.
                 Sannidhikarakasikkhapadam atthamam.


             The Pali Atthakatha in Roman Book 2 page 420-423.
http://84000.org/tipitaka/atthapali/read_rm.php?B=2&A=8870&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=8870&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1