ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {627} Surusurukarakanti surusuruti evam saddam katva katva. Davoti
parihasavacanam. Tam yena kenaci pariyayena kimbuddho silakabuddho
patibuddho kimdhammo godhammo ajadhammo kimsangho migasangho
pasusanghotiadina nayena tini ratanani arabbha na kattabbanti attho.
     {628} Hatthanillehakanti hattham nillehitva nillehitva. Bhunjantena
hi angulimattampi nillehitum na vattati. Ghanayaguphanitapayasadike
pana angulihi gahetva anguliyo mukhe pavesetva bhunjitum vattati.
Pattanillehakaotthanillehakasupi 1- eseva nayo. Tasma ekanguliyapi
patto na nillehitabbo. Ekaotthopi jivhaya na nillehitabbo.
Otthamamsehiyeva pana gahetva anto pavesetum vattati.
     {631} Kokanadeti evamnamake. Kokanadanti padumam vuccati. So ca pasado
padumasanthano kato. Tenassa kokanadotveva namam akamsu.
Na samisena hatthena paniyathalakanti etam patikulavasena patikkhittam.
Tasma sanghikampi puggalikampi gihisantakampi attano santakampi sankhampi
saravakampi thalakampi na gahetabbameva. Ganhantassa dukkatam. Sace
pana hatthassa ekadeso amisamakkhito na hoti tena padesena
gahetum vattati. {632} Uddharitva vati sitthani udakato uddharitva
ekasmim thane rasim katva udakam chaddeti. Bhinditva vati
sitthani bhinditva udakagatikani katva chaddeti. Patiggahe vati
@Footnote: 1. nillehakesu.
Patiggahena paticchanto nam patiggahe chaddeti 1-. Niharitvati bahi
niharitva chaddeti. Evam chaddentassa anapatti.
     {634} Setacchattanti vatthapaligunthitam pandaracchattam.
Kilanjacchattanti vilivacchattam. Pannacchattanti talapannadihi
yehi kehici katam. Mandalabaddham sasakabaddhanti idam pana tinnampi
chattanam panjaradassanattham vuttam. Tani hi mandalabaddhani ceva honti
salakabaddhani ca. Yampi tattha jatakadandakena katam ekapannacchattam
hoti tampi chattameva. Etesu yankinci chattam panimhi assati
chattapani. So tam chattam dharayamano va amse va katva
urumhi va thapetva yava hatthena na muncati tavassa dhammam
desetum na vattati. Desentassa vuttanayeneva dukkatam. Sace
panassa anno chattam dhareti chattapadukaya va thitam hoti hatthato
apagatamatte chatte chattapani nama na hoti tassa dhammam
desetum vattati. Dhammaparicchedo panettha padasodhamme
vuttanayeneva veditabbo. {635} Dandapanissati ettha dando nama
majjhimassa purisassa catuhatthappamano. Dandapanibhavo panassa
chattapanimhi vuttanayeneva veditabbo. {636} Satthapanimhipi eseva
nayo. Asim sannahitva thitopi hi satthapanisankhyam na gacchati.
     {637} Avudhapanissati ettha kincapi vuttam avudham nama capo
@Footnote: 1. patiggahe vati ettha patiggaho nama ujjhitthapatiggahanabhajanam. tattha pakkhipitva
@niharitva chaddetiti amhakam khanti.
Kodandoti athakho sabbapi dhanuvikati saddhim saravikatiya avudhanti
veditabba. Tasma saddhim va sarena dhanum gahetva suddhadhanum va
suddhasaram va sajiyadhanum va nijjiyadhanum va gahetva thitassa va
nisinnassa va dhammam desetum na vattati. Sace panassa dhanu
kanthepi patimukkam hoti yava hatthena na ganhati tava
dhammam desetum vattatiyevati.
                      Chattho vaggo.



             The Pali Atthakatha in Roman Book 2 page 500-502. http://84000.org/tipitaka/atthapali/read_rm.php?B=2&A=10526&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10526&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]