ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {596-598} Khambhakato nama katiyam hattham thapetva katakhambho. Ogunthitoti
sasisam paruto. {600} Ukkutikayati ettha ukkutika vuccati
Panhiyo ukkhipitva aggapadeheva aggapade va ukkhipitva
panhihiyeva bhumiyam phusantassa gamanam. Karanavacanam panettha
vuttalakkhanameva. {601} Dussapallatthikayati ettha ayogapallatthikapi
dussapallatthikaeva.
     {603} Akirantepiti pindapatam dentepi. {602} Sakkaccanti satim
upatthapetva. Pattasanniti patte sannam katva. {604} Samasupako nama
yattha bhattassa catutthabhagappamano supo hoti. Muggasupo
masasupoti ettha ca kulatthadihi katasupapi sangaham gacchantiyevati
mahapaccariyam vuttam. Rasaraseti ettha thapetva dve supe avasesani
olonisakasupeyyamaccharasamamsarasadini rasarasati veditabbani.
Tam rasarasam bahumpi ganhantassa anapatti. Samatittikanti
     {605} samapunnam samabharitam. Thupikatam pindapatam patigganhati apatti
dukkatassati ettha thupikato nama pattassa antomukhavattilekham
atikkamitva kato patte pakkhitto racito puritoti attho.
Evam katam aggahetva antomukhavattilekhasamappamano gahetabbo.
     Tattha thupikatam nama pancahi bhojanehi katanti abhayatthero aha.
Tipitakaculanagatthero pana pindapato nama yagupi bhattampi
khadaniyampi cunnapindopi dantakatthampi dasikasuttampiti idam suttam
vatva dasikasuttampi thupikatam na vattatiti aha. Tesam vadam sutva
bhikkhu rohanam gantva culasumanattheram pucchimsu 1- bhante thupikatapindapato
@Footnote: 1. pucchitvati padena bhavitabbam. pucchitvati padam arocesunti pade
@pubbakalakiriya.
Kena paricchinnoti tesanca theranam vadam arocesum. Thero sutva
aha aho culanago sasanato bhattho aho tena bahunam dvaram
dinnam aham etassa sattakkhattum vinayam vacento na kadaci evam
avacam ayam kuto labhitva evam vadatiti. Bhikkhu theram yacimsu kathetha
dani bhante kena paricchinnoti. Yavakalikena avusoti thero
aha. Tasma yankinci yagu va bhattam va phalaphalam va amisajatikam
samatittikameva gahetabbam. Tanca kho adhitthanupagena pattena
itarena pana thupikatampi vattati. Yamakalikasattahakalikayavajivikani
pana adhitthanupagapattenapi thupikatani vattanti. Dvisu pattesu
bhattam gahetva ekasmim puretva viharam pesetum vattati.
Mahapaccariyam pana vuttam yam patte pakkhapiyamanam puvaucchukhandaphalaphaladi
hettha orohati tam thupikatam nama na hoti. Puvavatamsakam
thapetva pindapatam denti thupikatameva hoti.
Pupphavatamsakatakkolakakatukaphaladivatamsakam pana thapetva dinnam thupikatam na hoti.
Bhattassa upari thalakam va pannam va thapetva puretva
ganhati thupikatam nama na hoti 1-. Kurundiyampi vuttam thalake
va panne va pakkhipitva tam pattamatthake thapetva denti
patekkabhajanam vattatiti. Idha anapattiyam gilano nagato.
Tasma gilanassapi thupikatam na vattati. Sabbattha patiggahetumeva
na vattati. Patiggahitam pana supatiggahitameva paribhunjitum vattatiti.
                      Tatiyo vaggo.
@Footnote: 1. ito param itisaddo icchitabbo.



             The Pali Atthakatha in Roman Book 2 page 496-498. http://84000.org/tipitaka/atthapali/read_rm.php?B=2&A=10458&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10458&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=              The Pali Tipitaka in Roman Character :- http://84000.org/tipitaka/read/roman_read.php?B=1&A=              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]