ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {181} Sattamasikkhapade. Paccha gacchantinam cora acchindimsuti
paccha gacchantinam pattacivaram cora harimsu. Dusesunti  ta
bhikkhuniyo dusayimsu silavinasam papayimsuti attho. {182-183} Samvidhayati
samvidahitva gamanakale samketam katvati attho. Kukkutasampadeti
ettha yasma gama nikkhamitva kukkuto padasava annam gamam
gacchati ayam kukakutasampadoti vuccati . Tatrayam vacanattho.
Sampadanti etthati sampado. Ke sampadanti. Kukkuta.
Kukkutanam sampado kukkutasampado. Athava sampadoti gamanam.
Kukkutanam sampado ettha atthiti kukkutasampado. Kukkutasampate
itipi patho. Tattha yassa gamassa gehacchadanapitthito kukkuto
uppatitva annassa gehacchadanapitthiyam sampatati ayam kukkutasampadoti
vuccati. Vacanattho panettha vuttanayeneva veditabbo.
Dvidha vuttappakaropi cesa gamo accasanno hoti upacaro
na labbhati. Yasmim pana game paccusasamaye vasantassa
kukkutassa saddo anantare game suyyati tadisehi gamehi
sampunnaratthe gamantare gamantare pacittiyanti atthakathayam vuttam.
Kincapi vuttam gamantare gamantare apatti pacittiyassati vacanato
pana sacepi ratanamattantaro gamo hoti yo tassa manussehi
Thapitaupacaro tam okkamantassa apattiyeva. Tam paliya
na sameti. Sace asannabhavena tatha laddhavoharato evarupopi
gamo asannabhavena kukkutasampadoti va na kukkutasampadoti va
voharam labhati tasma tam na sametiti. Itaresu pana etassa
upacaram atikkamitva annassa upacarokkamanameva na pannayati.
Tasma apattiropanatthanamyeva na dissati. Tatrayam
apattivinicchayo. Samvidahanakale hi sace ubhopi bhikkhuniupassaye va
antararame va asanasalaya va titthiyaseyyaya va thatva samvidahanti
anapatti. Kappiyabhumi kirayam. Tasma ettha samvidahanapaccaya
dukkatapattim na vadanti. Gacchantassa yathavatthukameva. Sace pana
antogame bhikkhuniupassayadvare rathikaya annesu va
catukkasighatakahatthisaladisu samvidahanti bhikkhuno apatti dukkatassa. Evam
samvidahitva gamato nikkhamanti. Nikkhamane anapatti.
Anantaragamassa upacarokkamane pana bhikkhuno pacittiyam. Tatrapi
pathamapade dukkatam dutiyapade pacittiyanti mahapaccariyam vuttam. Gamato
nikkhamitva pana yava anantaragamassa upacaram na okkamanti
etthantare samvidahitepi bhikkhuno dukkatam. Anantaragamassa
upacarokkamane purimanayeneva anapatti. Sace durataram gantukama honti
gamupacaragananaya okkamane okkamane apatti. Tassa tassa
pana gamassa atikkamane anapatti. Sace pana bhikkhuni asukam
nama gamam gamissamiti upassayato nikkhamati bhikkhupi tameva gamam
Sandhaya asukam gamam gamissamiti viharato nikkhamati atha dvepi
gamadvare samagantva tumhe kuhim gacchatha asukam gamannama tumhe
kuhinti mayampi tatthevati vatva ehi dani gacchamati samvidhaya
gacchanti anapatti. Kasma. Pubbameva gamissamiti nikkhantattati
mahapaccariyam vuttam. Tam neva paliya na sesaatthakathaya sameti.
     Addhayojane addhayojaneti ekamekam addhayojanam atikkamantassa
idani atikkamissamiti pathamapade dukkatam dutiyapade pacittiyam.
Imasmim hi naye atikkamane apatti okkamane anapatti.
Bhikkhu samvidahatiti nagaradvare va rathikaya va bhikkhunim disva asukam
gamannama gatapubbatthati vadati. Namhi ayya gatapabbati.
Ehi gacchamati va sve aham gamissami tvampi agaccheyyasiti
va vadati. Bhikkhuni samvidahatiti gamantare cetiyavandanattham gamato
nikkhamantam bhikkhum disva ayya kuhim gacchathati vadati. Asukam
gamam cetiyavandanatthanti. Ahampi ayya gacchamiti evampi bhikkhuniyeva
samvidahati na bhikkhu. Visamketenati ettha purebhattam gamissamati
vatva pacchabhattam gacchanti ajja agacchissamati vatva
sve gacchanti evam kalavisamketeyeva anapatti. Dvaravisamkete
pana maggavisamkete va satipi apattiyeva. Apadasuti ratthabhede
cakkasamarulha janapada pariyayanti evarupasu apadasu anapatti.
Sesam uttanamevati. Catussamutthanam kayato kayavacato
kayacittato kayavacacittato ca samutthati kiriya nosannavimokkham
Acittakam pannattivajjam kayakammam vacikammam ticittam tivedananti.
                  Samvidhanasikkhapadam sattamam.



             The Pali Atthakatha in Roman Book 2 page 377-380. http://84000.org/tipitaka/atthapali/read_rm.php?B=2&A=7949&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7949&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]