AtthaPali Vol.2

{94} Dutiyasikkhapade. Anacaram acaritvati akatabbam katva. Kayavacidvaresu apattim apajjitvati vuttam hoti. Annenannam paticaratiti annena vacanena annam vacanam paticarati paticchadeti ajjhottharati. Idani tam paticaranavidhim dassento ko apannoti adimaha. Tatrayam vacanasambandho. So kira kinci vitikkamam disva avuso tvam apattim apannositi sanghamajjhe apattiya anuyunjiyamano ko apannoti vadati. Tato tvanti vutte aham kim apannoti vadati. Atha pacittiyam va dukkatam vati vutte vatthum pucchanto aham kismim apannoti vadati. Tato asukasminti vutte aham katham apanno kim karonto ca apannomhiti pucchati. Atha idam nama Karonto apannoti vutte kam bhanathati vadati. Tato tam bhanamati vutte kim bhanathati vadati. Apicettha ayam palimuttakopi annenannam paticaranavidhi. Bhikkhuhi tava sipatikaya kahapano dittho kissevamasaruppam karositi vutto sudattham bhante na paneso kahapano tipumandalam etanti bhananto va tvam suram pivanto dittho kissevamasaruppam karositi vutto sudittho bhante na panesa sura bhesajjatthaya sampaditam aritthanti bhananto va tvam paticchanne asane matugamena saddhim nisinno dittho kissevamasaruppam karositi vutto yena dittham sudittham vinnu panettha dutiyo atthi so kissa na ditthoti bhananto va idisam taya kinci ditthanti puttho na sunamiti sotamupanento va sotadvare pucchantanam cakkhum upanento va annenannam paticaratiti veditabbo. {98} Annavadake vihesake pacittiyanti ettha annam vadatiti annavadakam. Annenannam paticaranassetam namam. Vihesatiti vihesakam. Tunhibhutassetam namam. Tasmim annavadake vihesake. Pacittiyanti vatthudvaye pacittiyadvayam vuttam. Annavadakam ropetuti annavadakam aropetu patitthapetuti attho. Vihesakam ropetuti etasmimpi eseva nayo. Aropite annavadaketi kammavacaya anaropite annavadake. {100} Aropite vihesaketi etasmimpi eseva nayo. {101} Dhammakamme dhammakammasanniti adisu yantam annavadakavihesakaropanakammam katam tance dhammakammam Hoti so ca bhikkhu tasmim dhammakammasanni annavadakanca vihesakanca karoti athassa tasmim annavadake ca vihesake ca apatti pacittiyassati imina nayena attho veditabbo. {102} Ajananto pucchatiti apattim apannabhavam ajanantoyeva kim tumhe bhanatha aham na janamiti pucchati. Gilano na kathetiti mukhe tadiso byadhi hoti yena kathetum na sakkoti. Sanghassa bhandanam vati adisu sanghamajjhe kathite tappaccaya sanghassa bhandanam va .pe. Vivado va bhavissati so ma ahositi mannamano na kathetiti imina nayena attho veditabbo. Sesam uttanamevati. Tisamutthanam kayacittato vacacittato kayavacacittato ca samutthati siya kiriya siya akiriya annenannam paticarantassa hi kiriya hoti tunhibhavena vihesentassa akiriya sannavimokkham sacittakam lokavajjam kayakammam vacikammam akusalacittam dukkhavedananti. Annavadasikkhapadam dutiyam.

The Pali Atthakatha in Roman Book 2 page 327-329. http://84000.org/tipitaka/atthapali/read_rm.php?B=2&A=6897&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=6897&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=494 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=16207 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=6509 The Pali Tipitaka in Roman Character :- http://84000.org/tipitaka/read/roman_read.php?B=1&A=6509 Contents of The Tipitaka Volume 1 http://84000.org/tipitaka/read/?index_1