บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Asappurisadanasuttavannana [147] Sattame asakkaccam danam 4- detiti na sakkaritva sucim katva deti. Acittikatva detiti acittikarena agaravavasena deti. Apavittham 5- detiti na nirantaram deti, athava chaddetukamo viya deti. Anagamanaditthiko detiti katassa 6- nama phalam agamissatiti evam agamanaditthim na uppadetva deti. Sukkapakkhe cittikatva detiti deyyadhamme ca dakkhineyyesu ca cittikaram upatthapetva deti. Tattha deyyadhammam panitam ojavantam katva dento deyyadhamme cittikaram upatthapeti nama. Puggalam vicinitva dento dakkhineyyesu cittikaram upatthapeti nama. Sahattha detiti anattiya parahatthena adatva "anamatagge samsare vicarantena me hatthapadanam aladdhakalassa pamanam nama natthi, vattamokkham bhavanissaranam karissami"ti sahattheneva deti. Agamanaditthikoti "anagatabhavassa paccayo bhavissati"ti kammanca vipakanca saddahitva detiti. @Footnote: 1 Si. kincanati, cha.Ma. kincananti 2 cha.Ma. ayam patho na dissati @3 Si. anavatthacarikanti avavatthanacarikam, cha.Ma. anavatthacarikanti anavatthanacarikam @4 cha.Ma. ayam patho na dissati 5 cha.Ma. apaviddham 6 Si. kudassuThe Pali Atthakatha in Roman Book 16 page 57. http://84000.org/tipitaka/atthapali/read_rm.php?B=16&A=1281&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1281&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=147 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=4014 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=4031 The Pali Tipitaka in Roman Character :- http://84000.org/tipitaka/read/roman_read.php?B=22&A=4031 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]