Atthakatha Book 2 : PALI ROMAN
Vinaya.A. (samanta.2)

     {380} Tena samayena buddho bhagavati dutthadosasikkhapadam. Tattha
veluvane kalandakanivapeti veluvananti tassa uyyanassa namam. Tam
kira veluhi ca parikkhittam ahosi attharasahatthena ca pakarena
gopurattalakayuttam nilobhasam manoramam tena veluvananti vuccati.
Kalandakanancettha nivapam adamsu tena kalandakanivapoti vuccati.
Pubbe  kira annataro raja tattha uyyane kilanattham agato
suramadena matto divaseyyam supi. Parijanopissa sutto rajati
pupphaphaladihi palobhiyamano itocitoca pakkami. Atha suragandhena
annatarasma susirarukkha kanhasappo nikkhamitva ranno abhimukho
agacchati. Tam disva rukkhadevata ranno jivitam dammiti
kalakavesena agantva kannamule saddamakasi. Raja patibujjhi.
Kanhasappo nivatto. So tam disva imaya kalakaya mama
jivitam dinnanti kalakanam tattha nivapam patthapesi abhayaghosananca
ghosapesi. Tasma tam tato pabhuti kalandakanivapanti sankham gatam.
Kalandakati hi kalakanam etam namam. Dabboti tassa therassa
namam. Mallaputtoti mallarajassa putto. Jatiya sattavassena
---------------------------------------------------------------------------------------------
page78.
Arahattam sacchikatanti thero kira sattavassova samvegam labhitva
pabbajanto khuraggeyeva arahattam papuniti veditabbo. Yankinci
savakena pattabbam sabbam tena anuppattanti savakena pattabbam
nama tisso vijja catasso patisambhida cha abhinna nava
lokuttaradhammati idam gunajatam tam sabbam tena anuppattam hoti.
Natthi cassa kinci uttarikaraniyanti 1- catusu saccesu catuhi maggehi
solasavidhassa kiccassa katatta idanissa kinci uttarim karaniyam
natthi. Katassa va paticayoti tasseva katassa vaddhanampi natthi
dhotassa viya vatthassa patidhovanam pitthassa viya gandhassa patipimsanam
pupphitassa viya ca pupphasasa patipupphananti. Rahogatassati rahasi
gatassa. Patisallinassati tato tato patikkamitava sallinassa.
Ekibhavam gatassati vutatam hoti. Athakho ayasmato dabbassa
mallaputtassa etadahosi yannunaham sanghassa senasananca
pannapeyyam bhattani ca uddiseyyanti thero kira attano
katakiccabhavam disva aham imam antimasariram dharemi tanca kho vatamukhe
thitapadipo viya aniccatamkhe thitam nacirasseva nibbayanadhammam yava na
nibbayati tava kim nukho aham sanghassa veyyavaccam kareyyanti
cintento iti patisancikkhati tiroratthesu bahu kulaputta bhagavantam
adisvava pabbajanti te bhagavantam passissama ceva vanadissama
cati duratopi agacchanti tatra yesam senasanam nappahoti te
silapattakepi seyyam kappenti pahomi kho panaham attano
@Footnote: 1. paliyam uttarim karaniyanti padadvayam likhitam.
---------------------------------------------------------------------------------------------
page79.
Anubhavena tesam bahukulaputtanam icchavasena pasadaviharaaddhayogadini
samancapithakattharanani senasanani nimminitva datum
punadivase cettha ekacce ativiya kilantarupa honti te garavena
bhikkhunam purato thatva bhattanipi na uddisapenti aham kho
panetesam bhattanipi uddisitum pahomiti. Iti patisancikkhantassa
athakho ayasmato dabbassa mallaputtassa etadahosi yannunaham
sanghassa senasananca pannapeyyam bhattani ca uddiseyyanti.
Nanu ca imani dve thanani bhassaramatadimanuyuttassa yuttani
ayanca khinasavo nippapancaramo imassa kasma imani
patibhamsuti. Pubbapatthanaya coditatta. Sabbabuddhanam kira imam
thanantaram patta savaka hontiyeva. Ayanca padumuttarassa
bhagavato kale annatarasmim kule pacchajato imam thanantaram
pattassa bhikkhuno anubhavam disva atthasatthiya bhikkhusatasahassehi
saddhim bhagavantam satta divasani nimantetva mahadanam datva
padamule nipatitva anagate tumhadisassa buddhassa uppannakale
ahampi itthannamo tumhakam savako viya senasanapannapako ca
bhattuddesako ca assanti patthanam akasi. Bhagava anagatamsananam
pesetva addasa. Disva ca ito kappasatasahassassa accayena
gotamo nama buddho uppajjissati tada tvam dabbo nama
mallaputto hutva jatiya sattavasso nikkhamma pabbajitva
arahattam sacchikarissasi imanca thanantaram lacchasiti byakasi.
---------------------------------------------------------------------------------------------
page80.
So tato pabhuti danasiladini purayamano devamanussasampattim
anubhavitva amhakam bhagavato kale tena bhagavata  byakatasadisameva
arahattam sacchakasi. Athassa rahogatassa kim nukho aham sanghassa
veyyavaccam kareyyanti cintayato taya pubbapatthanaya coditatta
imani dve thanani patibhamsuti. Athassa etadahosi aham kho
anissaro attani satthara saddhim ekatthane vasami sace mam
bhagava anujanissati imani dve thanani samadiyissamiti bhagavato
santikam agamasi. Tena vuttam athakho ayasma dabbo mallaputto
.pe. Bhattani ca uddisitunti. Atha nam bhagava sadhu sadhu
dabbati sampahamsitva yasma arahati evarupo agatigamanaparibahiro
bhikkhu imani dve thanani vicaretum tasma tenahi tvam dabba
sanghassa senasananca pannapehi bhattani ca uddisahiti aha.
Bhagavato paccassositi bhagavato vacanam patiassosi abhimukho assosi.
Sampaticchiti vuttam hoti. Pathamam dabbo yacitabboti kasma
bhagava yacapeti. Garahamocanattham. Passati hi bhagava anagate
dabbassa imam thanam nissaya mettiyabhummajakanam vasena mahaupaddavo
uppajjissati tatra keci garahissanti ayam tunhibhuto attano
kammam akatva kasma idisam thanam vicaretiti tato anne
vakkhanti ko imassa doso eso teheva yacitva thapitoti evam
garahato muccissatiti. Evam garahamocanattham yacapetvapi puna yasma
asammate bhikkhusmim sanghamajjhe kinci kathiyamane khiyyanadhammo uppajjati
---------------------------------------------------------------------------------------------
page81.
Ayam kasma sanghamajjhe uccasaddam karoti issariyam dassetiti sammate
pana kathente ma ayasmanto kinci avacuttha sammato ayam
kathetu yathasukhanti vattaro bhavanti asammatanca abhutena
abbhacikkhantassa lahukapatti hoti dukkatamatta sammatam pana
abbhacikkhato garukatara pacittiyapatti hoti atha sammato bhikkhu
apattiya garukabhavena verikehipi duppaddhamsiyataro hoti tasma
tam ayasmantam sammannapetum byattena bhikkhunati adimaha. Kim
pana dve sammatiyo ekassa datum vattantiti. Na kevalam dve
sace pahoti terasapi datum vattanti. Appahontanam pana
ekapi dvinnam va tinnam va datum na vattati. {382} Sabhagananti
gunasabhaganam na mittasanthavasabhaganam. Tenevaha ye te bhikkhu
suttantika tesam ekajjhantiadim. Yavatika hi suttantika
honti te uccinitva ekato tesam anurupameva senasanam pannapeti
evam sesanam. Kayadalhibahulati kayassa dalhabhavakaranabahula
kayaposanabahulati attho. Imayapime ayasmanto ratiyati
imaya saggamaggassa tiracchanabhutaya tiracchanakathaya ratiya.
Acchissantiti viharissanti. Tejodhatum samapajjitva tenevalokenati
tejokasinacatutthajjhanam samapajjitva vutthaya abhinnananena
angulijjalanam adhitathaya teneva tejodhatusamapattiya janitena
angulijjalalokenati attho. Ayam pana therassa anubhavo na cirasseva
sakalajambudipe pakato ahosi. Tam sutva iddhipatihariyam
---------------------------------------------------------------------------------------------
page82.
Datthukama agamimsu. Apissu bhikkhu sancicca vikale agacchanti.
Te sancicca dure apadisantiti janantava dure apadisanti.
Katham. Amhakam avuso dabba gijjhakuteti imina nayena.
Anguliya jalamanaya purato purato gacchatiti sace eko bhikkhu
hoti sayameva gacchati  sace bahu honti bahu attabhave
nimminati sabbe attana sadiseeva. Senasanam pannapeti ayam
mancoti adisu pana there ayam mancoti vadante nimmitapi
attano attano gatatthane ayam mancoti vadanti. Evam
sabbapadesu. Ayam hi nimmitanam dhammata
        ekasmim bhasamanasmim   sabbe bhasanti nimmita
        ekasmim tunhimasine   sabbe tunhi bhavanti teti.
Yasmim pana vihare mancapithadini na paripurenti attano anubhavena
pureti tena nimmitanam avatthukam vacanam na hoti. Senasanam
pannapetva punadeva veluvanam paccagacchatiti tehi saddhim janapadakatham
kathento na nisidati attano vasanatthanameva paccagacchati.
     {383} Mettiyabhummajakati mettiyo ceva bhummajako ca chabbaggiyanam
aggapurisa ete. Lamakani ca bhattaniti senasanani tava navakanam
lamakani papunantiti anacchariyametam. Bhattani pana salakayo
pacchiyam va civarabhoge va pakkhipitva aloletva ekamekam
uddharitva pannapenti. Tanipi nesam mandapunnataya lamakani
sabbapacchimaneva papunanti. Yampi ekacarikabhattam
---------------------------------------------------------------------------------------------
page83.
Ekavarikabhattannama panitappanitam samodhanetva therato yava navaka
gahapetabbam. Tampi etesam pattadivase lamakam va hoti ete va
disvava panitam adatva lamakameva denti. Abhisankharikanti nanasambharehi
abhisankharitva katam susajjatam susampaditanti attho. Kanajakanti
sakundakabhattam. Bilangadutiyanti kanjikadutiyam. Kalyanabhattikoti
kalyanam sundaram ativiya panitam bhattamassati kalyanabhattiko.
Panitadayakatta bhatteneva pannato. Catukkabhattam detiti
cattari bhattani deti. Taddhitavoharena pana catukkabhattanti
vuttam. Upatitthitva parivisatiti sabbakammante vissajjetva mahantam
pujasakkaram katva samipe thatva parivisati. Odanena pucchantiti
odanahattha upasankamitva kim bhante odanam demati pucchanti.
Evam karanattheyeva karanavacanam hoti. Esa nayo supadisu.
Svatanayati sve bhavo bhattaparibhogo svatano. Tassatthaya
svatanaya. Sve kattabbassa bhattaparibhogassatthayati vuttam
hoti. Uddittham hotiti papetva dinnam hoti.
Mettiyabhummajakanam kho gahapatiti idam thero asamannaharitva aha.
Evam balavati hi tesam mandapunnata yam sativepullattappattanampi
asamannaharo hoti. Ye jeti ettha jeti dasim
alapati. Hiyo kho avuso amhakanti rattim sammantayamana
atitam divasabhagam sandhaya hiyoti vadanti. Na cittarupanti na
cittanurupam. Yatha pubbe yattakam icchanti tattakam supanti na
---------------------------------------------------------------------------------------------
page84.
Evam supimsu. Appakameva supimsuti vuttam hoti. Baharamakotthaketi
veluvanaviharassa bahidvarakotthake. Pattakkhandhati patitakkhandha
khandhatthikam nametva nisinna. Pajjhayantati padhupayanta.
Yato nivatam tato pavatanti yattha nivatam appakopi vato natthi
tattha mahavato utthitoti attho. Udakam manne adittanti
udakam viya adittam. {384} Sarasi tvam dabba evarupam kattati tvam dabba
evarupam katva sarasi. Athava sarasi tvam dabba evarupam yathayam
bhikkhuni aha kattavasi evarupam yathayam bhikkhuni ahati evam
yokhetva cettha attho datthabbo. Ye pana katvati
pathanti tesam ujukameva 1-. Yatha mam bhante bhagava janatiti
thero kim dassesi. Bhagava bhante sabbannu ahanca khinasavo
natthi mayham vatthukamapatisevana tam mam bhagava janati tatraham
kim vakkhami yatha mam bhagava janati tathevaham datthabboti.
Na kho dabba dabba evam nibbethentiti ettha na kho dabba
dabba pandita yatha tvam parapaccayena nibbethesi evam
nibbethenti apica kho yadeva samam natam tena nibbethentiti
evamattho datthabbo. Sace taya katanti imina kim dasseti.
Na hi sakka parisabbalena va pakkhupatthambhena va akarako
karako katum karako va akarako katum tasma yam sayam katam
@Footnote: 1. kattati pade tupaccayo yatha nabhijanami... sancicca panam jivita voropeta.
@saddasatthepi vakyakarakam padam kattati vuccati.
---------------------------------------------------------------------------------------------
page85.
Va akatam va tadeva vattabbanti dasseti. Kasma pana bhagava
janantopi aham janami khinasavo tvam natthi tuyham doso
ayam bhikkhuni musavadiniti navocati. Paranudayataya. Sace hi
bhagava yam yam janati tam tam vadeyya annena parajikam apannena
putathena aham janami tvam parajikoti vattabbam bhaveyya tato so
puggalo ayam pubbe dabbam mallaputtam suddham katva idani
mam asuddham karoti kassa dani kim vadami yatra satthapi
savakesu chandagatim gacchti kuto imassa sabbannubhavoti aghatam
bandhitva apayupago bhaveyya. Tasma bhagava imaya paranudayataya
janantopi navoca. Kinci bhiyyo upavadaparivajjanato navoca.
Yadi hi bhagava evam vadeyya evam upavado bhaveyya dabbassa
mallaputtassa vutthanannama bhariyam sammasambuddham pana sakkhim
labhitva vutthitoti. Idanca vutthanalakkhanam mannamana buddhakalepi
sakkhina suddhi va asuddhi va hoti mayam janama ayam puggalo
asuddhoti evam papabhikkhu lajjimpi vinaseyyunti. Apica
anagatepi bhikkhu otinne vatthusmim codetva saretva sace taya
katam katanti vadehiti lajjinam patinnam gahetva kammam karissantiti
vinayalakkhane tantim thapento aham janamiti avatva sace taya katam
katanti vadehiti aha. Nabhijanami supinantenapi methunam dhammam
patisevitati supinantenapi methunam dhammam nabhijanami. Na patisevita
ahanti vuttam hoti. Athava patisevita hutva supinantenapi
---------------------------------------------------------------------------------------------
page86.
Methunam dhammam na janamiti vuttam hoti. Ye pana patisevitvati
pathanti tesam ujukameva 1-. Pageva jagaroti jagaranto pana pathamamyeva
na janamiti. Tenahi bhikkhave mettiyam bhikkhunim nasethati yasma
dabbassa ca imissa ca vacanam na ghatati tasma mettiyam bhikkhunim
nasethati vuttam hoti. Tattha tisso nasana linganasana
samvasanasana dandakammanasanati. Tasu dusako nasetabboti ayam
linganasana. Apattiya adassane va apatikamme va papikaya
ditthiya apatinissagge va ukkhepaniyakammam karonti ayam
samvasanasana. Cara pire vinassati dandakammam karonti ayam
dandakammanasana. Idha pana linganasanam sandhayaha mettiyam
bhikkhunim nasethati. Ime ca bhikkhu anuyunjathati imina imam
dipeti ayam bhikkhuni attano dhammataya akarika addha annehi
uyyojita tasma yehi uyyojita ime bhikkhu anuyunjatha gavesatha
janathati. Kim pana bhagavata mettiya bhikkhuni patinnaya
nasita apatinnaya nasitati. Kincettha yadi tava patinnaya
nasita thero karako hoti atha apatinnaya thero akarako
hoti niddoso. Bhatiyarajakalepi mahaviharavasinanca abhayagirivasinanca
theranam imasmimyeva vade vivado ahosi. Abhayagirivasinopi
attano suttam vatva tumhakam vade thero karako hotiti
vadanti. Mahaviharavasinopi attano suttam vatva tumhakam vade
@Footnote: 1. patisevitati padepi tupaccayo.
---------------------------------------------------------------------------------------------
page87.
Thero karako hotiti vadanti. Panho na chijjati. Raja
sutva there sannipatapetva dighakarayanam nama brahmanajatiyam
amaccam theranam katham sunahiti anapesi. Amacco kira pandito
bhasantarakusalo. So aha vadantu bhante thera suttanti. Tato
abhayagiritthera attano suttam vadimsu tenahi bhikkhave mettiyam bhikkhunim
sakaya patinnaya nasethati. Amacco bhante tumhakam vade
thero karako hoti sadosoti aha. Mahaviharavasinopi attano
suttam vadimsu tenahi bhikkhave mettiyam bhikkhunim nasethati. Amacco bhante
tumhakam vade thero akarako hoti niddosoti aha. Kimpanettha
yuttam yam paccha vuttam vicaritam hetam atthakathacariyehi. Bhikkhu
bhikkhum amulakena antimavatthuna anuddhamseti sanghadiseso bhikkhunim
anuddhamseti dukkatam. Kurundiyam pana musavade pacittiyanti vuttam.
Tatrayam vicarana. Purimanaye tava anuddhamsanadhippayatta
dukkatameva yujjati. Yatha satipi musavade bhikkhuno bhikkhusmim
sanghadiseso satipi ca musavade asuddham suddhaditthino akkosadhippayena
vadantassa omasavadeneva pacittiyam na sampajanamusavadena
evam idhapi anuddhamsanadhippayatta sampajanamusavade pacittiyam na
yujjati dukkatameva yuttam. Pacchimanayepi musavadatta pacittiyameva
yujjati . Vacanappamanato hi anuddhamsanadhippayena bhikkhussa
bhikkhusmim sanghadiseso akkosadhippayassa musavade bhikkhussa
bhikkhusmim sanghadiseso akkosadhippayassa ca omasavade bhikkhussa
---------------------------------------------------------------------------------------------
page88.
Pana bhikkhuniya dukkatanti vacanam natthi sampajanamusavade
pacittiyanti vacanamatthi tasma pacittiyameva yujjati. Tatra pana idam
upaparikkhitabbam. Anuddhamsanadhippaye asati pacittiyam tasmim sati
kena bhavitabbanti. Tatra yasma musa bhanantassa pacittiye
siddhepi amulakena sanghadisesena anuddhamsane visum pacittiyam vuttam
tasma anuddhamsanadhippaye sati sampajanamusavade pacittiyassa
okaso  na dissati  na ca sakka anuddhamsentassa anapattiya
bhavitunti purimanayovettha parisuddhataro khayati. Tatha bhikkhuni
bhikkhunim amulakena antimavatthuna anuddhamseti sanghadiseso bhikkhum
anuddhamseti dukkatam. Tatra sanghadiseso vutthanagami dukkatam
desanagami etehi nasana natthi. Yampi sa bhagavato purato
thatva musa abhani tenassa sampajanamusavade pacittiyam
iminapi nasana natthi. Yasma pana sa pakatiyava dussila
papabhikkhuni idani ca sayameva dussilamhiti vadati tasma nam
bhagava asuddhattayeva nasapesi. Athakho mettiyabhummajakati evam
mettiyam bhikkhunim nasetha ime ca bhikkhu anuyunjathati vatva
utthayasana viharam pavitthe bhagavati tehi bhikkhuhi detha dani imissa
setakaniti nasiyamanam tam bhikkhunim disva te bhikkhu tam
mocetukamataya attano aparadham avikarimsu. Etamattham dasasetum
athakho mettiyabhummajakati adi vuttam.
     {385-386} Duttho dosoti dusito ceva dusako ca. Uppanne hi
---------------------------------------------------------------------------------------------
page89.
Dose puggalo tena dosena dusito hoti pakatibhavam jahapito
tasma dutthoti vuccati. Paranca duseti vinaseti tasma dosoti
vuccati. Iti duttho dosoti ekassevetam puggalassa
akarananattena nidassanam. Tena vuttam duttho dosoti dusito ceva
dusako cati. Tattha saddalakkhanam pariyesitabbam. Yasma pana so
duttho dosoti sankham gato patighasamangipuggalo kupitadibhave thitova
hoti tenassa padabhajane kupitoti adi vuttam. Tattha kupitoti
kuppabhavam pakatito cavanabhavam patto. Anattamanoti na sakamano
attano vase atthitacitto. Apica pitisukhehi na attamano
nipatacittoti anattamano. Anabhiraddhoti na sukhito na va
pasaditoti anabhiraddho. Patighena ahatam cittamassati ahatacitto.
Cittatthaddhabhavacittakacavarasankhatam patighakhilam jatamassati khilajato.
Appatitoti nappatiito 1- pitisukhadihi vajjito na abhisatoti attho.
Padabhajane pana yesam dhammanam vasena appatito hoti te dassetum
tena ca kopenati adi vuttam. Tattha tena ca kopenati yena
dutthoti ca kupitoti ca vutto. Ubhayampi hetam pakatibhavam
jahapanato ekakaram hoti. Tena ca dosenati yena dosoti
vutto. Imehi dvihi sankharakkhandhameva dasseti. Taya ca
anattamanatayati yaya anattamanoti vutto. Taya ca
anabhiraddhiyati yaya anabhiraddhoti vutto. Imehi dvihi vedanakkhandham
@Footnote: 1. appititoti na pitim itoti amhakam mati.
---------------------------------------------------------------------------------------------
page90.
Dasseti. Amulakena parajikenati ettha nassa mulanti amulakam.
Tam panassa amulakattam yasma codakavasena adhippetam na cuditakavasena
tasma tamattham dassetum padabhajane amulakannama adittham assutam
aparisankitanti aha. Tena imam dipeti yam parajikam codakena
cuditakamhi puggale neva dittham na sutam na parisankitam idam etesam
dassanassavanaparisankasankhatanam mulanam abhavato amulakannama. Tam
pana so apanno va hotu anapanno va etam idha appamananti.
Tattha adittham nama attano pasadacakkhuna va dibbacakkhuna
va adittham. Assutam nama tatheva kenaci vuccamanam na
sutam. Aparisankitam nama cittena aparisankitam. Dittham nama attana
va parena va pasadacakkhuna va dibbacakkhuna va dittham.
Sutannama tatheva  sutam. Parisankitam nama attana va parena va
parisankitam. Tattha attana dittham ditthameva. Parehi dittham
attana sutam parehi sutam parehi parisankitanti idam pana sabbampi
attana sutatthaneyeva titthati. Parisankitam pana tividham ditthaparisankitam
sutaparisankitam mutaparisankitanti. Tattha ditthaparisankitannama eko
bhikkhu uccarapassavakammena gamasamipe ekam gumbam pavittho
annatarapi itthi kenacideva karaniyena tam gumbam pavisitva nivatta
napi bhikkhu itthim addasa na ca itthi bhikkhum adisvava ubhopi yatharucim
pakkanta annataro bhikkhu ubhinnam tato nikkhamanam sallakkhetva
addha imesam katam va karissanti vati parisankati idam
---------------------------------------------------------------------------------------------
page91.
Ditthaparisankitam. Sutaparisankitannama idhekacco andhakare va paticchanne va
okase matugamena saddhim bhikkhuno tadisam patisantharavacanam sunati
samipe annam vijjamanampi atthi natthiti na janati so addha
imesam katam va karissanti vati parisankati idam sutaparisankitam.
Mutaparisankitannama sambahula dhutta rattibhage pupphagandhamamsasuradini
gahetva itthihi saddhim ekam paccantaviharam gantva mandape va
bhojanasaladisu va yathasukham kilitva pupphadini vikiritva gata
punadivase bhikkhu tam vippakaram disva kassidam kammanti vicinanti
tatra ca kenaci bhikkhuna pageva vutthahitva vattasisena mandapam
va bhojanasalam va patijaggantena pupphadini amatthani honti
kenaci upatthakakulato ahatehi pupphadihi puja kata hoti
kenaci bhesajjattham arittham pitam hoti atha te kassidam kammanti
vicinanta bhikkhu hatthagandhanca mukhagandhanca ghayitva te bhikkhu
parisankanti idam mutaparisankitam. Tattha dittham atthi samulakam
atthi amulakam ditthameva atthi sannasamulakam atthi sannaamulakam.
Esa nayo sutepi. Parisankite pana ditthaparisankitam atthi samulakam
atthi  amulakam ditthaparisankitameva atthi sannasamulakam atthi
sannaamulakam. Esa nayo sutamutaparisankitesu. Tattha ditatham
samulakannama parajikam apajjantam disvava dittho mayati vadati.
Amulakannama paticchannokasato nikkhamantam disva vitikkamam adisva
dittho mayati vadati. Ditthameva sannasamulakannama disvava
---------------------------------------------------------------------------------------------
page92.
Ditthasanni hutva codeti. Sannaamulakannama pubbe
parajikavitikkamam disva paccha aditthasanni jato so sannaya amulakam
katva dittho mayati codeti. Eteneva nayena sutamutaparisankitanipi
vittharato veditabbani. Ettha ca sabbappakarenapi dittham samulakena
va sannasamulakena va codentassa anapatti. Amulakena va
sannaamulakena va codentasseva apatti. Anuddhamseyyati
viddhamseyya paddhamseyya abhibhaveyya ajjhotthareyya. Tampana anuddhamsanam
yasma attana codentopi parena codapentopi karotiyeva
tasma padabhajane codeti va codapeti vati vuttam. Tattha
codetiti parajikam dhammam apannositi adihi vacanehi sayam codeti
tassa vacaya vacaya sanghadiseso. Codapetiti attana samipe
thatva annam bhikkhum anapeti so tassa vacanena tam codeti
codapakasseva vacaya vacaya sanghadiseso. Atha sopi maya
dittham sutam atthiti codeti dvinnampi jananam vacaya vacaya
sanghadiseso.
     Codanapabhedakosallatthanca panettha ekavatthuekacodakadicatukkam
tava veditabbam. Tattha eko bhikkhu ekam bhikkhum ekena vatthuna
codeti imissa codanaya ekam vatthu eko codako.
Sambahula ekam ekena vatthuna codenti pancasata
mettiyabhummajakappamukha chabbaggiya bhikkhu ayasmantam dabbam mallaputtamiva
imissa codanaya ekam vatthu nanacodaka. Eko bhikkhu ekam
---------------------------------------------------------------------------------------------
page93.
Bhikkhum sambahulehi vatthuhi codeti imissa codanaya nanavatthuni
eko codako. Sambahula sambahule sambahulehi vatthuhi codenti
imissa codanaya nanavatthuni nanacodaka. Codetum pana ko
labhati ko na labbhatiti. Dubbalacodakavacanam tava gahetva koci na
labhati. Dubbalacodako nama sambahulesu kathasallapena nisinnesu
eko ekam arabbha anuddissakam katva parakavatthum katheti.
Anno tam sutva itarassa gantva aroceti. So tam
upasankamitva tvam kira mam idancidanca vadasiti vadati. So naham
evarupam janami kathapavattiyam pana maya anuddissakam katva
vuttamatthi sace aham tava imam dukkhuppattim janeyyam ettakampi
na katheyyanti. Ayam dubbalacodako. Tassetam kathasallapam
gahetva tam bhikkhum koci codetum na labhati. Etam pana aggahetva
silasampanno bhikkhu bhikkhum va bhikkhunim va silasampanna ca
bhikkhuni bhikkhunimeva codetum labhatiti mahapadumatthero aha.
Mahasumatthero pana pancapi sahadhammika labhantiti aha.
Godattatthero pana na koci na labhatiti vatva bhikkhussa sutva codeti
bhikkhuniya sutva codeti .pe. Titthiyasavakanam sutva codetiti
idam suttamahari. Tinnampi theranam vade cuditakasseva patinnaya
karetabbo. Ayam pana codana nama dutam va pannam va
sasanam va pesetvapi codentassa sisam na eti. Puggalassa
pana samipe thatvava hatthamuddhaya va vacibhedena va codentasseva
---------------------------------------------------------------------------------------------
page94.
Sisam eti. Sikkhapaccakkhanameva hi hatthamuddhaya sisam na eti.
Idam pana anuddhamsanam abhutarocananca etiyeva. Yo pana dvinnam
thitatthane ekam niyametva codeti so ce janati sisam
eti. Itaro janati sisam na eti. Dvepi niyametva
codeti eko va janatu dve va sisam eti. Esa nayo
sambahulesu. Tamkhaneyeva ca jananam nama dukkaram. Samayena
avajjitva nate pana natameva hoti. Paccha ce janati
sisam na eti. Sikkhapaccakkhanaabhutarocanadutthullavacaattakama-
dutthadosabhutarocanasikkhapadaniti sabbaneva hi imani ekaparic-
chedani. Evam kayavacavasena cayam duvidhapi codana puna ditthacodana
sutacodana parisankitacodanati tividha hoti. Apara catubbidha hoti
silavipatticodana acaravipatticodana ditthivipatticodana
ajivavipatticodanati. Tattha garukanam dvinnam apattikkhandhanam vasena
silavipatticodana veditabba. Avasesanam vasena acaravipatticodana.
Micchaditthiantaggahikaditthivasena ditthivipatticodana.
Ajivahetuppannattanam channam sikkhapadanam vasena ajivavipatticodana
veditabba. Aparapi catubbidha hoti vatthusandassana apattisandassana
samvasapatikkhepo samicipatikkhepoti. Tattha vatthusandassana nama
tvam methunadhammam patisevi adinnam adiyi manussam ghatayittha 1- abhutam
arocayitthati 2- evam pavatta. Apattisandassana nama tvam
@Footnote: 1. ghatayi. 2. arocayiti.
---------------------------------------------------------------------------------------------
page95.
Methunadhammaparajikapattim apannoti evamadinayappavatta.
Samvasapatikkhepo nama natthi taya saddhim uposatho va pavarana va
sanghakammam vati evam pavatta. Ettavata pana sisam na eti.
Assamanosi asakyaputtiyositi adihi vacanehi saddhim ghatiteyeva sisam
eti. Samicipatikkhepo nama abhivadanapaccutthanaanjalikamma-
vijanadikammanam akaranam. Tam patipatiya vandanadini karoto
ekassa akatva sesanam karanakale veditabbam. Ettavata ca
codana nama hoti. Apatti pana sisam na eti. Kasma mama
vandanadini na karositi pucchite pana assamanosi asakyaputtimyositi
adihi vacanehi saddhim ghatiteyeva sisam eti. Yagubhattadina
pana yam icchati tam apucchati na tavata codana hoti. Aparapi
patimokkhatthapanakkhandhake ekam bhikkhave adhammikam patimokkhatthapanam
ekam dhammikanti 1- adim katva yava dasa adhammikani
patimokkhatthapanani dasa dhammikaniti evam adhammika pancapannasa dhammika
pancapannasati dasuttarasatam codana vutta. Ta ditthena
codentassa dasuttarasatam sutena codentassa dasuttarasatam parisankaya
codentassa dasuttarasatanti timsadhikani tini satani honti. Tani
kayena codentassa vacaya codentassa kayavacahi codentassati
tigunani katani navutadhikani nava satani honti. Tani attana
codentassapi parena codapentassapi tattakanevati visatiunani
dve sahassani honti. Puna ditthadibhede samulakamulakavasena
@Footnote: 1.vi. cullavagga. 7/294.
---------------------------------------------------------------------------------------------
page96.
Anekasahassa codana hontiti veditabba.
     Imasmim pana thane thatva atthakathayam attadanam adatukamena
upali bhikkhuna pancangasamannagatam attadanam adatabbanti 1- ca
codakena upali bhikkhuna param codetukamena pancadhamme ajjhattam
paccavekkhitva paro codetabboti 2- ca evam upalipancakadisu
vuttani bahuni suttani aharitva attadanalakkhananca codakavattanca
cuditavattanca sanghena kattabbakiccanca anuvijjakavattanca sabbam
vittharena kathitam. Tam mayam yathaagatatthaneyeva vannayissama.
Vuttappabhedasu pana imasu codanasu yassa kissaci codanaya vasena
sanghamajjhe osate vatthusmim cuditacodaka vattabba tumhe amhakam
vinicchayena tuttha bhavissathati. Sace bhavissamati vadanti sanghena
tam adhikaranam sampaticchitabbam. Atha pana vinicchinatha tava bhante sace
amhakam khamissati ganhissamati vadanti cetiyam tava vandathati
adini vatva dighasuttam katva vissajjitabbam. Te ce ciram ratatam
kilanta pakkantaparisa upacchinnapakkha hutva puna yacanti
yavatatiyam patikkhipitva yada nimmada honti tada tesam
adhikaranam vinicchinitabbam. Vinicchinantehi ca sace alajjussanna
hoti parisa ubbahikaya tam adhikaranam vinicchinitabbam. Sace
balussanna hoti parisa tumhakam tumhakam sabhage vinayadhare
pariyesathati vinayadhare pariyesapetva yena dhammena yena vinayena yena
satthusasanena tam adhikaranam vupasammati tatha tam adhikaranam vupasametabbam.
@Footnote: 1. vi. parivara. 8/469. 2. vi. parivara. 8/465.
---------------------------------------------------------------------------------------------
page97.
Tattha ca dhammoti bhutavatthu. Vinayoti codana sarana ca.
Satthusasananti nattisampada ca anussavanasampada ca. Tasma
codakena vatthusmim aropite cuditako pucchitabbo santametam noti.
Evam vatthum upaparikkhitva bhutena vatthuna codetva saretva
nattisampadaya ca anussavanasampadaya ca tam adhikaranam vupasametabbam.
Tatra ce alajji lajjim codeti so ca alajji balo hoti
abyatto nassa anuyogo databbo. Evam pana vattabbo kimhi nam
codesiti. Addha so vakkhati kimidam bhante kimhinannamati .
Tvam kimhinampi na janasi na yuttam taya evarupena balena param
codetunti uyyojetabbo. Nassa anuyogo databbo. Sace
pana so alajji pandito hoti byatto ditthena va sutena va
ajjhottharitva sampadetum sakkoti etassa anuyogam datva
lajjisseva patinnaya kammam katabbam. Sace lajji alajjim codeti
so ca lajji balo hoti abyatto na sakkoti anuyogam datum tassa
nayo databbo kimhi nam codesi silavipattiya va acaravipattiadisu
va ekissati. Kasma pana imasseva evam nayo databbo
na itarassati. Nanu na yuttam vinayadharanam agatigamananti. Na
yuttameva. Idam pana agatigamanam na hoti. Dhammanuggaho nama
eso. Alajjiniggahatthaya hi lajjipaggahatthaya ca sikkhapadam
pannattam. Tatra alajji nayam labhitva ajjhottharanto ehiti.
Lajji pana nayam labhitva ditthe ditthasantanena sute sutasantanena
---------------------------------------------------------------------------------------------
page98.
Patitthaya kathessati. Tasma tassa dhammanuggaho vattati. Sace
pana so lajji pandito hoti byatto patitthaya katheti alajji
ca etampi natthi etampi natthiti patinnam na deti alajjissa
patinnayaeva katabbam. Tadatthadipanatthanca idam vatthu veditabbam.
Tepitakaculabhayatthero kira lohapasadassa hettha bhikkhunam vinayam
kathetva sayanhasamaye vutthati. Tassa vutthanasamaye dve
atthapaccatthika katham pavattesum. Eko etampi natthi etampi natthiti
patinnam na deti. Atha appavasese pathamayame therassa tasmim
puggale ayam patitthaya katheti ayam pana patinnam na deti bahuni ca
vatthuni osatani addha etam katam bhavissatiti asuddhaladdhi uppanna.
Tato vijanidandakena padakatthalikaya sannam datva aham avuso
vinicchinitum ananucchaviko annena vinicchinapehiti aha. Kasma
bhanteti. Thero tamattham arocesi. Cuditapuggalassa kaye daho
utthito. Tato theram vanditva vinicchinitum anurupena vinayadharena nama
tumhadiseneva bhavitum vattati codakena ca idiseneva bhavitum vattatiti
vatva setakani nivasetva ciram kilamitattha mayati khamapetva
pakkami. Evam lajjina codiyamano alajji bahusupi vatthusu
uppannesu patinnam na deti. So neva suddhoti vattabbo na
asuddhoti. Jivamatako nama amakaputiko nameso. Sace panassa
annampi tadisam vatthu uppajjati na vinicchinitabbam. Tathanasitakova
bhavissati. Sace pana alajjiyeva alajjim codeti so vattabbo
---------------------------------------------------------------------------------------------
page99.
Avuso tava vacanenayam kim sakka vattunti. Itarampi tatheva
vatva ubho ekasambhogaparibhoga hutva jivathati uyyojetabba.
Silatthaya tesam vinicchayo na katabbo. Pattacivaraparivenadiatthaya
pana patirupam sakkhim labhitva katabbo. Atha lajjiyeva lajjim codeti
vivado ca nesam kismincideva appamattako hoti sannapetva
ma evam karothati accayam desapetva uyyojetabba.
Atha panettha cuditakena sahasa viraddham hoti adito patthaya alajji
nama natthi. So ca pakkhanurakkhanatthaya patinnam na deti.
Mayam saddahama mayam saddahamati bahu utthahanti. So tesam
patinnaya ekavaram dvevaram suddho hotu. Atha pana viraddhakalato
patthaya thane na titthati. Vinicchayo databbo.
     Evam yassa kissaci codanaya vasena sanghamajjhe osate
vatthusmim cuditacodakesu patipattim natva tassayeva codanaya
sampattivipattijananattham adimajjhapariyosanadinam vasena vinicchayo
veditabbo. Seyyathidam. Codanaya ko adi kim majjhe kim pariyosanam.
Codanaya aham tam vattukamo karotu me ayasma okasanti evam
okasakammam adi. Otinnena vatthuna codetva saretva
vinicchayo majjhe. Apattiyam va anapattiyam va patitthapanena
samatho pariyosanam. Codanaya kati mulani kati vatthuni kati
bhumiyo. Codanaya dve mulani samulika va amulika va. Tini
vatthuni dittham sutam parisankitam. Panca bhumiyo kalena vakkhami
---------------------------------------------------------------------------------------------
page100.
No akalena bhutena vakkhami no abhutena sanhena vakkhami no
pharusena atthasamhitena vakkhami no anatthasamhitena mettacitto
vakkhami no dosantaroti. Imaya pana codanaya codakena
puggalena parisuddhakayasamacaro nukhomhiti 1- adina nayena
upalipancake vuttesu pannarasasu dhammesu patitthatabbam. Cuditakena
dvisu dhammesu patitthatabbam sacce ca akuppe cati.
     Appeva nama nam imamha brahmacariya caveyyanti apieva
nama nam puggalam imamha setthacariya caveyyam. Sadhu vatassa sacaham
imam puggalam imamha brahmacariya caveyyanti imina adhippayena
anuddhamseyyati vuttam hoti. Padabhajane pana brahmacariya caveyyanti
imasseva pariyayamattam dassetum bhikkhubhava caveyyanti adi
vuttam. Khanadini samayassa vevacanani. Tam khanam tam layam tam
muhuttam vitivatteti tasmim khane tasmim laye tasmim muhutte vitivatte.
Bhummuppattiya hi idam upayogavacanam. Samanuggahiyamananiddese
yena vatthuna anuddhamsito hotiti catusu parajikavatthusu yena vatthuna
codakena cuditako anuddhamsito abhibhuto ajjhotthato hoti. Tasmim
vatthusmim samanuggahiyamanoti tasmim codakena vuttavatthusmim so
codako anuvijjakena kinte dittham kinti te ditthanti adina nayena
anuvijjiyamano vimamsiyamano upaparikkhiyamano. Asamanuggahiyamananiddese
na kenaci vuccamanoti anuvijjakena va annena va kenaci.
Athava ditthadisu vatthusu kenaci avuccamano. Etesanca dvinnam
@Footnote: 1. vi. parivara. 8/465.
---------------------------------------------------------------------------------------------
page101.
Matikapadanam parato bhikkhu ca dosam patitthatiti imina sambandho
veditabbo. Idam hi vuttam hoti evam hi samanuggahiyamano va
asamanuggahiyamano va bhikkhu ca dosam patitthati paticca titthati
patijanati sanghadisesoti. Idanca amulakabhavassa pakatakaladassanatthameva
vuttam. Apattim pana anuddhamsitakkhaneyeva apajjati. Idani
amulakanceva tam adhikaranam hotiti ettha yasma amulakalakkhanam
pubbe vuttam tasma tam avatva apubbameva dassetum adhikaranam
namati adamaha. Tattha yasma adhikaranam adhikaranatthena ekampi
vatthuvasena nana hoti tenassa tam nanattam dassetum cattari
adhikaranani vivadadhikarananti adimaha. Ko pana so adhikaranattho
yenetam ekam hotiti. Samathehi adhikaraniyata. Tasma yam adhikiccam
arabbha paticca sandhaya samathava pavattanti tam adhikarananti
veditabbam. Atthakathasu pana vuttam adhikarananti keci gaham
vadanti keci cetanam keci akkhantim keci voharam keci
pannattinti. Puna evam vicaritam yadi gaho adhikaranam eko
attadanam gahetva sabhagena bhikkhuna saddhim mantayamano tattha
adinavam disva puna cajati tassa tam adhikaranam samathappattam
bhavissati. Yadi cetana adhikaranam idam attadanam ganhamiti
uppanna cetana nirujjhati. Yadi akkhanti adhikaranam akkhantiya
attadanam gahetvapi aparabhage vinicchayam alabhamano va khamapito
va cajati. Yadi voharo adhikaranam kathento ahinditva
---------------------------------------------------------------------------------------------
page102.
Aparabhage tunhi hoti niravo evamassa tam adhikaranam samathappattam
bhavissati. Tasma pannatti adhikarananti. Tam panetam
methunadhammaparajikapatti methunadhammaparajikapattiya tabbhagiya
.pe. Evam apattadhikaranam apattadhikaranassa tabbhagiyanti 1- ca
vivadadhikaranam siya kusalam siya akusalam siya abyakatanti 2- ca
evamadihi virujjhati. Na hi te pannattiya kusaladibhavam icchanti.
Na ca amulakena parajikena dhammenati ettha agato parajikadhammo
pannatti nama hoti. Kasma. Accantaakusalatta. Vuttampi
hetam apattadhikaranam siya akusalam siya abyakatanti. Yancetam
amulakena parajikenati ettha amulakam parajikam niddittham tassevayam
amulakanceva tam adhikaranam hotiti patiniddeso na pannattiya.
Na hi annam niddisitva annam patiniddisati. Yasma pana yaya
pannattiya yena abhilapena codakena so puggalo parajikam
dhammam ajjhapannoti pannatto parajikasankhatassa adhikaranassa
amulakatta sapi pannatti amulika hoti adhikarane pavattatta
ca adhikaranam tasma imina pariyayena pannatti adhikarananti
yujjeyya. Yasma ca yam amulakam nama adhikaranam tam sabhavato
natthi pannattimattameva atthi tasmapi pannatti adhikarananti
yujjeyya. Tancakho idheva na sabbattha. Na hi vivadadinam
pannatti adhikaranattho. Adhikaranattho pana tesam pubbe
vuttasamathehi adhikaraniyata. Iti imina adhikaranatthena idhekacco
@Footnote: 1. vi. mahavibhanga. 1/389-390. 2. vi. cullavagga. 6/334.
---------------------------------------------------------------------------------------------
page103.
Vivado ceva adhikaranancati vivadadhikaranam. Esa nayo sesesu.
Tattha idha bhikkhu vivadanti dhammoti va adhammoti vati 1- evam
attharasa bhedakaravatthuni nissaya uppanno vivado vivadadhikaranam.
Idha bhikkhu bhikkhum anuvadanti silavipattiya vati 2- evam catasso
vipattiyo nissaya uppanno anuvado anuvadadhikaranam. Pancapi
apattikkhandha apattadhikaranam sattapi apattikkhandha
apattadhikarananti 3- evam apattiyeva apattadhikaranam. Ya
sanghassa kiccayata karaniyata apalokanakammam nattikammam nattidutiyakammam
natticatutthakammanti 4- evam catubbidham sanghakiccam kiccadhikarananti veditabbam.
Imasmim panatthe parajikapattisankhatam apattadhikaranameva adhippetam.
Sesani atthuddharavasena vuttani. Ettaka hi adhikaranasaddassa
attha. Tesu parajikameva idha adhippetam. Tam ditthadihi
mulakehi amulakanceva adhikaranam hoti. Ayanca bhikkhu dosam
patitthati paticca titthati tucchakam maya bhanitanti adini vadanto
patijanati. Tassa bhikkhuno anuddhamsitakkhaneyeva sanghadisesoti.
Ayam tavassa sapadanukkamaniddesassa sikkhapadassa attho.
     {387} Idani yani tani sankhepato aditthadini codanavatthuni vuttani
tesam vasena vittharato apattim aropetva dassento aditthassa
hotiti adimaha. Tattha aditthassa hotiti adittho assa hoti.
Etena codakena adittho hoti so puggalo parajikam dhammam
ajjhapajjantoti attho. Esa nayo assutassa hotiti adisupi.
@Footnote: 1-2-3-4 vi. cullavagga. 6/335,336.
---------------------------------------------------------------------------------------------
page104.
Dittho mayati ditthosi mayati vuttam hoti. Esa nayo suto
mayati adisupi. Sesam aditthamulake uttanameva. Ditthamulake
pana tance codeti suto mayati ca evam vuttanam sutadinam
abhavena amulakattam veditabbam. Sabbasmimyeva ca imasmim codakavare yatha
idhagatesu parajikam dhammam ajjhapannosi assamanosi asakyaputtiyositi 1-
imesu vacanesu ekekassa vasena vacaya vacaya sanghadiseso
hoti evam annatra agatesu dussilo papadhammo asucisankassarasamacaro
paticchannakammanto assamano samanapatinno abrahmacari
brahmacaripatinno antoputi avassuto kasambujatoti 2- imesupi
vacanesu ekekassa vasena vacaya vacaya sanghadiseso hotiyeva.
Natthi taya saddhim uposatho va pavarana va sanghakammam vati 3-
imani pana suddhani sisanna enti. Dussilosi natthi taya
saddhim uposatho vati evam dussiladipadesu pana parajikam dhammam
ajjhapannositi adisu padesu ca yenakenaci saddhim ghatitaneva
sisam enti sanghadisesakarani honti. Mahapadumatthero panaha na
kevalam idha paliyam anagatani dussilo papadhammoti adipadaneva
sisam enti kundosi mahasamanerosi mahaupasakosi jetthabbatikosi
nigganthosi ajivakosi tapasosi paribbajakosi pandakosi
theyyasamvasakosi titthiyapakkantakosi tiracchanagatosi matughatakosi
pitughatakosi arahantaghatakosi sanghabhedakosi lohituppadakosi
bhikkhunidusakosi ubhatobyanjanakositi imanipi sisam entiyevati.
@Footnote: 1-3 vi. mahavibhanga. 1/377. 2. an. sattaka. 23/130.
---------------------------------------------------------------------------------------------
page105.
Mahapadumattheroyeva ca ditthe vematikoti adisu yadaggena vematiko
tadaggena no kappeti yadaggena no kappeti tadaggena na sarati
yadaggena na sarati tadaggena pamuttho hotiti vadati. Mahasumatthero
pana ekekam dvidha bhinditva catunnampi patekkam nayam dasseti.
Katham. Ditthe vematikoti ayam tava dassane va vematiko hoti
puggale va tattha dittho nukho maya na ditthoti evam dassane
vematiko hoti ayam nukho maya dittho annoti evam puggale
vematiko hoti. Evam dassanam va no kappeti puggalam va
dassanam va na sarati puggalam va dassanam va pamuttho hoti
puggalam va. Ettha ca vematikoti vimatijato. No kappetiti
na saddahati. Na saratiti asariyamano na sarati. Yada pana nam
amukasmim nama bhante thane amukasmim  kaleti sarenti tada
sarati. Pamutthoti yo tehi tehi upayehi sariyamanopi na
saratiyevati. Etena upayena codapakavaropi veditabbo.
Kevalam hi tattha mayati parihinam sesam codakavarasadisameva.
     {389} Tato param apattibhedanca anapattibhedanca dassetum asuddhe
suddhaditthiti adikam catukkam thapetva ekekam padam catuhi catuhi bhedehi
niddittham. Tam sabbam palinayeneva sakka janitum. Kevalam hettha
adhippayabhedo veditabbo. Ayam hi adhippayo nama cavanadhippayo
akkosadhippayo kammadhippayo vutthanadhippayo
uposathappavaranatthapanadhippayo anuvijjanadhippayo dhammakathadhippayoti
---------------------------------------------------------------------------------------------
page106.
Anekavidho. Tattha purimesu catusu adhippayesu okasam
akarapentassa dukkatam okasam karapetvapi ca sammukha amulakena
parajikena anuddhamsentassa sanghadiseso. Amulakena sanghadisesena
anuddhamsentassa pacittiyam. Acaravipattiya anuddhamsentassa
dukkatam. Akkosadhippayena vadantassa pacittiyam. Asammukha
sattahipi apattikkhandhehi vadantassa dukkatam. Asammukhayeva
sattavidhampi kammam karontassa dukkatameva. Kurundiyam pana
vutthanadhippayena tvam imam nama apattim apanno tam patikarohiti
vadantassa okasakiccam natthiti vuttam. Sabbattheva uposathappavaranam
thapentassa okasakammam natthi. Thapanakkhettampana janitabbam.
Sunatu me bhante sangho ajjuposatho pannaraso yadi sanghassa
pattakallam sangho uposatham kare iti etasmim hi rekare anatikkanteyeva
thapetum labbhati. Tato param pana yakare patte na labbhati.
Esa nayo pavaranaya. Anuvijjakassapi osate vatthusmim atthetam
tavati anuvijjanadhippayena vadantassa okasakammam natthi.
Dhammakathikassapi dhammasane nisiditva yo idanca idanca karoti
ayam bhikkhu assamanoti adina nayena anuddissa dhammam kathentassa
okasakammam natthi. Sace pana uddissa niyametva asuko ca
asuko ca assamano anupasakoti katheti dhammasanato orohitva
apattim dassetva gantabbam. Yam pana tattha tattha anokasam
karetvati vuttam tassa okasam akaretvati evamattho
---------------------------------------------------------------------------------------------
page107.
Veditabbo. Na hi koci anokaso nama natthi yamokasam
karetva apattim apajjati okasam pana akaretva apajjatiti.
Sesam uttanameva.
     Samutthanadisu tisamutthanam kayacittato vacacittato
kayavacacittato ca samutthati kiriya sannavimokkham sacittakam
lokavajjam kayakammam vacikammam akusalacittam dukkhavedananti.
             Pathamadutthadosasikkhapadavannana nitthita.


             The Pali Atthakatha in Roman Book 2 page 77-107.
http://84000.org/tipitaka/atthapali/read_rm.php?B=2&A=1609&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=1609&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=538
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=17310
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=7262
             The Pali Tipitaka in Roman Character :-
http://84000.org/tipitaka/read/roman_read.php?B=1&A=7262
             Contents of The Tipitaka Volume 1
http://84000.org/tipitaka/read/?index_1