AtthaPali Vol.16

5. Mettasuttavannana [15] Pancame sukham supatiti yatha sesajana samparivattamana kakacchamana dukkham supanti, evam asupitva sukham supati. Niddam okkamantopi samapattim samapanno viya hoti. Sukham patibujjhatiti yatha anne nitthunanta vijambhamana samparivattanta @Footnote: ¹ cha.Ma. kabalikaraharabhakkhananti ² cha.Ma. sudattassa ³ cha.Ma. ayam patho na dissati

--------------------------------------------------------------------------------------------- page385.

Dukkham patibujjhanti, evam appatibujjhitva vikasamanam viya padumam sukham nibbikaro patibujjhati. Na papakam supinam passatiti supinam passantopi bhaddakameva supinam passati, cetiyam vandanto viya pujam karonto viya ca dhammam sunanto viya ca hoti. Yatha pananne attanam corehi samparivaritam viya valehi upaddutam viya papate patantam viya ca passanti, na evam papakam supinam passati. Manussanam piyo hotiti ure amukkamuttaharo viya sise pilandhitamala viya ca manussanam piyo hoti manaPo. Amanussanam piyo hotiti yatheva manussanam piyo, evam ^1- amanussanam piyo hoti visakhatthero viya. Vatthu visuddhimagge ^2- metta- kammatthananiddese vittharitameva. Devata rakkhantiti puttamiva matapitaro devata rakkhanti. Nassa aggi va visam va sattham va kamatiti mettaviharissa kaye uttaraya upasikaya viya aggi va, samyuttabhanaculasivattherassa viya visam va sankiccasamanerassa viya sattham va na kamati na pavisati, nassa kayam vikopetiti vuttam hoti. Dhenuvatthumpi cettha kathayanti. Eka kira dhenu vacchakassa khiradharam muncamana atthasi, eko luddako "tam vijjhissami"ti hatthena samparivattetva dighadandam sattim munci. Sa tassa sariram ahacca talapannam viya vattamana gata, neva upacarabalena na appanabalena, kevalam vacchake balavahitacittataya. ^3- Evammahanubhava metta. Tuvatam cittam samadhiyatiti mettaviharino khippameva cittam samadhiyati, natthi tassa dandhayitattam. Mukhavanno vippasidatiti bandhana pamuttam talapakkam ^4- viya cassa vippasannavannam mukham hoti. Asammulho kalam karotiti mettaviharino sammohamaranam nama natthi, asammulho pana niddam okkamanto viya kalam karoti. Uttarim appativijjhantoti mettasamapattito uttari arahattam adhigantum asakkonto ito cavitva suttappabuddho viya brahmalokam upapajjatiti. @Footnote: ¹ cha.Ma. ayam saddo na dissati ² visuddhi. 2/115 ³ tika. balavapiyacittataya @⁴ cha.Ma. pavuttatalapakkam

The Pali Atthakatha in Roman Book 16 page 384-385. http://84000.org/tipitaka/atthapali/read_rm.php?B=16&A=8613&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=8613&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=211 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5882 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5911 The Pali Tipitaka in Roman Character :- http://84000.org/tipitaka/read/roman_read.php?B=22&A=5911 Contents of The Tipitaka Volume 22 http://84000.org/tipitaka/read/?index_22