Atthakatha Book 2 : PALI ROMAN
Vinaya.A. (samanta.2)

                Patidesaniyakandavannana
         patidesaniya dhamma   khuddakanam anantara
         thapita ye ayam dani   tesam bhavati vannana.
     {552} Pathamapatidesaniye tava. Patikkamanakaleti pindaya caritva
patiagamanakale. Sabbeva aggahesiti sabbameva aggahesi.
Pavedhentiti kampamana. Apehiti apagaccha na okasam dethati
attho. {553-555} Garayham avusotiadi patidesetabbakaradassanam.
Rathikati raccha. Byuhanti anivijjhitva thita gatapaccagataraccha.
Simghatakanti catukkonam va tikonam va maggasamodhanatthanam. Gharanti
kulagharam. Etesu rathikadisu yatthakatthaci thatva ganhantassa gahane
dukkatam. Ajjhoharagananaya patidesaniyam. Hatthisaladisu
ganhantassapi eseva nayo. Bhikkhuni rathikaya thatva deti bhikkhu
antararamadisu thatva ganhati apattiyeva. Antaragharam
pavitthayati hi vacanato bhikkhuniya antaraghare thatva dadamanaya
vasenettha apatti veditabba. Bhikkhussa thitatthanam pana
appamanam. Tasma sacepi vithiadisu thito bhikkhu antararamadisu
thatva dadamanaya bhikkhuniya ganhati anapattiyeva. Yamakalikam
sattahakalikam yavajivikam aharatthaya patigganhati apatti
dukkatassa ajjhohare ajjhohare apatti dukkatassati idam
Amisena asambhinnam sandhaya vuttam. Sambhinne pana ekarase
patidesaniyameva. Ekato upasampannayati bhikkhuninam santike
upasampannaya. Bhikkhunam santike upasampannaya pana yathavatthukameva.
     {556} Dapeti na detiti annatika annena kenaci dapeti tam
ganhantassa anapatti. Upanikkhipitva detiti bhumiyam thapetva
idam ayya tumhakam dammiti deti. Evam dinnam sadhu bhaginiti
sampaticchitva tayaeva va bhikkhuniya annena va kenaci
patiggahapetva bhunjitum vattati. Sace hi hatthagate patte
amisam ganheyya pariccattam te mayati deti bhikkhu gahitam
bhaginiti patigganhati ganhantassa apattiti vadanti. Sikkhamanaya
samaneriyati etasam dadamananam ganhantassa anapatti.
Sesamettha uttanameva. Elakalomasamutthanam kiriya nosannavimokkham
acittakam pannattivajjam kayakammam ticittam tivedananti.
                     Pathamapatidesaniyam.


             The Pali Atthakatha in Roman Book 2 page 488-489.
http://84000.org/tipitaka/atthapali/read_rm.php?B=2&A=10284&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=10284&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1