|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Udayisuttavannana [29] Navame udayinti loludayittheram. 1- Sunamaham 2- avusoti avuso naham badhiro, sunami bhagavato vacanam, panham pana upaparikkhamiti. Adhicittanti samadhivipassana- cittam. Idam bhante anussatitthananti idam jhanattayasankhatam anussatikaranam. Ditthadhammasukhaviharaya samvattatiti imasmimyeva attabhave sukhaviharatthaya pavattati. Alokasannanti alokanimitte uppannasannam. Diva sannam adhitthatiti divati sannam thapeti. Yatha diva tatha rattinti yathanena diva alokasanna manasikata, rattimpi tatheva tam manasikaroti. Yatha rattim tatha divati yatha vanena rattim alokasanna manasikata, divapi tam tatheva manasikaroti. Vivatenati pakatena. Apariyonaddhenati nivaranehi anonaddhena. Sampabhasam cittam bhavetiti dibba- cakkhunanatthaya sahobhasakam cittam bruheti vaddheti. Yam pana "alokasannam manasikaroti"ti vuttam, tam thinamiddhavinodanaalokasannam sandhaya vuttam, na dibbacakkhunanalokanti veditabbam. Nanadassanapatilabhayati dibbacakkhusankhatassa nanadassanassa patilabhaya. Imameva kayantiadisu yam vattabbam siya, tam sabbam sabbakarena vittharato visuddhimagge kayagatasatikammatthane vuttam. Kamaragassa pahanayati pancakama- gunikassa ragassa pahanatthaya. Seyyathapi passeyyati yatha passeyya. Sariranti matasariram. Sivathikaya chadditanti susane apaviddham. Ekaham matassa assati ekahamatam. Dviham matassa assati dvihamatam. Tiham matassa assati tihamatam. Bhasta viya vayuna uddham jivitapariyadana yathanukkamam samuggatena sunabhavena uddhumatatta 3- uddhumatam, uddhumatameva uddhumatakam. Patikulatta va kucchitam uddhamatanti uddhumatakam. Vinilam vuccati viparibhinnavannam, vinilameva vinilakam. Patikulatta va kucchitam vinilanti vinilakam. Mamsussadatthanesu rattavannassa @Footnote: 1 cha.Ma. laludayittheram 2 cha.Ma. sunomaham 3 cha.Ma. dhumatatta--------------------------------------------------------------------------------------------- page113.
Nilavannassa nilatthane nilasatakaparutasseva chavasarirassetam adhivacanam. Paribhinnatthanehi navahi va vanamukhehi vissandamanapubbam vipubbam, vipubbameva vipubbakam. Patikulatta va kucchitam vipubbanti vipubbakam. Vipubbakam jatam tathabhavam gatanti vipubbakajatam. So imameva kayanti so bhikkhu imam attano kayam tena kayena saddhim nanena upasamharati upaneti. Katham? ayampi kho kayo evamdhammo evambhavi evamanatitoti. Idam vuttam hoti:- ayu usma vinnananti imesam tinnam dhammanam atthitaya ayam kayo thanagamanadikkhamo hoti, imesam pana vigama ayampi evamdhammo evamputikasabhavoyevati. Evambhaviti evameva uddhumatadibhedo bhavissati. Evamanatitoti evam 1- uddhumatadibhavam anatikkanto. Khajjamananti udaradisu nisiditva udaramamsaotthamamsaakkhikamamsadini luncitva luncitva khadiyamanam. Samamsalohitanti sesavasesamamsalohitayuttam. Nimmamsalohita- makkhitanti mamse khinepi lohitam na sussati, tam sandhaya vuttam "nimmamsalohita- makkhitanti annenati annena disabhagena. Hatthatthikanti catusatthibhedampi hatthatthikam patiyekkam patiyekkam vippakinnam. Padatthikadisupi eseva nayo. Terovassikaniti atikkantasamvaccharani. Putiniti abbhokase thitani vatatapavutthisamphassena terovassikaneva putini honti, antobhumigatani pana cirataram titthanti. Cunnakajataniti cunnavicunnam hutva vikinnani. 2- Sabbattha so imamevati vuttanayena khajjamanadinam vasena yojana katabba. Asmimanasamugghatayati asmiti pavattassa navavidhassa manassa samugghatatthaya. Anekadhatupativedhayati anekadhatunam pativijjhanatthaya. Satova abhikkamatiti gacchanto satipannahi samannagatova gacchati. Satova patikkamatiti patinivattantopi satipannahi samannagato nivattati. Sesapadesupi @Footnote: 1 Si. etam anatitoti etam 2 cha.Ma. vippakinnani--------------------------------------------------------------------------------------------- page114.
Eseva nayo. Satisampajannayati satiya ca nanassa ca atthaya. Iti imasmim sutte satinanani missakani kathitaniti.The Pali Atthakatha in Roman Book 16 page 112-114. http://84000.org/tipitaka/atthapali/read_rm.php?B=16&A=2509&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=2509&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=300 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=7595 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=7581 The Pali Tipitaka in Roman Character :- http://84000.org/tipitaka/read/roman_read.php?B=22&A=7581 Contents of The Tipitaka Volume 22 http://84000.org/tipitaka/read/?index_22
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]