AtthaPali Vol.2

{636} Tena samayenati suttavinnattisikkhapadam. Tattha khomanti khomavakehi katasuttam. Kappasikanti kappasato nibbattam. Koseyyanti kosiyamsuhi kantitva katasuttam. Kambalanti elakalomasuttam. Sananti sanavakasuttam. Bhanganti patekkam vakasuttamevati eke. Etehi pancahipi missetva katasuttam pana bhanganti veditabbam. Vayapeti payoge dukkatanti sace tantavayassa turivemadini natthi tani arannato aharissamiti vasim va pharasum va niseti tato patthaya yamyam upakaranatthaya va civaravayanatthaya

--------------------------------------------------------------------------------------------- page271.

Va karoti sabbattha tantavayassa payoge payoge bhikkhussa dukkatam. Dighato vidatthimatte tiriyanca hatthamatte vite nissaggiyam pacittiyam. Mahapaccariyam pana yavapariyosanam vayapentassa phalake phalake nissaggiyam pacittiyanti vuttam. Tampi idameva pamanam sandhaya vuttanti veditabbam. Vikappanupagam pacchimam hi civarasankhayam gacchatiti. Apicettha evam vinicchayo veditabbo. Suttantava samam vinnapitam akappiyam. Sesam natakadivasena uppannam kappiyam. Tantavayopi annatakaappavarito vinnattiya laddho akappiyo. Seso kappiyo. Tattha akappiyasuttam akappiyatantavayena vayapentassa pubbe vuttanayena nissaggiyam. Teneva pana kappiyasuttam vayapentassa yatha pubbe nissaggiyameva dukkatam. Teneva kappiyanca akappiyanca suttam vayapentassa yadi pacchimacivarappamanena eko paricchedo suddhakappiyasuttamayo eko akappiyasuttamayoti evam kedarakabaddham viya civaram hoti. Akappiyasuttamaye paricchede paricchede pacittiyam. Itarasmim tatheva dukkatam. Yadi tato una pariccheda honti antamaso acchimandalappamanapi sabbaparicchedesu paricchedagananaya dukkatam. Atha ekantarikena va suttena dighato va kappiyam tiriyam akappiyam katva vitam hoti phalake phalake dukkatam. Kappiyatantavayena hi akappiyasuttam vayapentassa yatha pubbe nissaggiyameva dukkatam. Teneva kappiyanca akappiyanca suttam vayapentassa sace pacchimacivarappamana va unaka va

--------------------------------------------------------------------------------------------- page272.

Akappiyasuttapariccheda honti tesu paricchedagananaya dukkatam. Kappiyasuttaparicchedesu anapatti. Atha ekantarikena va suttena dighato va kappiyam tiriyam akappiyam katva vitam hoti phalake phalake dukkatam. Yadi pana dve tantavaya honti eko kappiyo eko akappiyo suttanca akappapiyam te ce varena vinanti akappiyatantavayena vite phalake phalake pacittiyam unakatare dukkatam. Itarena vite ubhayattha dukkatam. Sace dvepi vemam gahetva ekato vinanti phalake phalake dukkatam. Atha suttam kappiyam civaranca kedarakabandhadihi saparicchedam akappiyatantavayena vite paricchede paricchede dukkatam. Itarena vite anapatti. Sace dvepi vemam gahetva ekato vinanti phalake phalake dukkatam. Atha suttampi kappiyanca akappiyanca te ce varena vinanti akappiyatantavayena akappiyasuttamayesu pacchimacivarapmanesu paricchedesu vitesu paricchedagananaya pacittiyam. Unakataresu ca kappiyasuttamayesu ca dukkatam. Kappiyatantavayena akappiyasuttamayesu pamanayuttesu va unakesu va dukkatameva. Kappiyasuttamayesu anapatti. Atha ekantarikena va suttena dighato va akappiyam tiriyam kappiyam katva vinanti ubhopi va vemam gahetva ekato vinanti aparicchede civare phalake phalake dukkatam. Saparicchede paricchedavasena dukkataniti ayam panattho mahaatthakathayam apakato mahapaccariyadisu pakato idha sabbakareneva pakato. Sace suttampi kappiyam tantavayopi kappiyo

--------------------------------------------------------------------------------------------- page273.

Natakaparivarito va mulena va payojito vayapanapaccaya anapatti. Dasahatikkamanapaccaya pana apattim rakkhantena vikappanupagappamanamatte vite tante vitanneva adhitthatabbam. Dasahatikkamena nitthapiyamanam hi nissaggiyam bhaveyyati. Natakadihi tantam aropetva tumhakam bhante imam civaram ganheyyathati niyyaditepi eseva nayo. Sace tantavayo evam payojito va sayam datukamo va hutva aham bhante tumhakam civaram asukadivase nama vayitva thapessamiti vadati bhikkhu ca tena paricchinnadivasato dasaham atikkameti nissaggiyam pacittiyam. Sace pana tantavayo aham tumhakam civaram vayitva sasanam pesessamiti vatva tatheva karoti tena pesitabhikkhu pana tassa bhikkhuno na aroceti anno disva va sutva va tumhakam bhante civaram nitthitanti aroceti etassa arocanam nappamanam. Yada pana tena pesitoyeva aroceti tassa vacanam sutadivasato patthaya dasaham atikkamayato nissaggiyam pacittiyam. Sace tantavayo aham tumhakam civaram vayitva kassaci hatthe pahinissamiti vatva tatheva karoti civaram gahetva gatabhikkhu pana attano parivene thapetva tassa na aroceti anno koci bhanati api bhante adhuna agatam civaram sundaranti kuhim avuso civaranti itthannamassa hatthe pesitanti etassapi vacanam nappamanam. Yada pana so bhikkhu civaram deti laddhadivasato patthaya dasaham atikkamayato nissaggiyam pacittiyam. Sace pana

--------------------------------------------------------------------------------------------- page274.

Vayapanamulam adinnam hoti yava kakanikamattampi avasittham tava rakkhati. {640} Anapatti civaram sibbitunti civaram sibbanatthaya suttam vinnapentassa anapattiti attho. Ayogeti adisupi nimittatthe bhummavacanam. Ayogadinimittam vinnapentassa anapattiti vuttam hoti. Sesamettha uttanatthamevati. Chassamutthanam kiriya nosannavimokkham acittakam pannattivajjam kayakammam vacikammam ticittam tivedannati. Suttavinnattisikkhapadam.

The Pali Atthakatha in Roman Book 2 page 270-274. http://84000.org/tipitaka/atthapali/read_rm.php?B=2&A=5691&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5691&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=227 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8520 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3224 The Pali Tipitaka in Roman Character :- http://84000.org/tipitaka/read/roman_read.php?B=1&A=3224 Contents of The Tipitaka Volume 1 http://84000.org/tipitaka/read/?index_1