ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {565} Tena samayenati nisidanasanthatasikkhapadam. Tattha icchamaham
bhikkhaveti bhagava kira tam antotemasam na kinci bodhaneyyasattam addasa
tasma evamaha. Evam santepi tantivasena dhammadesana katabba
siya. Yasma panassa etadahosi mayi okasam karetva patisalline
bhikkhu adhammikam katikavattam karisasanti tam upaseno bhindissati
aham tassa pasiditva bhikkhunam dassanam anujanissami tato mam
passitukama bahu bhikkhu dhutangani samadiyissanti aham ca tehi
ujjhitasanthatapaccaya sikkhapadam pannapessamiti tasma evamaha.
Evam bahuni hi ettha anisamsaniti. Sapariso yena bhagava
tenupasankamiti thero kira na bhikkhave unadasavassena upasampadetabbo
Yo upasampadeyya apattim dukkatassati 1- imasmim  khandhakasikkhapade
katham hi nama tvam moghapurisa annehi ovadaniyo anusasaniyo annam
ovaditum anusasitum mannissasiti 2- evamadina nayena garaham labhitva
sattha mayham parisam nissaya garaham adasi so danaham bhagavantam
teneva punnacandasassirikena sabbakaraparipunnena mukhena brahmaghosam
niccharapetva parisamyeva nissaya sadhukaram dapessamiti suhadayo
kulaputto atirekayojanasatam atikkamitva parisam vinitva pancamattehi
bhikkhusatehi parivuto puna bhagavantam upasankanto. Tena vuttam
sapariso yena bhagava tenupasankamiti. Na hi sakka buddhanam
annatha aradhetum annatra vattasampattiya. Bhagavato avidure
nisinnoti vattasampattiya parisuddhabhavena nirasanko siho viya
kancanapabbatassa guhayam bhagavato avidure nisinno. Etadavocati
kathasamutthapanattham etam avoca. Manapani te bhikkhu pamsukulaniti
bhikkhu tava imani pamsukulani manapani attano ruciya khantiya
gahitaniti attho. Na kho me bhante manapaniti bhante na maya
attano ruciya khantiya gahitani galaggahena viya matthakatalanena
viya ca gahitomhiti dasseti. Pannayissatiti pannato
abhinnato bhavissati. Tattha sandissatiti vuttam hoti. Na mayam
appannattam pannapessamati mayam savaka nama appannattam na
pannapessama. Buddhavisayo hi eso yadidam pacittiyam
dukkatanti adina nayena appannattasikkhapadapannapanam
@Footnote: 1. 2. vi. mahavagga. 4/109.
Pannattasikkhapadasamucchindanam va. Samadayati tam tam sikkhapadam samadiyitva
sadhu sutthuti sampaticchitva yathapannattesu sabbasikkhapadesu
sikkhissamati dasseti. Bhagava tassa araddhacitto punapi
sadhu sadhuti sadhukaramakasi. {566} Anunnatavusoti anunnatam
avuso. Pihantati pihayanta. Santhatani ujjhitvati santhate
catutthacivarasannitaya sabbasanthatani ujjhitva. Dhammim katham katva
bhikkhu amantesiti bhagava santhatani vippakinnani disva
saddhadeyyavinipatane karanam natthi paribhogupayam tesam dassessamiti
dhammim katham katva bhikkhu amantesi. {567} Sakim nivatthampi sakim parutampiti
sakim nisinnanceva nipannanca. Samantati ekapassato vattam va
caturassam va chinditva gahitatthanam yatha vidatthimattam hoti evam
gahetabbam. Santharantena pana paliyam vuttanayeneva ekadese va
santharitabbam vijatetva va missakam katva santharitabbam evam katam
thirataram hoti. Sesam uttanatthamevati. Samutthanadini
kiriyakiriyatta imassa sikkhapadassa dvebhagasikkhapadasadisaniti.
                 Nisidanasanthatasikkhapadam samattam.
     Imesu pana pancasu santhatesu purimani tini vinayakammam
katva patilabhitva paribhunjitum na vattanti pacchimani dve
vattantiti veditabbani.



             The Pali Atthakatha in Roman Book 2 page 219-221. http://84000.org/tipitaka/atthapali/read_rm.php?B=2&A=4606&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=4606&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=84              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6235              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1605              The Pali Tipitaka in Roman Character :- http://84000.org/tipitaka/read/roman_read.php?B=1&A=1605              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]