ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {230} Catutthasikkhapade. Kanamatati kanaya mata. Sa
kirassa dhita abhirupa dassaniya ahosi. Ye ye tam passanti
te te ragena kana honti ragandha hontiti attho.
Tasma paresam kanabhavakaranato kanati vissuta ahosi.
Tassa vasena matapissa kanamatati pakata jata. Agatanti
agamanam. Kismim viyati kidisam viya. Lajjanakam viya hotiti adhippayo.
Rittahattham gantunti ritta hattha asmim gamane tadidam rittahattham.
Tam rittahattham gamanam gantum lajjanakam viya hotiti vuttam hoti.
Parikkhayam agamasiti upasika ariyasavika bhikkhu disva santam
adatum na sakkoti tasma tava dapesi yava sabbam parikkhayam
agamasi. Dhammiya kathayati ettha kanapi matu atthaya
desiyamanam dhammam sunanti desanapariyosane sotapanna ahosi.
Utthayasana pakkamiti asanato utthahitva gato. Sopi puriso
sattha kira kanamataya nivesanam agamasiti sutva kanam anetva
pakatitthaneyeva thapesi. {231} Imasmim pana vatthusmim uppannamatte
appannatteneva sikkhapade patheyyavatthu udapadi. Tasma
anantarameva cetam dassetum tena kho pana samayenati adi vuttam.
Sopi ca upasako ariyasavakatta sabbameva dapesi.
Tena vuttam parikkhayam agamasiti. {233} Yankinci pahinakatthayati
pannakaratthaya patiyattam yankinci atirasakamodakasakkhalikadi sabbam
idha puvotveva sankhyam gacchati. Yankinci patheyyatthayati maggam
gacchantanam antaramaggatthaya patiyattam yankinci baddhasattuabaddha-
sattutilatanduladi sabbam idha manthotveva sankhyam gacchati. Tato ce
uttarinti sace tatiyapattam thupikatam ganhati puvagananaya pacittiyam.
     Dvittipattapure patiggahetvati mukhavattiya hetthimalekhaya
samapure patte gahetva. Amutra maya dvittipattapurati ettha
sace dve gahita amutra maya dve pattapura patiggahita tvam
ekam ganheyyasiti vattabbam. Tenapi annam passitva pathamam
agatena dve pattapura gahita maya eko ma tvam ganhiti
vattabbam. Yena pathamam eko gahito tassapi parampararocane
eseva nayo. Yena pana sayameva tayo gahita tena annam
disva ma kho ettha patigganhati vattabbam. Patikkamanam
niharitvati asanasalam haritva. Asanasalam gacchantena ca
chadditasala na gantabba. Yattha mahabhikkhusangho nisidati tattha
gantabbam. Mahapaccariyam pana vuttam ya laddhatthanato asanna
asanasala tattha gantabbam attano sanditthasambhattanam va
ekanikayikanam va dassamiti annattha gantum na labbhati sace
panassa nibaddhanisidanatthanam hoti durampi gantum vattatiti.
     Samvibhajitabbanti sace tayo pattapura gahita ekam attano thapetva
Dve pattapura bhikkhusanghassa databba. Sace dve gahita ekam
attano thapetva eko sanghassa databbo. Yathamittam pana
datum na labbhati. Yena eko gahito na tena kinci akama
databbam yatharucim katabbam. {235} Gamane patippassaddheti antaramagge
upaddavam va disva anatthikataya va mayam idani na pesissama
na gamissamati evam gamane patippassaddhe upacchinne. Natakanam
pavaritananti etesam bahumpi dentanam patigganhantassa anapatti.
Atthakathasu pana tesampi patheyyapahinatthaya patiyattato pamanameva
vattatiti vuttam. Sesam uttanameva. Chassamutthanam kiriya
nosannavimokkham acittakam pannattivajjam kayakammam vacikammam
ticittam tivedananti.
                 Kanamatasikkhapadam catuttham.



             The Pali Atthakatha in Roman Book 2 page 396-398. http://84000.org/tipitaka/atthapali/read_rm.php?B=2&A=8348&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8348&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]