AtthaPali Vol.16

3. Padhaniyangasuttavannana [53] Tatiye padhaniyanganiti padhanam vuccati padahanabhavo, padhanamassa atthiti @Footnote: ¹ ka. ajujharuhati cetaso ajjharulha ² Si. vipassanapannaya ca maggapannaya ca @³ cha.Ma. uttari ⁴ ka. nangalasarikkham katva Padhaniyo, padhaniyassa bhikkhuno anganiti padhaniyangani. Saddhoti saddhaya samannagato. Saddha panesa agamasaddha adhigamasaddha okappanasaddha pasadasaddhati catubbidha. Tattha sabbannubodhisattanam saddha abhiniharato patthaya agatatta agamasaddha nama. Ariyasavakanam pativedhena adhigatatta adhigamasaddha nama. Buddho dhammo samghoti vutte acalabhavena okappanam okappanasaddha nama. Pasaduppatti pasadasaddha nama. Idha okappanasaddha adhippeta. Bodhinti catumaggananam. Tam suppatividdham tathagatenati saddahati. Desanasisameva cetam, imina pana angena tisupi ratanesu saddha adhippeta. Yassa hi buddhadisu pasado balava, tassa padhanaviriyam ijjhati. Appabadhoti arogo. Appatankoti niddukkho. Samavepakiniyati samavipakiniya. Gahaniyati kammajatejodhatuya. Natisitaya naccunhayati atisitagahaniko ^1- hi sitabhiruko hoti, accunhaggahaniko unhabhiruko, tesam padhanam na ijjhati, majjhimaggahanikassa ijjhati. Tenaha majjhimaya padhanakkhamayati. Yathabhutam attanam avikattati yathabhutam attano agunam pakaseta. Udayatthagaminiyati udayanca atthanca gantum paricchinditum samatthaya. Etena pannasalakkhanapariggahakam udayavayananam ^2- vuttam. Ariyayati parisuddhaya. Nibbedhikayati anibbiddhapubbe lobhakkhandhadayo nibbijjhitum samatthaya. Sammadukkhakkhayagaminiyati tadangavasena kilesanam pahinatta yam dukkham khiyati, tassa dukkhassa khayagaminiya. Iti sabbehipi imehi padehi vipassanapannava kathita. Duppannassa hi padhanam na ijjhati.

The Pali Atthakatha in Roman Book 16 page 28-29. http://84000.org/tipitaka/atthapali/read_rm.php?B=16&A=642&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=642&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=53 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1505 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1547 The Pali Tipitaka in Roman Character :- http://84000.org/tipitaka/read/roman_read.php?B=22&A=1547 Contents of The Tipitaka Volume 22 http://84000.org/tipitaka/read/?index_22