ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 16 : PALI ROMAN An.A. (manoratha.3)

                      5. Pathamayodhajivasuttavannana
     [75] Pancame yodhajivati yuddhupajivino. Rajagganti  hatthiassadinam
padappaharabhinnaya bhumiya uggatam rajakkhandham. Na santhambhatiti santhambhitva thatum
na sakkoti. Sahati rajagganti rajakkhandham disvapi adhivaseti. Dhajagganti
hatthiassadinam pitthesu va rathesu va ussapitanam dhajanam aggam. Ussahananti 1-
hatthiassarathananceva balakayassa ca uccasaddamahasaddam. Sampahareti 2- samagate
appamattakepi pahare. Hannatiti 3- vihannati vighatam apajjati. Byapajjatiti vipattim
apajjati, pakatibhavam jahati. Sahati sampaharanti dve tayo pahare patvapi
sahati adhivaseti. Tameva sangamasisanti tamyeva jayakkhandhavaratthanam. Ajjhavasatiti
sattahamattam abhibhavitva avasati. Kimkarana? laddhappaharanupakarajagganatthanceva 4-
katakammanam visesam natva thanantaradanatthanca issariye sukhanubhavanatthanca.
     Idani yasma satthu yodhajivehi kiccam natthi, imasmim pana sasane tatharupe
panca puggale dassetum idam opammam abhatam. Tasma te puggale dassento evameva
khotiadimaha. Tattha samsidatiti micchavitakkasmim samsidati anupavisati. Na sakkoti
brahmacariyam sandharetunti brahmacariyavasam anupacchijjamanam gopetum na sakkoti.
Sikkhadubbalyam avikatvati sikkhaya dubbalabhavam pakasetva. Kimassa rajaggasminti
kim tassa puggalassa rajaggam namati vadati. Abhirupati abhirupavati. 5- Dassaniyati
dassanayogga. Pasadikati dassaneneva cittappasadavaha. Paramayati uttamaya.
Vannapokkharatayati sariravannena ceva angasanthanena ca. Ohasatiti 6- avahasati.
Ullapatiti katheti. Ujjagghatiti panim paharitva mahahasitam hasati. Upphandetiti
upphandanakatham 7- katheti. Abhinisidatiti abhibhavitva santike va ekasane va nisidati.
@Footnote: 1 cha.Ma. ussarananti  2 ka. sampadhareti
@3 Si. ahannatiti  4 cha.Ma. laddhapaharanam paharajagganatthanceva  5 Si. atirupa
@6 Ma. uhasatiti, cha. uhasatiti  7 cha.Ma. uppandetiti uppandanakatham
Dutiyapadepi eseva nayo. Ajjhottharatiti avattharati. Vinivethetva vinimocetvati
gahitatthanato tassa hattham vinibbethetva ceva mocetva ca. Sesamettha uttanattha-
mevati. Imasmim sutte vattavivattam kathitam.



             The Pali Atthakatha in Roman Book 16 page 37-38. http://84000.org/tipitaka/atthapali/read_rm.php?B=16&A=832&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=832&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=75              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2070              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2110              The Pali Tipitaka in Roman Character :- http://84000.org/tipitaka/read/roman_read.php?B=22&A=2110              Contents of The Tipitaka Volume 22 http://84000.org/tipitaka/read/?index_22

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]