AtthaPali Vol.2

{502-503} Dutiyasikkhapade. Vissaritvati pamussitva. Punnapattam nama satato panca kahapana. Kyaham karissamiti kim aham karissami. Abharanam omuncitvati mahalatam nama navakotiagghanakam alankaram apanetva. {504} Antevasiti paricarika. {506} Aparikkhittassa upacaroti ettha upacaro nama aramassa dve leddupata. Avasathassa pana suppapato va musalapato vati mahapaccariyam vuttam. Ugganhati apatti pacittiyassati ettha jataruparajatam attano atthaya ugganhantassa va ugganhapentassa va nissaggiyam pacittiyam. Sanghaganapuggalacetiyanavakammanam atthaya dukkatam. Avasesam muttadiratanam attano va sanghadinam va atthaya ugganhantassa va ugganhapentassa va dukkatam. Kappiyavatthum va @Footnote: ^1. aniggataratanaketi palivacanam dissati.

--------------------------------------------------------------------------------------------- page482.

Akappiyavatthum va hoti antamaso matusantakam kannapilandhanam talapannampi gihisantakam bhandagarikasisena patisamentassa pacittiyameva. Sace pana matapitunam santakam avassam patisametabbam kappiyabhandam hoti attano atthaya gahetva patisametabbam. Idam patisametva dehiti pana vutte na vattatiti patikkhipitabbam. Sace patisamehiti patetva gacchanti palibodho nama hoti patisametum vattati. Vihare kammam karonta vaddhakiadayo va rajavallabha va attano upakaranabhandam va sayanabhandam va patisametva dethati vadanti. Chandenapi bhayenapi na katabbameva. Guttatthanam pana dassetum vattati. Balakkarena patetva gatesu ca patisametum vattati. Ajjharame va ajjhavasathe vati ettha sace mahaviharasadiso mahaaramo hoti tattha pakaraparikkhitte parivene yattha bhikkhuhi va samanerehi va gahitam bhavissatiti sanka uppajjati tadiseeva thane ugganhitva va ugganhapetva va thapetabbam. Mahabodhidvarakotthakaambanganasadisesu pana mahajanasancaranatthanesu na gahetabbam. Palibodho na hoti. Kurundiyam pana vuttam eko maggam gacchanto nimmanusse thane kinci bhandam passati. Akinnamanussepi jate manussa tameva bhikkhum asankanti. Tasma magga okkamma nisiditabbam. Samikesu agatesu tam acikkhitabbam. Sace samike na passati patirupam karissatiti. Rupena va nimittena va sannanam

--------------------------------------------------------------------------------------------- page483.

Katvati ettha rupannama antobhandikaya bhandam. Tasma bhandikam omuncitva ganetva ettaka kahapana va jataruparajatam vati sallakkhetabbam. Nimittanti lanchanadi. Tasma lanchitaya bhandikaya mattikalanchananti va lakhalanchananti va nilapilotikaya bhandika katati va setapilotikaya katati va evamadi sabbam sallakkhetabbam. Bhikkhu patirupati lajjino kukkuccaka. Lolajatikanam hi hatthe thapetum na labbhati. Yo pana neva tamha avasa pakkamati na samike passati tenapi attano civaradimulam na katabbam. Thavaram pana senasanam va cetiyam va pokkharani va karetabba. Sace dighassa addhuno accayena samiko agacchati upasaka tava santakena idam nama katam anumodahiti vattabbo. Sace anumodati iccetam kusalam no ce anumodati mama dhanam dethati codetiyeva annam samadapetva databbam. {507} Ratanasammatam vissasam ganhatitiadisu amasameva sandhaya vuttam. Anamasam na vattatiyeva. Sesamettha uttanameva. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Ratanasikkhapadam dutiyam.

The Pali Atthakatha in Roman Book 2 page 481-483. http://84000.org/tipitaka/atthapali/read_rm.php?B=2&A=10156&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10156&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1