AtthaPali Vol.2

page476.

{449} Catutthasikkhapade. Paharam dentiti avuso pithakam pannapetha padadhovanam aharathatiadini vatva tatha akarontanam paharam denti. {451} Paharam deti apatti pacittiyassati ettha paharitukamataya pahare dinne sacepi marati pacittiyameva. Paharena hattho va pado va bhijjati sisam va bhinnam hoti pacittiyameva. Yathayam sanghamajjhe na virocati tatha nam karomiti evam virupakaranadhippayena kannam va nasam va chindati dukkatam. {452} Anupasampannassati gahatthassa va pabbajitassa va itthiya va purisassa va antamaso tiracchanagatassapi paharam deti dukkatam. Sace pana rattacitto ^1- itthiya paharati sanghadiseso. {453} Kenaci vihethiyamanoti manussena va tiracchanagatena va vihethiyamano. Mokkhadhippayoti tato attano mokkham patthayamano. Paharam detiti kayakayapatibaddhanissaggiyanam annatarena paharam deti anapatti. Sacepi antaramagge coram va paccatthikam va vihethetukamam disva upasaka ettheva tittha ma agamiti vatva vacanam anadiyitva agacchantam gaccha reti muggarena va satthakena va paharitva yati. So ce tena paharena marati anapattiyeva. Balamigesupi eseva nayo. Sesamettha uttanameva. Samutthanadini panassa pathamaparajikasadisani. Idam pana dukkhavedananti. Paharasikkhapadam catuttham.

The Pali Atthakatha in Roman Book 2 page 476. http://84000.org/tipitaka/atthapali/read_rm.php?B=2&A=10039&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10039&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1