บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Dutiyayodhajivasuttavannana [76] Chatthe asicammam gahetvati asim ca cammam ca gahetva. Dhanukalapam sannayhitvati dhanunca sarakalapanca sannayhitva. Viyulhanti yuddhasannivesavasena thitam. 1- Sangamam otaratiti mahayuddham otarati. Ussahati vayamatiti ussahanca vayamanca karoti. Hanantiti ghatenti. Pariyadentiti pariyadayanti. 2- Upalikkhantiti vijjhanti. Apanentiti sakasenam gahetva gacchanti. Apanetva natakanam nentiti sakasenam netva tato natakanam santikam nenti. Niyamanoti attano geham va sesanatakasantikam va niyamano. Upatthahanti paricarantiti paharasodhanavanakappanadini karonta jagganti gopayanti. Arakkhiteneva kayenati arakkhitena kayadvarena. Arakkhitaya vacayati arakkhitena vacidvarena. Arakkhitena cittenati arakkhitena manodvarena. Anupatthitaya satiyati satim supatthitam akatva. Asamvutehi indriyehiti manacchatthehi indriyehi apihitehi agopitehi. Rago cittam anuddhamsetiti rago uppajjamanova samathavipassanacittam dhamseti, dure khipati. Ragapariyutthitomhi avuso ragaparetoti aham avuso ragena ratto, ragena anugato. Atthikankalupamatiadisu atthikankalupama appassadatthena. Mamsapesupama bahusadharanatthena. Tinukkupama anudahanatthena. Angarakasupama mahabhitapatthena. Supinakupama ittarapaccupatthanatthena. Yacitakupama tavakalikatthena. Rukkhaphalupama sabbangapaccangapalibhanjanatthena. Asisunupama adhikuttanatthena. Sattisulupama @Footnote: 1 cha.Ma. viyulhanti yuddhasannivesavesena thitam 2 Si. pariyadentiti pariyadiyanti, @cha.Ma. pariyadapentiti pariyapadayanti--------------------------------------------------------------------------------------------- page39.
Vinivijjhanatthena. Sappasirupama sasankasappatibhayatthena. Ussahissamiti ussaham karissami. Dharayissamiti samanabhavam dharessami. 1- Abhiramissamiti abhiratim uppadessami na ukkanthissami. Sesamettha uttanameva. Imasmim sutte vattavivattam kathitanti.The Pali Atthakatha in Roman Book 16 page 38-39. http://84000.org/tipitaka/atthapali/read_rm.php?B=16&A=859&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=859&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=76 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2178 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2231 The Pali Tipitaka in Roman Character :- http://84000.org/tipitaka/read/roman_read.php?B=22&A=2231 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]