AtthaPali Vol.15

page392.

18. 3. Sancetaniyavagga 1. Cetanasuttavannana [171] Tatiyassa pathame kayeti kayadvare, kayavinnattiya satiti attho. Kayasancetanahetutiadisu kayasancetana nama kayadvare cetanapakappana. ^1- Sa atthakamavacarakusalavasena atthavidha, akusalavasena dvadasavidhati visatividha. Tatha vacisancetana, tatha manosancetana. Apicettha nava mahaggatacetanapi labbhanti. Kayasancenahetuti kayasancetanapaccaya. Uppajjati ajjhattam sukhadukkhanti atthakusalakammapaccaya niyakajjhatte sukham uppajjati, dvadasaakusalakammapaccaya dukkham. Sesadvaresupi eseva nayo. Avijjapaccaya vati avijjakaraneneva. Sace hi avijja chadayamana paccayo hoti, evam sante tisu dvaresu sukhadukkhanam paccayabhuta cetana uppajjati. Iti mulabhutaya avijjaya vasenetam vuttam. Samam vatiadisu parehi ananatto sayameva abhisankharonto kayasankharam abhisankharoti nama. Yam pana pare samadapetva ^2- anapetva karenti, tassa tam kayasankharam pare abhisankharonti nama. Yo pana kusalam kusalanti akusalam akusalanti kusalavipakam kusalavipakoti akusalavipakam akusalavipakoti jananto kayadvare visatividham kayasankharam abhisankharoti, ayam sampajano abhisankharoti nama. Yo evam ajananto abhisankharoti, ayam asampajano abhisankharoti nama. Sesadvaresupi eseva nayo. Tattha asampajanakammam evam veditabbam:- daharadaraka pana "matapituhi katam karoma"ti cetiyamva vandanti, pupphapujam karonti, bhikkhusamgham vandanti, tesam kusalanti ajanantanampi tam kusalameva hoti. Tatha migapakkhiadayo tiracchana @Footnote: ¹ Ma.... samkappana ² Ma. samanetva

--------------------------------------------------------------------------------------------- page393.

Dhammam sunanti, samgham vandanti, cetiyam vandanti, tesam janantanampi ajanantanampa tam kusalameva hoti. Daharadaraka ^1- pana matapitaro hatthapadehi paharanti, bhikkhunam talasattikam uggiranti, leddum ^2- khipanti, akkosanti. Gaviyo bhikkhusamgham anubandhanti, sunakha anubandhanti, damsanti, sihabyagghadayo anubandhanti, jivita voropenti. Tesam janantanampi ajanantanampi akusalakammam hotiti veditabbam. Idani tisupi dvaresu ayuhanacetana samodhanetabba. Seyyathidam? Kayadvare sayamkatamulika visati cetana, anattimulika visati, sampajanamulika visati, asampajanamulika visatiti asiti cetana honti, tatha vacidvare. Manodvare pana ekekasmim vikappe ekunatimsa katva satanca solasanca honti. Iti sabbapi tisu dvaresu dve satani chasattati ca cetana. Ta sabbapi sankharakkhandhotveva sankhyam gacchanti, tamsampayutto vedayitakaro vedanakkhandho, sanjananakaro sannakkhandho, cittam vinnanakkhandho, kayo upadarupam, tappaccaya catasso dhatuyo cattari bhutaniti ime pancakkhandha dukkhasaccam nama. Imesu bhikkhave dhammesu avijja anupattitati imesu vuttappabhedesu cetanadhammesu avijja sahajatavasena ca upanissayavasena ca anupatita. ^3- Evam vattanceva vattamulaka ca avijja dassita hoti. Ettavata vipassanam vaddhetva arahattam pattassa khinasavassa idani thutim karonto avijjayatveva asesaviraganirodhatiadimaha. Tattha asesaviraganirodhati asesaviragena ceva asesanirodhena ca. So kayo na hotiti khinasavassa kayena karanakammam pannayati, cetiyanganasammajjanam bodhiyanganasammajjanam abhikkamanapatikkamanam vattanuvattakarananti evamadi. Kayadvare panassa visati cetana avipakadhammatam apajjanti. Tena vuttam "so kayo na hoti, yampaccayassa tam uppajjati @Footnote: ¹ Ma. tathadaraka ² cha.Ma. dandam ³ Ma. anupakati

--------------------------------------------------------------------------------------------- page394.

Ajjhattam sukhadukkhan"ti. Kayadvarappavatta hi cetana idha kayoti adhippeta. Sesadvayepi eseva nayo. Khettantiadinipi kusalakusalakammasseva namani. Tanhi vipakassa viruhanatthanatthena khettam, patitthanatthena vatthu kanatthena ayatanam, adhikaranatthena adhikarananti vuccati. Iti sattha ettakena thanena tihi dvarehi ayuhitam kammam dassetva idani tassa kammassa vipaccanatthanam dassetum cattarome bhikkhavetiadimaha. Tattha attabhavapatilabhati patiladdhaattabhava. Attasancetana kamatiti attana pakappitacetana vahati pavattati. Attasancetanahetu tesam sattanam tamha kaya cuti hotitiadisu khiddapadosika deva attasancetanahetu cavanti. Tesanhi nandanavanacittalatavana- parusakavanadisu dibbaratisamappitanam kilantanam panabhojane sati sammussati, te aharupacchedena atape khittamala viya milayanti. Manopadosika deva parasancetanahetu cavanti, ete catummaharajika deva. Tesu kira eko devaputto "nakkhattam kilissami"ti saparivaro rathena vithim patipajjati. Athanno nikkhamanto tam purato gacchantam disva "kim bho ayam kapano aditthapubbam viya ekam disva pitiya uddhumato viya gajjamano viya ca gacchati"ti kujjhati. Purato gacchantopi nivattitva tam kuddham disva kuddha nama suvijana hontiti kuddhabhavamassa natva "tvam kuddho mayham kim karissasi, ayam sampatti maya danasiladinam vasena laddha, na tuyham vasena"ti patikujjhati. Ekasminhi kuddhe itaro akkuddho rakkhati, ubhosu pana kuddhesu ekassa kodho itarassa paccayo hoti, tassapi kodho itarassa paccayo hotiti ubho kandantanamyeva orodhanam cavanti. Manussa attasancetana ca parasancetana ca hetu cavanti, attasancetanaya ca parasancetanaya ca hetubhutaya cavantiti attho. Manussa hi kujjhitva attanava attanam hatthehipi

--------------------------------------------------------------------------------------------- page395.

Padehipi ^1- paharanti, rajjubandhanadihipi bandhanti, asinapi sisam chindanti, visampi khadanti, papatepi patanti, udakampi pavisanti, aggim pavisanti, parepi dandena va satthena va paharitva marenti. Evam tesu attasancetanapi parasancetanapi kamati. Katame tena deva datthabbati katame nama te deva datthabbati attho. Tena va attabhavena katame deva datthabbatipi attho. Kasma pana thero imam panham pucchati, kim attana kathetum nappahotiti? pahoti, idha ^2- pana attano sabhavena buddhavisayam panhanti thero na kathesi. ^3- Tena datthabbati tena attabhavena datthabba. Ayam pana panho hettha kamavacarepi rupavacarepi labbhati, bhavaggena pana paricchinditva kathito nippadesena kathito hotiti bhagavata evam kathito. Agantaro itthattanti itthabhavam kamavacarapancakkhandhabhavameva agantaro, neva tatrupapattika na uparupapattika honti. Anagantaro itthattanti imam khandhapancakam anagantaro, hetthupapattika na honti, tatrupapattika va uparupapattika va tattheva va parinibbayino hontiti attho. Ettha ca hetthimabhave nibbattanam vasenapi uparupapattika veditabba. Bhavagge panetam natthi. Sesam sabbattha uttanamevati. 2. Vibhattisuttavannana [172] Dutiye atthapatisambhidati pancasu atthesu pabhedagatananam. Odhisoti karanaso. Byanjanasoti akkharaso. Anekapariyayenati anekehi karanehi. Acikkhamiti kathemi. Desemiti pakatam katva kathemi. Pannapemiti janapemi. Patthapemiti. @Footnote: ¹ cha.Ma. dandehipi ² cha.Ma. idam ³ Ma. panham kathesi

--------------------------------------------------------------------------------------------- page396.

Patthapetva pavattetva kathemi. Vivaramiti vivatam katva kathemi. Vibhajamiti vibhajitva kathemi. Uttanikaromiti gambhiram ^1- uttanam katva kathemi. So mam panhenati so mam panhena upagacchatu. Aham veyyakaranenati ahamassa panhakathanena cittam aradhessami. Yo no dhammanam sukusaloti yo amhakam adhigatadhammanam sukusalo sattha, so esa sammukhibhuto. Yadi maya atthapatisambhida na sacchikata, "sacchikarohi tava sariputta"ti vatva mam patibahissatiti satthu purato nisinnakova sihanadam nadati. Imina upayena sabbattha attho veditabbo. Imasu ca pana patisambhidasu tisso patisambhida lokiya, atthapatisambhida lokiyalokuttarati. 3. Mahakotthitasuttavannana [173] Tatiye phassayatanananti phassakaranam, phassassa uppattitthanananti attho. Atthannam kinciti etesu asesato niruddhesu tato param koci appamattakopi kileso atthiti pucchati. Natthannam kinciti idhapi ^2- "appamattakopi kileso natthi"ti pucchati. Sesadvayepi eseva nayo. Ime pana cattaropi panhe sassatuccheda- ekaccasassataamaravikkhepavasena pucchati. Tenassa thero pucchitapucchitam patibahanto ma hevanti aha. Ettha hi iti nipatamattam, evam ma bhaniti attho. Attupaladdhivaseneva ^3- "atthannam kinci anno koci atta nama atthi"ti sassatadiakarena pucchati. Kim panesa attupaladdhikoti? na attupaladdhiko. Evamladdhiko pana tattheko bhikkhu nisinno, so pucchitum na sakkoti. Tassa laddhim vissajjapanattham evam pucchati. Yepi ca anagate evamladdhika bhavissanti, "tesam buddhakalepeso panho mahasavakehi vissajjito"ti vacanokasupacchedanattham pucchatiyeva. Appapancam papancetiti na papancetabbatthane papancam karoti, anacaritabbam maggam carati. Tavata papancassa gatiti yattaka channam phassayatananam gati, tattaka @Footnote: ¹ Si. agambhiram ² Ma. idani ³ Si. attupaladdhivasena va

--------------------------------------------------------------------------------------------- page397.

Tanhaditthimanappabhedassa papancassa gati. Channam avuso phassayatananam asesaviraga- nirodha papancanirodho papancavupasamoti etesu chasu ayatanesu sabbaso niruddhesu papancapi niruddhava honti, vupasantava hontiti attho. Aruppe pana puthujjana- devatanam kincapi panca phassayatanani niruddhani, chatthassa pana aniruddhatta tayopi papanca appahina nama. Apica pancavokarabhavavasenevesa ^1- panho kathitoti. Catutthe iminava nayena attho veditabbo. 5. Upavanasuttavannana [175-176] Pancame vijjayantakaro hotiti vijjaya vattadukkhassa antakaro hoti, sakalam vattadukkham paricchinnam parivatumam katva titthatiti. Sesapadesupi eseva nayo. Saupadanoti sagahanova hutva. Antakaro abhavissati vattadukkhassa antam katva thito abhavissa. Caranasampannoti pannarasadhammappabhedena caranena samannagato. Yathabhutam janam passam antakaro hotiti yathasabhavam va maggapannaya janitva passitva vattadukkhassa antam katva thito nama hotiti arahattanikutena panham nitthapesi. Chattham hettha ekakanipatavannanayam vuttanayeneva veditabbam. 7. Rahulasuttavannana [177] Sattame ajjhattikati kesadisu visatiya kotthasesu thaddhakara- lakkhana pathavidhatu. Bahirati bahiddha anindriyabaddhesu pasanapabbatadisu thaddhakara- lakkhana pathavidhatuyo veditabba. Imina nayena sesapi dhatuyo veditabba. Netam mama neso hamasmi, na me so attati idam tayam tanhamanaditthiggahapatikkhepa- vasena vuttam. Sammappannaya datthabbanti hetuna karanena maggapannaya passitabbam. Disvati saha vipassanaya maggapannaya passitva. Acchejji tanhanti @Footnote: ¹ cha.Ma.... vaseneva

--------------------------------------------------------------------------------------------- page398.

Maggavajjhatanham samulikam chindi. Vivattayi ^1- samyojananti dasavidhampi samyojanam vivattayi ubbattetva pajahi. Sammamanabhisayati hetuna karanena navavidhassa manassa pahanabhisamaya. Antamakasi dukkhassati vattadukkham paricchinnam parivatumam akasi, katva thitoti attho. Iti satthara samyuttamahanikaye rahulovade ^2- vipassana kathita, cularahulovadepi ^3- vipassana kathita, ambalatthikarame rahulovade ^4- daharassa sato musavada veramani kathita, maharahulovade ^5- vipassanava kathita. Imasmim anguttaramahanikaye ayam catukotikasunnata nama kathitati. 8. Jambalisuttavannana [178] Atthame santam cetovimuttinti atthannam samapattinam annataram samapattim. Sakkayanirodhanti tebhumikavattasankhatassa sakkayassa nirodham, nibbananti attho. Na pakkhandatiti arammanavasena na pakkhandati. Sesapadesupi eseva nayo. Na patikankhoti na patikankhitabbo. Lepagatenati lepamakkhitena. Imasminca panatthe ^6- nadiparam gantukamapurisopammam aharitabbam:- eko kira puriso candasotaya valamacchakulaya nadiya param gantukamo "orimatiram sasankam sappatibhayam, parimatiram khemam appatibhayam, kim nu kho katva param gamissami"ti patipatiya thite attha kakudharukkhe disva "sakka imaya rukkhapatipatiya gantun"ti manam katva "kakudharukkha nama matthasakha honti, sakhaya hattha na santhaheyyun"ti nigrodhapilakkharukkhadinam annatarassa lakhaya ^7- hatthapade makkhitva dakkhinahatthena ekam sakham ganhi. Hattho tattheva laggi. Puna vamahatthena dakkhinapadena vamapadenati cattaropi hatthapada tattheva laggimsu. So adhosiro lambamano uparinadiyam deve vutthe punnaya nadiya sote nimuggo kumbhiladinam bhakkho ahosi. @Footnote: ¹ Si. avattayi, cha. vivattayi ² sam.kha. 17/91/108 rahulasutta @³ Ma. u. 14/416/356 cularahulovadasutta ⁴ Ma.Ma. 13/107/84 cularahulovadasutta @⁵ Ma.Ma. 13/113/91 maharahulovadasutta ⁶ cha.Ma. panettha ⁷ Ma. lepassa

--------------------------------------------------------------------------------------------- page399.

Tattha nadisotam viya samsarasotam datthabbam, sotassa param gantukamapuriso viya yogavacaro, orimatiram viya sakkayo, parimatiram viya nibbanam, patipatiya thita attha kakudharukkha viya attha samapattiyo, lepagatena hatthena sakhagahanam viya jhanavipassananam paripanthike asodhetva samapattisamapajjanam, catuhi hatthapadehi sakhaya baddhassa olambanam viya pathamajjhane nikantiya laggakalo, uparisote vutthi viya chasu dvaresu kilesanam uppannakalo, nadiya punnaya sote nimuggassa kumbhiladinam bhakkhabhutakalo viya samsarasote nimuggassa catusu apayesu dukkhanubhavanakalo veditabbo. Suddhena hatthenati sudhotena parisuddhahatthena. Imasmimpi atthe tadisameva opammam kattabbam:- tattheva hi param gantukamo puriso "kakudharukkha nama matthasakha, kilitthahatthena ganhantassa hattho parigaleyya"ti hatthapade sudhote katva ekam sakham ganhitva pathamarukkham arulho. Tato otaritva dutiyam .pe. Tato otaritva atthamam, atthamarukkhato ^1- otaritva parimatire khemantabhumim gato. Tattha "imehi rukkhehi parimatiram gamissami"ti tassa purisassa cintitakalo viya yogino "attha samapattiyo samapajjitva samapattito vutthaya arahattam ganhissami"ti ^2- cintitakalo, suddhena hatthena sakhagahanam viya jhanavipassananam paripanthikadhamme sodhetva samapattisamapajjanam, tattha pathamarukkharohanakalo viya pathamajjhanasamapattikalo, pathamarukkhato oruyha dutiyam arulhakalo viya pathamajjhane nikantiya abaddhassa tato vutthaya dutiyajjhanam samapannakalo .pe. Sattamarukkhato oruyha atthamam arulhakalo viya akincannayatanasamapattiyam nikantiya abaddhassa tato vutthaya nevasannanasannayatanasamapannakalo. Atthamarukkhato oruyha parimam tiram khemantabhumim gatakalo viya nevasannanasannayatane nikantiya ^3- abaddhassa samapattito vutthaya sankhare sammasitva arahattam pattakalo veditabbo. @Footnote: ¹ Ma. tato ² cha.Ma. gamissamiti ³ Si. niyantiya

--------------------------------------------------------------------------------------------- page400.

Avijjappabhedam manasikarotiti atthasu thanesu annanabhutaya ghanabahalamahaavijjaya pabhedasankhatam arahattam manasikaroti. Na pakkhandatiti arammanavaseneva na pakkhandati. Jambaliti gamato nikkhantassa mahaudakassa patitthanabhuto mahaavato. Anekavassaganikati gamassa va nagarassa va uppannakaleyeva uppannatta anekani vassaganani ^1- uppannaya etissati anekavassaganika. Ayamukhaniti catasso pavisanakandaRa. Apayamukhaniti apayavahanakacchiddani. ^2- Na alippabhedo patikankhoti na palippabhedo patikankhitabbo. Na hi tato udakam utthaya palim bhinditva kacavaram gahetva mahasamuddam sampapunati. Imassa panatthassa avibhavanattham uyyanagavesakaopammam aharitabbam. Eko kira nagaravasi ^3- kulaputto uyyanam gavesanto nagarato natidure naccasanne mahantam jambalim addasa, so "imasmim thane ramaniyam uyyanam bhavissati"ti sallakkhetva kuddalam adaya cattaripi kandarani pidhaya apavahanakacchiddani vivaritva atthasi. Devo na sammavassi, avasesaudakam apavahanakacchiddena parissavitva gatam. Cammakhandapilotikadini tattheva putikani jatani, panaka santhita, samanta anupagamaniya jata. Upagatanampi nasapute pidhaya pakkamitabbam hoti. So katipahena agantva patikkamma thito oloketva "na sakka upagantun"ti pakkami. Tattha nagaravasi kulaputto viya yogavacaro datthabbo, uyyanam gavesantena gamadvare jambaliya ditthakalo viya catummahabhutikakayo, ayamukhanam pihitakalo viya dhammassavanodakassa aladdhakalo, apayamukhanam vivatkalo viya chadvarikasamvarassa vissatthakalo, devassa samma avutthakalo viya sappayakammatthanassa aladdhakalo, avasesaudakassa apayamukhehi parissavitva gatakalo viya abbhantare gunanam parihinakalo, udakassa utthaya palim bhinditva kacavaram adaya mahasamuddam papunitum @Footnote: ¹ Ma. vassagananani ² apavahanacchiddani. evamuparipi ³ cha.Ma. nagaravasiko

--------------------------------------------------------------------------------------------- page401.

Asamatthakalo viya arahattamaggena avijjapalim bhinditva kilesarasim vidhamitva nibbanam sacchikatum asamatthakalo, cammakhandapilotikadinam tattheva putibhavo viya abbhantare ragadikilesehi paripuritakalo, tassa agantva disva vippatisarino gatakalo viya vattasamangipuggalassa vatte abhiratikalo veditabbo. Alippabhedo patikankhoti palibhedo patikankhitabbo. Tato hi udakam utthaya palim bhinditva kacavaram adaya mahasamuddam papunitum sakkhissatiti attho. Idhapi tadeva opammam aharitabbam. ^1- Tattha ayamukhanam vivatakalo viya sappayadhammassavanassa laddhakalo, apayamukhanam pihitakalo viya chasu dvaresu samvarassa paccupatthitakalo, ^2- devassa samma vutthakalo viya sappayakammatthanassa laddhakalo, udakavahakassa ^3- utthaya palim bhinditva kacavaram adaya mahasamuddam pattakalo viya arahattamaggena avijjam bhinditva akusalarasim vidhamitva arahattam sacchikatakalo, ayamukhehi pavitthena udakena sarassa paripunnakalo viya abbhantare lokuttaradhammehi paripunnakalo, samantato vatim katva rukkhe ropetva uyyanamajjhe pasadam mapetva natakani paccupatthapetva subhojanam bhunjantassa nisinnakalo viya dhammapasadam aruyha nibbanarammanam phalasamapattim appetva nisinnakalo veditabbo. Sesamettha uttanatthameva. Desana pana lokiyalokuttaramissika kathita. 9. Nibbanasuttavannana [179] Navame hanabhagiya sannatiadisu "pathamassa jhanassa labhim kamasahagata sannamanasikara samudacaranti, hanabhagini panna"ti ^4- evam abhidhamme vuttanayeneva attho veditabbo. Yathabhutam nappajanantiti yathasabhavato maggananena na jananti. @Footnote: ¹ Ma. aharitva kata ² Ma. patisanthitakalo @³ cha.Ma. udakassa ⁴ abhi. vi. 35/799/402 catukkaniddesa

--------------------------------------------------------------------------------------------- page402.

10. Mahapadesasuttavannana [180] Dasame bhoganagare viharatiti parinibbanasamaye carikam caranto tam nagaram patva tattha viharati. Anandacetiyeti anandayakkhassa bhavanatthane patitthitavihare. Mahapadeseti mahaokase mahaapadese va, buddhadayo mahante mahante apadisitva vuttani mahakarananiti attho. Neva abhinanditabbanti hatthatutthehi sadhukaram datva pubbeva na sotabbam. ^1- Evam kate hi paccha "idam na sameti"ti vuccamanopi "kim pubbeva ayam dhammo, idani na dhammo"ti vatva laddhim na vissajjesi. Nappatikkositabbanti "kim esa balo vadati"ti evam pubbeva na vattabbam. Evam vutte hi vattum yuttayuttampi na vakkhati. Tenaha anabhinanditva appatikkositvati. Padabyanjananiti padasankhatani byanjanani. Sadhukam uggahetvati "imasmim thane pali vutta, imasmim thane attho vutto, imasmim thane anusandhi kathita, imasmim thane pubbaparam kathitan"ti sutthu gahetva. Sutte otaretabbaniti sutte otaritabbani. Vinaye sandassetabbaniti vinaye samsandetabbani. Ettha ca suttanti vinayo vutto. Yathaha "kattha patikkhittam, savatthiyam patikkhittam, suttavibhange"ti. ^2- Vinayoti khandhako. Yathaha "kosambiya ^3- vinayatisare"ti. Evam vinayapi takampi na pariyadiyati. Ubhatovibhangam pana suttam khandhakaparivara vinayoti evam vinayapitakam pariyadiyati. Athava suttantapitakam suttam, vinayapitakam vinayoti evam dveyeva pitakani pariyadiyanti. Suttantabhidhammapitakani va suttam, vinayapitakam vinayoti evampi tini pitakani na tava pariyadiyanti. Asuttanamakanhi buddhavacanam nama atthi. Seyyathidam? jatakam patisambhida niddeso Suttanipato dhammapadam udanam itivuttakam vimanavatthu petavatthu theragatha therigatha apadananti. Sudinnatthero pana "asuttanamakam buddhavacanam natthi"ti tam sabbam patikkhipitva "tini pitakani suttam, vinayo pana karanan"ti aha. Tato tam karanam dassento idam suttamahari:- @Footnote: ¹ Ma. na gahetabbam ² vi.cu. 7/457/301 sattasatikakkhandhaka ³ cha. ayam patho na dissati

--------------------------------------------------------------------------------------------- page403.

"ye kho tvam gotami dhamme janeyyasi, ime dhamma saragaya samvattanti no viragaya, samyogaya samvattanti no visamyogaya, saupadanaya samvattanti no anupadanaya, mahicchataya samvattanti no appicchataya, asantutthiya samvattanti no santutthiya, kosajjaya samvattanti no viriyarambhaya, sanganikaya samvattanti no pavivekaya, acayaya samvattanti no apacayaya. Ekamsena gotami jayyeasi `neso dhammo neso vinayo netam satthusasanan'ti. ^1- Ye ca kho tvam gotami dhamme janeyyasi, ime dhamma viragaya samvattanti no saragaya, visamyogaya samvattanti no samyogaya. Anupadanaya samvattanti no saupadanaya, appicchataya samvattanti no mahicchataya, santutthiya samvattanti no asantutthiya, viriyarambhaya samvattanti no kosajjaya, pavivekaya samvattanti no sanganikaya, apacayaya samvattanti no acayaya. Ekamsena gotami janeyyasi `eso dhammo eso vinayo etam satthusasanan"ti. ^1- Tasma sutteti tepitake buddhavacane otaretabbani. Vinayeti ekasmim ragadivinayakarane samsandetabbaniti ayamettha attho. Na ceva sutte otarantiti sutte patipatiya katthaci anagantva jallim ^2- utthapetva gulhavessantaragulha- ummaggagulhavinayavedallapitakanam annatarato agatani pannayantiti attho. Evam agatani hi ragadivinaye ca apannayamanani chaddetabbani hontiti. Tena vuttam "iti hidam bhikkhave chaddeyyatha"ti. Etenpayena sabbattha attho veditabbo. Idam bhikkhave catuttham mahapadesam dhareyyathati idam bhikkhave catuttham dhammassa patitthanokasam dhareyyathati. Sancetaniyavaggo tatiyo. @Footnote: ¹ vi.cu. 7/406/239 bhikkhunikkhandhaka ² cha.Ma. challim

The Pali Atthakatha in Roman Book 15 page 392-403. http://84000.org/tipitaka/atthapali/read_rm.php?B=15&A=9001&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=9001&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=529 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6232 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6388 The Pali Tipitaka in Roman Character :- http://84000.org/tipitaka/read/roman_read.php?B=20&A=6388 Contents of The Tipitaka Volume 20 http://84000.org/tipitaka/read/?index_20