AtthaPali Vol.2

{1167-1168} Ekadasame. Parivasiyachandadanenati parivasiyena chandadanena. Tattha catubbidhaparivasiyam parisaparivasiyam rattiparivasiyam chandaparivasiyam ajjhasayaparivasiyanti. Parisaparivasiyam nama bhikkhu kenacideva karaniyena sannipatita honti. Atha megho va uttheti ussarana va kariyati manussa va ajjhottharanta agacchanti bhikkhu anokaso mayam annattha gacchamati chandam avissajjetvava utthahanti. Idam parisaparivasiyam. Kincapi parisaparivasiyam chandassa pana avisatthatta kammam katum vattati. Puna bhikkhu uposathadini karissamati rattim sannipatitva yava sabbe sannipatanti tava dhammam sunissamati ekam ajjhesanti. Tasmim dhammakatham kathenteyeva aruno uggacchi. Sace catuddasikam uposatham karissamati nisinna pannarasoti katum vattati. Sace pannarasikam katum nisinna patipade anuposatho uposatham katum na vattati. Annam pana sanghakiccam katum vattati. Idam rattiparivasiyam nama. Puna bhikkhu kincideva abbhanadisanghakammam karissamati nisinna honti. Tatreko nakkhattapathako bhikkhu evam vadeti ajja nakkhattam darunam ma imam kammam karothati. Te tassa vacanena chandam vissajjetva tatheva nisinna honti. Athanno agantva nakkhattam patimanentam attho balam upaccagati ^1- vatva kim nakkhattena karothati vadati. Idam chandaparivasiyanceva ajjhasayaparivasiyanca. Etasmim parivasiye puna chandaparisuddhim ananetva kammam katum na vattati. Vutthitaya @Footnote: ^1. ja. kh. 27/16. tadatthakatha. 2/35. Parisayati chandam vissajjetva kayena va chandavissajjanamatteneva va utthitaya. {1169} Anapatti avutthitaya parisayati chandam avissajjetva avutthitaya anapatti. Sesam uttanameva. Tisamutthanam kiriya sannavimokkham sacittakam pannattivajjam kayakammam vacikammam ticittam tivedananti. Ekadasamam.

The Pali Atthakatha in Roman Book 2 page 563-564. http://84000.org/tipitaka/atthapali/read_rm.php?B=2&A=11846&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=11846&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1