AtthaPali Vol.2

{129} Atthamasikkhapade. Upari vehasakutiyati upari acchannatalaya dvibhumikakutiya va tibhumikadikutiya va. Mancam sahasa abhinisidatiti mancam sahasa abhibhavitva ajjhottharitva nisidi. Bhummatthe Va etam upayogavacanam. Mance nisidatiti attho. Abhiti idam pana padasobhanattham upasaggamattameva. Patitvati nipatitva nikkhamitva va. Tassa hi upari anipi na dinna tasma nikkhanto. Vissaramakasiti virupam aturassaram akasi. {131} Vehasakuti nama majjhimassa purisassa asisaghattati ya pamanamajjhimassa purisassa sabbahetthimahi tulahi sisam na ghatteti. Etena idha adhippetavehasakuti dassita hoti. Na vehasakutilakkhanam dassitam. Ya hi kaci upari acchannatala dvibhumika kuti va tibhumikadikuti va vehasakutiti vuccati. Idha pana asisaghatta adhippeta. Abhinisidanadisu pubbe vuttanayeneva payogavasena apattibhedo veditabbo. {133} Avehasakutiyati bhumiyam katapannasaladisu anapatti. Na hi sakka tattha parassa pila katum. Sisaghattayati ya sisaghatta hoti tatthapi anapatti. Na hi sakka tattha hetthapasade anonatena vicaritum tasma asancaranatthanatta parassa pila na bhavissati. Hettha aparibhogam hotiti yasma hettha dabbasambharadinam nikkhittatta aparibhogam hoti tatthapi anapatti. Padarasancitam hotiti yassa upari talam daruphalakehi va ghanasanthatam hoti sudhadiparikammakatam va tatthapi anapatti. Pattani dinna hotiti mancapithadinam padasikhasu ani dinna hoti. Yattha nisidantepi na nipatanti tadise mancapithe nisidatopi anapatti. Tasmim thitoti ahaccapadake mance va pithe va thito upari nagadantakadisu laggitakam civaram va kinci va ganhati annam va laggeti tassapi anapatti. Sesam uttanameva. Elakalomasamutthanam kayato ca kayacittato ca samutthati kiriya nosannavimokkham acittakam pannattivajjam kayakammam ticittam tivedananti. Vehasakutisikkhapadam atthamam.

The Pali Atthakatha in Roman Book 2 page 345-347. http://84000.org/tipitaka/atthapali/read_rm.php?B=2&A=7282&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7282&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=600 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=18604 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8011 The Pali Tipitaka in Roman Character :- http://84000.org/tipitaka/read/roman_read.php?B=1&A=8011 Contents of The Tipitaka Volume 1 http://84000.org/tipitaka/read/?index_1