|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{515} Tena samayenati annatakavinnattisikkhapadam. Tattha
upanando sakyaputtoti asitisahassamattanam sakyakula pabbajitanam
bhikkhunam patikittho lolajatiko. Patthoti cheko samattho
patibalo sarasampanno kanthamadhuriyena samannagato. Kismim viyati
kimsu viya kileso viya hirottappavasena kampanam viya sankampanam viya
hotiti attho. Addhanamagganti addhanasankhatam dighamaggam na
nagaravithimagganti attho. Te bhikkhu acchindimsuti musimsu pattacivarani
nesam harimsuti attho. Anuyunjahiti bhikkhubhavam jananatthaya puccha.
Anuyunjiyamanati pabbajja upasampada pattacivaradhitthanadini
pucchiyamana. Etamattham arocesunti bhikkhubhavam janapetva
yvayam saketa savatthim addhanamaggam patipannati adina nayena
vutto etamattham arocesum.
{517} Annatakam gahapatim vati adisu yam parato tinena va
pannena va paticchadetvati vuttam tam adim katva evam
anupubbikatha veditabba. Sace core passitva dahara pattacivarani
gahetva palata cora theranam nivasanaparupanamattamyeva
haritva gacchanti therehi neva tava civaram vinnapetabbam. Na
sakhapalasam bhanjitabbam. Atha dahara sabbam bhandikam chaddetva
palata cora theranam nivasanaparupanam tanca bhandikam haritva
---------------------------------------------------------------------------------------------
page194.
Gacchanti daharehi agantva attano nivasanaparupanani na tava theranam
databbani. Na hi anacchinnacivara attano atthaya sakhapalasam
bhanjitum labhanti. Acchinnacivaranam pana atthaya labhanti.
Acchinnacivara ca attanopi paresampi atthaya labhanti. Tasma
therehi sakhapalasam bhanjitva vakadihi ganthitva daharanam
databbam daharehi va theranam atthaya bhanjitva ganthitva tesam
hatthe datva va adatva va attana nivasetva attano
nivasanaparupanani theranam databbani. Neva bhutagamapatabyataya
pacittiyam hoti na tesam dharane dukkatam. Sace antaramagge
rajakattharanam va hoti anne va tadise manusse passanti
civaram vinnapetabbam. Yani ca nesam te va manussa anne
va sakhapalasanivasane bhikkhu disva ussahajata vatthani denti
tani sadasani va hontu adasani va niladinanavannani
va kappiyanipi akappiyanipi sabbani acchinnacivaratthane thitatta
tesam nivasetunca parupitunca vattanti. Vuttampi hetam parivare
akappakatam na pi rajanaya rattam
tena nivattho yena kamam vajeyya
na cassa hoti apatti so ca dhammo sugatena desito
panhamesa kusalehi cintitati 1-.
Ayam hi panho acchinnacivarakam bhikkhum sandhaya vutto.
Atha pana titthiyehi samagacchanti te ca nesam
@Footnote: 1. vi. parivara. 8/535-536.
---------------------------------------------------------------------------------------------
page195.
Kusaciravakaciraphalakacirani denti tanipi laddhim aggahetva nivasetum
vattanti. Nivasetvapi laddhi na gahetabba. Idani yam avasam pathamam
upagacchati sace tattha hoti sanghassa viharacivaram vati adisu viharacivaram nama
manussa avasam karetva cattaro paccaya amhakameva santaka
paribhogam gacchantuti civaram sajjitva attana karapite avase
thapenti etam viharacivarannama. Uttarattharananti mancakassa upari
attharanam vuccati.. Bhummattharananti parikammakataya bhumiya
rakkhanatthaya vilimikahi kataattharanam. Tassa upari tatikam attharitva
cankamanti. Bhisicchaviti mancabhisiya va pithakabhisiya va chavi.
Sace purita hoti vidhunetvapi gahetum vattati. Evametesu
viharacivaradisu yam tattha avase hoti tam anapacachapi
gahetva nivasetum va parupitum va acchinnacivarakanam bhikkhunam
labbhatiti veditabbam. Tanca kho labhitva odahissami puna
thapessamiti adhippayena na mulacchejjaya. Labhitva ca pana
natito va upatthakato va annato va kutocipi pakatikameva
katabbam. Videsam gatena ekasmim sanghike avase sanghikaparibhogena
paribhunjanatthaya thapetabbam. Sacassa paribhogeneva tam jirati va
nassati va giva na hoti. Sace pana etesam vuttapkaranam
gihivatthadinam bhisicchavipariyantanam kinci na labbhati tena tinena
va pannena va paticchadetva agantabbanti. {519} Kehici va
acchinnanti ettha yampi acchinnacivara acariyupajjhaya anne
---------------------------------------------------------------------------------------------
page196.
Aharavuso civaranti yacitva va vissasena va ganhanti tampi
sangaham gacchatiti vattum yujjati. Paribhogajinnam vati ettha ca
acchinnacivaranam acariyupajjhayadinam attana tinapannehi
paticchadetva dinnam civarampi sangaham gacchatiti vattum yujjati. Evam hi
te acchinnacivaratthane natthacivaratthane ca thita va bhavissanti.
Tena nesam vinnattiyanca akappiyacivaraparibhoge ca anapatti anurupa
bhavissatiti. {521} Natakanam pavaritananti ettha etesam santakam
dethati vinnapentassa yacantassa anapattiti evamattho
datthabbo. Na hi natakanam pavaritanam apatti va anapatti
va hoti. Attano dhanenati etthapi attano kappiyabhandena
kappiyavohareneva vinnapentassa cetapentassa va
parivattapentassa va anapattiti evamattho datthabbo.
Pavaritananti ettha ca sanghavasena pavaritesu pamanameva vattati.
Puggalikapavaranaya yam yam pavareti tam tamyeva vinnapetabbam. Yo hi
catuhi paccayehi pavaretva sayameva sallakkhetva kalanukalam
civarani divase divase yagubhattadiniti evam yena yena attho tam tam
deti tassa vinnapanakiccam natthi. Yo pana pavaretva balataya
va satisammosena va na deti so vinnapetabbo. Yo mayham
geham pavaremiti vadati tassa geham gantva yathasukham nisiditabbam
nipajjitabbam na kinci gahetabbam. Yo pana yam mayham gehe atthi
tam pavaremiti vadati yam tattha kappiyam tam vinnapetabbam.
---------------------------------------------------------------------------------------------
page197.
Gehe pana nisiditum va nipajjitum va na labbhatiti kurundiyam vuttam.
Annassatthayati ettha attano natakapavarite na kevalam
attano atthaya athakho annassatthaya vinnapentassa anapattiti
ayameko attho. Ayam pana dutiyo annassati ye annassa
natakapavarita te tasseva annassati laddhavoharassa
buddharakkhitassa va dhammarakkhitassa va atthaya vinnapentassa
anapattiti. Sesam uttanatthameva.
Samutthanadisu idampi chassamutthanam kiriya nosannavimokkham
acittakam pannattivajjam kayakammam vacikammam ticittam tivedananti.
Annatakavinnattisikkhapadavannana nitthita.
The Pali Atthakatha in Roman Book 2 page 193-197.
http://84000.org/tipitaka/atthapali/read_rm.php?B=2&A=4049&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=4049&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=1&i=30
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=803
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=816
The Pali Tipitaka in Roman Character :-
http://84000.org/tipitaka/read/roman_read.php?B=1&A=816
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]