AtthaPali Vol.16

page28.

2. Dutiyapannasaka 6. 1. Nivaranavagga 1. Avaranasuttavannana [51] Dutiyassa pathame avaranavasena avarana. Nivaranavasena nivarana. Cetaso ajjharuhantiti cetaso ajjharuha. ^1- Vipassanapannanca maggapannanca ^2- uppattinivaranatthena dubbalam karontiti pannaya dubbalikarana. Ya va etehi saddhim vokinnapanna uppajjati, tam dubbalam karontitipi pannaya dubbalikarana. Abalayati pancanivaranapariyonaddhatta apagatabalaya uttarim va manussadhamma alamariyananadassanavisesanti dasakusalakammapathasankhata manussadhamma uttarim ^3- ariyabhavam katum samattham nanadassanavisesam. Harahariniti haritabbam haritum samattha. Nangalamukhaniti matikamukhani. Tani hi nangalasarikkhakatta ^4- nangalehi ca khatatta nangalamukhaniti vuccanti. Evameva khoti ettha sotam viya vipassanananam datthabbam, ubhato nangalamukhanam vivaranakalo viya chasu dvaresu samvarassa visatthakalo, majjhe nadiya rukkhapade kottetva palalatinamattikahi avarane kate udakassa vikkhittavisatabyadinna- kalo viya pancahi nivaranehi pariyonaddhakalo, evam avarane kate vihatavegassa udakassa tinapalaladini parikaddhitva samuddam papunitum asamatthakalo viya vipassanananena sabbakusale viddhamsetva nibbanasagaram papunitum asamatthakalo veditabbo. Sukkapakkhe vuttavipallasena yojana katabba. Imasmim sutte vattavivattam kathitam. Dutiyam uttanatthameva.

The Pali Atthakatha in Roman Book 16 page 28. http://84000.org/tipitaka/atthapali/read_rm.php?B=16&A=623&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=623&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1461 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1502 The Pali Tipitaka in Roman Character :- http://84000.org/tipitaka/read/roman_read.php?B=22&A=1502 Contents of The Tipitaka Volume 22 http://84000.org/tipitaka/read/?index_22