ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {424} Tena samayena buddho bhagavati dubbacasikkhapadam. Tattha
anacaram acaratiti anekappakaram kayavacidvaravitikkamam karoti.
Kim nukho namati vambhanavacanametam. Aham kho namati ukkamsavacanam.
Tumhe vadeyyanti idam karotha idam ma karothati aham tumhe
vattum arahamiti dasseti. Kasma iti ce. Yasma amhakam
buddho bhagava kanthakam aruyha maya saddhim nikkhamitva pabbajitoti
evamadimattham sandhayaha. Amhakam dhammoti vatva puna attano
santakabhave yuttim dassento amhakam ayyaputtena ayam dhammo
abhisamitoti aha. Yasma amhakam ayyaputtena catusaccadhammo
patividdho tasma dhammopi amhakanti vuttam hoti. Sangham pana
attano veripakkhe thitam mannamano amhakam sanghoti na vadati.
Upamam pana vatva sangham apasadetukamo seyyathapi namati
adimaha. Tinakatthapannasatanti tattha tattha patitapatitam
tinakatthapannam. Athava tinanca nissarakam lahukam katthancati
tinakattham. Pannasatanti puranapannam. Ussadeyyati
Rasim kareyya. Pabbateyyati pabbatappabhava. Sa hi sighasota
hoti tasma tameva ganhati. Sankhasevalapanakanti ettha
sankhoti dighamulako pannasevalo vuccati. Sevaloti nilasevalo.
Avaseso udakapappatakatilabijakadi sabbopi panakoti sankham gacchati.
Ekato ussaditati ekatthane kenapi sampindita rasikatati
dasseti .
     {425-426} Dubbacajatikoti dubbacabhavo. Vattum asakkuneyyoti
attho. Padabhajanepissa dubbacoti dukkhena kicchena ovaditabbo.
Na sakka sukhena vattunti attho. Dovacassakaranehiti
dubbacabhavakaraniyehi. Ye ca dhamma dubbacam puggalam karonti tehi
samannagatoti attho. Te pana katame ca avuso dovacassakarana dhamma
idha avuso 1- bhikkhu papiccho hotiti adina nayena patipatiya
anumanasutte agata papicchata attukkamsakaparavambhakata kodhanata
kodhahetu upanahita kodhahetu abhisangita kodhahetu
kodhasamantavacaniccharanata codakam patippharanata codakam apasadanata
codakassa paccaropanata annenannam paticaranata apadanena
nasampayanata makkhipalasita issukimaccharita sathamayavita
thaddhatimanita sanditthiparamasiadhanaggahiduppatinissaggitati
ekunavisati 2- dhamma veditabba. Ovadam na sahati nakkhamatiti akkhamo.
@Footnote: 1. sutte idhavusoti dissati Ma. mu. 12/189. 2. ime ca dovacassakarana dhamma
@sutte solasavidha vibhatta dasa ekakani panca dukani ekam tikanti.
Yathanusittham apatipajjanto padakkhinena anusasanim na ganhatiti
appadakkhinaggahi anusasanim. Uddesapariyapannesuti uddese
pariyapannesu antogadhesu. Yassa siya apatti so avikareyyati
evam sangahitatta antopatimokkhassa vattamanesuti attho. Sahadhammikam
vuccamanoti sahadhammikena vuccamano. Karanatthe upayogavacanam.
Pancahi sahadhammikehi sikkhitabbatta tesam va santakatta
sahadhammikanti laddhanamena buddhappannattena sikkhapadena vuccamanoti
attho. Viramathayasmanto mama vacanayati yena vacanena mam vadatha
tato mama vacanato viramatha. Ma mam tam vacanam vadathatim vuttam
hoti. Vadetu sahadhammenati sahadhammikena sikkhapadena sahadhammena
va annenapi pasadikabhavasamvattanikena vacanena vadatu. Yadidanti
vuddhikarananidassanatthe nipato. Tena yam idam annamannassa
hitavacanam apattito vutthapananca tena annamannavacanena
annamannavutthapanena ca samvaddha parisati evam parisaya
vuddhikaranam dassitam hoti. Sesam sabbattha uttanameva.
Samutthanadinipi pathamasanghabhedasadisanevati.
                Dubbacasikkhapadavannana nitthita.



             The Pali Atthakatha in Roman Book 2 page 125-127. http://84000.org/tipitaka/atthapali/read_rm.php?B=2&A=2632&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=2632&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=607              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=18735              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8106              The Pali Tipitaka in Roman Character :- http://84000.org/tipitaka/read/roman_read.php?B=1&A=8106              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]