AtthaPali Vol.16

3. Pathamasattakasuttavannana [23] Tatiye abhinhasannipatati ^2- idam vajjisattake vuttasadisameva. Idhapi ca abhinham asannipatanta disasu agatasasanam na sunanti, tato "asukaviharasima akula, uposathappavarana thita, asukasmim thane bhikkhu vejjakammadutakammadini karonti, vinnattibahula phalapupphadanadihi jivikam kappenti"tiadini na jananti. Papabhikkhupi "pamatto samgho"ti natva rasibhutam sasanam osakkapenti. Abhinham @Footnote: ¹ Si.,ka. ayam saddo na dissati ² cha.Ma. abhinham sannipatati

--------------------------------------------------------------------------------------------- page173.

Sannipatanta pana tam pavuttim sunanti, tato bhikkhusamgham pesetva simam ujum karenti, uposathapavaranayo pavattapenti, macchajivanam ussannatthane ariyavamsike pesetva ariyavamsam kathapenti, papabhikkhunam vinayadharehi niggaham karapenti. Papabhikkhupi "appamatto samgho, na sakka amhehi vaggabandhanena vicaritun"ti bhijjitva palayanti. Evamettha vuddhihaniyo veditabba. Samaggatiadisu cetiyapatijagganattham va bodhigharauposathagaracchadanattham va katikavattam va thapetukamataya "samgho sannipatatu"ti bheriya va gandiya va akotitamattaya "mayham civarakammam atthi, mayham patto pacitabbo, mayham navakammam atthi"ti vikkhepam karonta na samagga sannipatanti nama. Sabbam pana tam kammam thapetva "aham purimataram, aham purimataran"ti ekappahareneva sannipatanta samagga sannipatanti nama. Sannipatita pana cintetva mantetva kattabbam katva ekatova avutthahanta na samagga vutthahanti nama. Evam vutthitesu hi ye pathamam gacchanti, tesam evam hoti "amhehi bahirakathava suta, idani vinicchayakatha bhavissati"ti. Ekappahareneva vutthahanta samagga vutthahanti nama. Apica "asukatthane viharasima akula, uposathappavarana thita, asukatthane vejjakammadikaraka papabhikkhu ussanna"ti sutva "ko gantva tesam niggaham karissati"ti vutte "aham pathamam, aham pathaman"ti vatva gacchantapi samagga vutthahanti nama. Agantukam pana disva "imam parivenam yahi, etam parivenam yahi, ayam ko"ti avatva sabbe vattam karontapi, jinnapattacivaram disva tassa bhikkhacara- vattena pattacivaram pariyesantapi, gilanassa gilanabhesajjam pariyesamanapi, gilanameva anatham "asukaparivenam yahi"ti avatva attano attano parivene patijaggantapi, eko oliyamanako gantho hoti, pannavantam bhikkhum sanganhitva tena tam gantham

--------------------------------------------------------------------------------------------- page174.

Ukkhipapentapi samagga samghakaraniyani karonti nama. Appannattantiadisu navam adhammikam katikavattam va sikkhapadam va ganhanta appannattam pannapenti nama puranasanthatavatthusmim savatthiyam bhikkhu viya. Uddhammam ubbinayam sasanam dipenta pannattam samucchindanti nama vassasataparinibbute bhagavati vesalika vajjiputtaka viya. Khuddanukhuddaka pana apattiyo sancicca vitikkamanta yathapannattesu sikkhapadesu samadaya na vattanti nama assajipunabbasuka viya. Tatha akaronta pana appannattam na pannapenti, pannattam na samucchindanti, yathapannattesu sikkhapadesu samadaya vattanti nama ayasma uggaseno ^1- viya, ayasma yaso kakandakaputto viya, ayasma mahakassapo viya ca. Vuddhiyevati siladigunehi vuddhiyeva, no parihani. Therati thirabhavappatta therakarehi ^2- gunehi samannagata. Bahu rattiyo janantiti rattannu. Ciram pabbajitam ^3- etesanti cirapabbajita. Samghassa pititthane thitati samghapitaro. Tassa ^4- pititthane thitatta samgham parinenti pubbangama hutva tisu sikkhasu pavattentiti samghaparinayaka. Ye tesam sakkaradini na karonti, ovadatthaya dve tayo vare upatthanam na gacchanti, tepi tesam ovadam na denti, pavenikatham na kathenti, sarabhutam dhammapariyayam na sikkhapenti. Te tehi vissattha ^5- siladihi dhammakkhandhehi sattahi ca ariyadhanehiti evamadihi gunehi pariyayanti. Ye pana tesam sakkaradini karonti, upatthanam gacchanti, tesam te "evante abhikkamitabban"tiadikam ovadam denti, pavenikatham kathenti, sarabhutam dhammapariyayam sikkhapenti, terasahi dhutangehi dasahi kathavatthuhi anusasanti, te tesam ovade thatva siladihi gunehi vaddhamana @Footnote: ¹ cha.Ma. upaseno ² cha.Ma. therakarakehi ³ cha.Ma. pabbajitanam @⁴ cha.Ma. ayam patho na dissati ⁵ Ma. vippasanna

--------------------------------------------------------------------------------------------- page175.

Samannattham anupapunanti. Evamettha hanivuddhiyo datthabba. Punabbhavo silamassati ponobbhavika, ^1- punabbhavadayikati attho, tassa ponobbhavikaya. Na vasam gacchissantiti ettha ye catunnam paccayanam karana upatthakanam padanupadika hutva gamato gamam vicaranti, te tassa vasam gacchanti nama. Itare na gacchanti. Tattha hanivuddhiyo pakatayeva. Arannakesuti pancadhanusatikapacchimesu. Sapekkhati salaya. Gamantasenasanesu hi jhanam appetvapi tato vutthitamattova itthipurisadarakadarikadisaddam sunati, tenassa ^2- adhigatavisesopi parihayatiyeva. ^3- Arannasenasane niddayitvapi pabuddha- matto sihabyagghamoradinam saddam sunati, yena aranne pitim patilabhitva tameva sammasanto aggaphale patitthati. Iti bhagava gamantasenasane jhanam appetva nisinnabhikkhuto aranne niddayamanameva pasamsati. Tasma tameva atthavasam paticca "arannakesu senasanesu sapekkha bhavissanti"ti aha. Paccattanneva satim upatthapessantiti attanava attano abbhantare satim upatthapessanti. Pesalati piyasila. Idhapi sabrahmacarinam agamanam anicchanta nevasika assaddha honti appasanna, viharam sampattabhikkhunam paccuggamanapattacivara- patiggahanaasanapannapanatalavantaggahanadini na karonti. Atha tesam avanno uggacchati "asukaviharavasino bhikkhu assaddha appasanna viharam pavitthanam vattapativattampi na karonti"ti. Tam sutva pabbajita viharadvarena gacchantapi viharam na pavisanti. Evam anagatanam anagamanameva hoti. Agatanam pana phasuvihare asati yepi ajanitva agata, te "vasissamati tava cintetva agatamha, imesam pana nevasikanam iminava niharena ko vasissati"ti nikkhamitva gacchanti. @Footnote: ¹ Si. ponobhavika ² cha.Ma. yenassa ³ cha.Ma. hayatiyeva

--------------------------------------------------------------------------------------------- page176.

Evam so viharo annesam bhikkhunam anavasova hoti. Tato nevasika silavantanam dassanam alabhanta kankhavinodakam va acarasikkhapakam va madhuradhammassavanam va na labhanti. Tesam neva aggahitadhammaggahanam, na gahitasajjhayakaranam hoti. Iti nesam haniyeva hoti, na vuddhi. Ye pana sabrahmacarinam agamanam icchanti, te saddha honti pasanna, agatanam sabrahmacarinam paccuggamanadini katva senasanam pannapetva denti, te gahetva bhikkhacaram pavisanti, kankham vinodenti, madhuradhammassavanam labhanti. Atha nesam kittisaddo uggacchati "asukavihare bhikkhu evam saddha pasanna vattasampanna sangahaka"ti. Tam sutva bhikkhu duratopi agacchanti. Tesam nevasika vattam karonti, samipam gantva vuddhataram agantukam vanditva nisidanti, navakatarassa santike asanam gahetva nisiditva "imasmim vihare vasissatha, gamissatha"ti pucchanti. "gamissama"ti vutte "sappayam senasanam, sulabha bhikkha"tiadini vatva gantum na denti. Vinayadharo ce hoti, tassa santike vinayam sajjhayanti. Suttantadidharo ce hoti, tassa santike tam tam dhammam sajjhayanti. Te agantukattheranam ovade thatva saha patisambhidahi arahattam papunanti. Agantuka "ekam dve divasani vasissamati agatamha, imesam pana sukhasamvasatthaya ^1- dasa dvadasa vassani vasimha"ti vattaro honti. Evamettha hanivuddhiyo veditabba.

The Pali Atthakatha in Roman Book 16 page 172-176. http://84000.org/tipitaka/atthapali/read_rm.php?B=16&A=3850&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3850&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=21 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=309 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=306 The Pali Tipitaka in Roman Character :- http://84000.org/tipitaka/read/roman_read.php?B=22&A=306 Contents of The Tipitaka Volume 22 http://84000.org/tipitaka/read/?index_22