ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {626} Tena samayenati vassikasatikasikkhapadam. Tattha vassikasatika
anunnatati civarakkhandhake visakhavatthusmim anunnata.
Patikaccevati pureyeva. {627} Maso seso gimhananti catunnam
gimhamasanam eko pacchimamaso seso. Katvati
sibbanarajanakappapariyosanena nitthapetva. Karontena ca ekameva
katva samaye adhitthatabbam dve adhitthatum na vattati. Atirekamase
sese gimhaneti gimhananamake atirekamase sese.
Atirekaddhamase sese gimhane katva nivasetiti ettha pana
thatva vassikasatikaya pariyesanakkhettam karanakkhettam nivasanakkhettam
adhitthanakkhettanti catubbidham khettam kucchisamayo pitthisamayoti duvidho
samayo pitthisamayacatukkam kucchisamayacatukkanti dve catukkani ca
veditabbani. Tattha jetthamulapunnamasiya pacchimapatipadadivasato
patthaya yava kalapakkhuposatha ayameko addhamaso pariyesanakkhettanceva
karanakkhettanca. Etasmim hi antare vassikasatikam aladdham
pariyesitum laddham katunca vattati nivasetum adhitthatunca na
vattati. Kalapakkhuposathassa pacchimapatipadadivasato patthaya yava
asalhapunnama ayameko addhamaso pariyesanakarananivasananam
tinnampi khettam. Etasmim hi antare aladdham pariyesitum laddham
katum ca nivasetum ca vattati adhitthatumyeva na vattati.
Asalhapunnamasiya pacchimapatipadadivasato patthaya yava
kattikapunnama ime cattaro masa
Pariyesanakarananivasanaadhitthananam catunnampi khettam. Etasmim hi antare
aladdham pariyesitum laddham va katum nivasetum adhitthatunca vattati.
Idam tava catubbidham khettam veditabbam. Kattikapunnamasiya
pana pacchimapatipadadivasato patthaya yava khetthamulapunnama
ime sattamasa pitthisamayo nama. Etasmim hi antare kalo
vassikasatikayati adina nayena satuppadam katva
annatakaappavaritatthanato vassikasatikacivaram nipphadentassa imina
sikkhapadena nissaggiyam pacittiyam detha me vassikasatikacivaranti adina
nayena vinnattim katva nipphadentassa annatakavinnattisikkhapadena
nissaggiyam pacittiyam. Vuttanayeneva satuppadam katva
natakaparivaritatthanato nipphadentassa iminava sikkhapadena
nissaggiyam pacittiyam vinnattim katva nipphadentassa
annatakavinnattisikkhapadena anapatti. Vuttam hetam parivare
         mataram civaram yace    no ca sanghe parinatam
         kenassa hoti apatti  anapatti ca natake
              panhamesa kusalehi cintitati 1-.
     Ayam hi panho imamattham sandhaya vuttoti. Evam pitthisamayacatukkam
veditabbam. Jetthamulapunnamasiya pana pacchimapatipadadivasato patthaya
yava kattikapunnama ime pancamasa kucchisamayo nama. Etasmim hi
antare vuttanayeneva satuppadam katva annatakaappavaritatthanato
vassikasatikacivaram nipphadentassa vattabhede dukkatam. Ye manussa
@Footnote: 1. vi. parivara. 8/535. tattheva no ca sanghassati patho dissati.
Pubbepi vassikasatikacivaram denti te pana sacepi attano
annatakaappavarita honti vattabhedo natthi tesu
satuppadakaranassa anunnatatta. Vinnattim katva nipphadentassa
annatakavinnattisikkhapadena nissaggiyam pacittiyam. Kasma. Ye
manussa pubbe vassikasatikacivaram denti te upasankamitva
evamassa vacaniyati vuttatta. Idam pana pakatiya
vassikasatikadayakesupi hotiyeva. Vuttanayeneva satuppadam katva
natakapavaritatthanato nipphadentassa imina sikkhapadena anapatti
vinnattim katva nipphadentassa annatakavinnattisikkhapadena anapatti.
Na vattabba detha meti idam hi pariyesanakale annatakaappavariteyeva
sandhaya vuttam. Evam kucchisamayacatukkam veditabbam. Naggo
kayam ovassapeti apatti dukkatassati ettha udakaphusitagananaya
akatva nahanapariyosanavasena payoge payoge dukkatena
karetabbo. So ca kho vivatangane akasato patitaudakeneva
nahayanto. Nahanakotthakavapiadisu ghatehi
asittaudakena va nahayantassa anapatti. Vassam ukkaddhiyatiti
ettha sace katapariyositaya vassikasatikaya gimhanam
pacchimamasam khepetva puna vassanassa pathamamasam ukkaddhitva gimhanam
pacchimamasameva karonti vassikasatika dhovitva nikkhipitabba.
Anadhitthita avikappita dve mase pariharam labhati. Vassupanayikadivase
adhitthatabba. Sace satisammosena va appahonakabhavena
Va akata hoti te ca dve mase vassanassa catummasanti
chammase pariharam labhati. Sace pana kattikamase kathinam atthariyati
apare cattaro mase labhati. Evam dasa masa honti. Tato
parampi satiya paccasaya mulacivaram katva thapentassa ekamasanti
evam ekadasamase pariharam labhati. Sace pana ekahadvihadivasena
yava dasaha anagataya vassupanayikaya antovasse va laddha
ceva nitthita ca kada adhitthatabbati. Etam atthakathasu na
vicaritam. Laddhadivasato patthaya antodasahe nitthita ca pana
tasmimyeva antodasahe adhitthatabba. Dasahatikkame nitthita
tadahe adhitthatabba dasahe appahonte civarakalam
natikkametabbati ayam no attano mati. Kasma. Anujanami bhikkhave
ticivaram adhitthatum na vikappetum vassikasatikam vassanam catummasam
adhitthatum tato param vikappetunti 1- hi vuttam. Tasma vassupanayikato
pubbe dasahatikkamepi anapatti. Dasahaparamam atirekacivaram
dharetabbanti 2- hi vuttam. Tasma ekahadvihadivasena yava
dasaha anagataya vassupanayikaya antovasse va laddha ceva
nitthita ca vuttanayeneva antodasahe va tadahu va adhitthatabba
dasahe appahonte civarakalam natikkametabba. Tattha siya
vassanam catummasam adhitthatunti vacanato catummasabbhantare
yada va tada va adhitthatum vattatiti. Yadi evam
kandupaticchadim yava abadha adhitthatunti vuttam sapi ca dasaham
@Footnote: 1. vi. mahavagga. 5/218. 2. vi. mahavibhanga 2/3.
Atikkametabba siya evanca sati dasahaparamam atirekacivaram
dharetabbanti 1- idam virujjhati tasma yathavuttameva gahetabbam. Annam
va acalakaranam labhitva chaddetabbam. Apica kurundiyampi
nissaggiyavasane vuttam kada adhitthatabba laddhadivasato patthaya
antodasahe nitthita ca pana tasmimyeva antodasahe adhitthatabba
yadi nappahoti yava kattikapunnama pariharam labhatiti.
     {630} Acchinnacivarassati etam vassikasatikameva sandhaya vuttam. Tesam hi
nagganam kayovassapane anapatti. Ettha ca mahaggham
vassikasatikam nivasetva nahayantassa corupaddavo apada nama.
Sesamettha uttanameva.
     Chassamutthanam kiriya nosannavimokkham acittakam pannattivajjam
kayakammam vacikammam ticittam tivedananti.
                 Vassikasatikasikkhapadam nitthitam.



             The Pali Atthakatha in Roman Book 2 page 264-268. http://84000.org/tipitaka/atthapali/read_rm.php?B=2&A=5549&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5549&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=187              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=7673              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=2692              The Pali Tipitaka in Roman Character :- http://84000.org/tipitaka/read/roman_read.php?B=1&A=2692              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]