Atthakatha Book 2 : PALI ROMAN
Vinaya.A. (samanta.2)

     {508} Tatiyasikkhāpade. Tiracchānakathanti ariyamaggassa tiracchānabhūtaṃ
kathaṃ. Rājakathanti rājapaṭisaṃyuttaṃ kathaṃ. Corakathādīsupi eseva
nayo. {512} Santaṃ bhikkhunti ettha yaṃ vattabbaṃ taṃ cārittasikkhāpade
---------------------------------------------------------------------------------------------
page484.
Vuttanayameva. Sace sambahulā kenaci kammena gāmaṃ pavisanti
vikāle gāmappavesanaṃ āpucchāmāti sabbehi aññamaññaṃ
āpucchitabbaṃ. Tasmiṃ gāme taṃ kammaṃ na sampajjatīti aññaṃ
gāmaṃ gacchanti gāmasataṃpi hotu puna āpucchanakiccaṃ natthi.
Sace pana ussāhaṃ paṭippassambhetvā vihāraṃ gacchantā antarā
aññaṃ gāmaṃ pavisitukāmā honti āpucchitabbameva. Kulaghare
vā āsanasālāyaṃ vā bhattakiccaṃ katvā telabhikkhāya vā sappibhikkhāya
vā caritukāmo hoti. Sace passe bhikkhu atthi āpucchitvā
gantabbaṃ. Asante natthīti gantabbaṃ. Vīthiṃ otaritvā bhikkhuṃ
passati āpucchanakiccaṃ natthi. Anāpucchitvāpi caritabbameva.
Gāmamajjhena maggo hoti. Tena gacchantassa telādibhikkhāya
carissāmīti citte uppanne sace passe bhikkhu atthi āpucchitvā
caritabbaṃ. Maggā anokkamma carantassa pana āpucchanakiccaṃ
natthi. Aparikkhittassa gāmassa upacāro adinnādāne
vuttanayeneva veditabbo. {515} Antarārāmanti ādīsu na kevalaṃ
anāpucchā kāyabandhanaṃ abandhitvā saṅghāṭiṃ apārupitvā
gacchantassāpi anāpatti. Āpadāsūti sīho vā byaggho vā
āgacchati megho vā uṭṭhahati añño vā koci upaddavo
uppajjati anāpatti. Evarūpāsu āpadāsu bahigāmato
antogāmaṃ pavisituṃ vaṭṭati. Sesamettha uttānameva.
     Kaṭhinasamuṭṭhānaṃ kāyavācato kāyavācācittato ca samuṭṭhāti
---------------------------------------------------------------------------------------------
page485.
Kiriyākiriyaṃ nosaññāvimokkhaṃ acittakaṃ paṇṇattivajjaṃ kāyakammaṃ
vacīkammaṃ ticittaṃ tivedananti.
              Vikāle gāmappavesanasikkhāpadaṃ tatiyaṃ.


             The Pali Atthakatha in Roman Book 2 page 483-485.
http://84000.org/tipitaka/atthapali/read_rm.php?B=2&A=10207&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=10207&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1