บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{646-649} Tena samayenati accekacivarasikkhapadam. Tattha dasahanagatanti dasa ahani dasaham. Tena dasahena anagata dasahanagata. Dasahena asampattati attho. Tam dasahanagatam. Accantasamyogavasena bhummatthe upayogavacanam. Tenevassa padabhajane dasahanagatayati vuttam. Pavaranayati idam pana ya dasahanagatati vutta tam sarupato dassetum asammohattham anuppayogavacanam. Kattikatemasipunnamanti pathamakattikatemasipunnamam. Idhapi pathamapadassa anuppayogatta purimanayeneva bhummatthe upayogavacanam. Idam vuttam hoti yato patthaya pathamamahapavarana dasahanagatati vuccati sacepi tani divasani accantameva bhikkhuno accekacivaram uppajjeyya accekam idanti janamanena bhikkhuna sabbampi patiggahetabbanti. Tena pavaranamasassa junhapakkhapancamito patthaya uppannassa civarassa nidhanakalo dassito hoti. Kamam cesa dasahaparamam atirekacivaram dharetabbanti iminava siddho atthuppattivasena 1- apubbam viya attham dassetva sikkhapadam thapitam. Accekacivaranti accayikacivaram vuccati. Tassa pana accayikabhavam @Footnote: 1. ito param pana nipato icchitabbo. Dassetum senaya va gantukamo hotiti adi vuttam. Tattha saddhati imina saddhamattakameva dassitam. Pasadoti imina suppasanna balavasaddha. Etam accekacivaram namati ettha imehi karanehi datukamena dutam va pesetva sayam va agantva vassavasikam dassamiti evam arocitacivaram accekacivaram nama hotiti. Chatthito patthaya panuppannam anaccekacivarampi paccuddharitva thapitaticivarampi etam pariharam labhatiyeva. Sannanam katva nikkhipitabbanti kinci nimittam katva thapetabbam. Kasma etam vuttam. Yadi hi tam pure pavaranaya vibhajanti yena gahitam tena chinnavassena na bhavitabbam. Sace pana chinnavasso hoti civaram sanghikameva hoti. Tato sallakkhetva sukham datum bhavissatiti. {650} Accekacivare accekacivarasanniti evamadi vibhajitva gahitameva sandhaya vuttam. Sace pana avibhattam hoti sanghassa va bhandagarikacivaram samayatikkamepi anapatti. Iti atirekacivarassa dasaham pariharo. Ticivarassa ekadivasampi pariharo natthi. Akatassa vassikasatikacivarassa anatthate kathine panca masa vasse ukkaddhite chammasa atthate kathine apare cattaro masa hemantassa pacchime divase satiya paccasaya mulacivaradhitthanavasena aparopi eko masoti ekadasamasa pariharo. Accekacivarassa anatthate kathine ekadasadivasadhiko maso atthate kathine ekadasadivasadhika pancamasa tato param ekadivasampi pariharo natthiti veditabbam. Anaccekacivareti accekacivarasadise annasmim. Sesamettha uttanamevati ca kathinasamutthanam akiriya nosannavimokkham acittakam pannattivajjam kayakammam vacikammam ticittam tivedananti. Accekacivarasikkhapadam.The Pali Atthakatha in Roman Book 2 page 275-277. http://84000.org/tipitaka/atthapali/read_rm.php?B=2&A=5787&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5787&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=233 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8692 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3385 The Pali Tipitaka in Roman Character :- http://84000.org/tipitaka/read/roman_read.php?B=1&A=3385 Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]