Atthakatha Book 15 : PALI ROMAN
Aṅ.A. (manoratha.2)

                        9. Vipallāsasuttavaṇṇanā
     [49] Navame saññāvipallāsāti saññāya vipallatthabhāvā, catasso viparītasaññāyoti
attho. Sesapadadvayepi eseva nayo. Anicce bhikkhave  niccanti saññāvipallāsoti
aniccavatthusmiṃ "niccaṃ idan"ti evaṃ gahetvā uppajjanakasaññā,
saññāvipallāsoti attho. Iminā nayena sabbapadesu attho veditabbo.
     Anattani ca attāti anattani "attā"ti evaṃ saññinoti attho.
Micchādiṭṭhihatāti na kevalaṃ saññinova, saññāya viya uppajjamānāya micchādiṭṭhiyāpi
@Footnote: 1 cha.Ma. pañcālaputtoti pañcālabrāhmaṇiyā
@2 Sī. anapatītapadabyañjanāya, cha.Ma. apatitapadabyañajanāya
---------------------------------------------------------------------------------------------
page347.
Vihatā. 1- Khittacittāti saññādiṭṭhiyo viya uppajjamānena khittena 2- cittena
samannāgatā. Visaññinoti desanāmattametaṃ, viparītasaññācittadiṭṭhinoti attho. Te
yogayuttā mārassāti te mārassa yoge yuttā nāma honti. Ayogakkheminoti
catūhi yogehi khemaṃ nibbānaṃ appattā. Sattāti puggalā. Buddhāti catusaccabuddhā.
Imaṃ dhammanti catusaccadhammaṃ. Sacittaṃ paccaladdhāti sakacittaṃ paṭilabhitvā. Aniccato
dakkhunti  aniccabhāveneva addasaṃsu. Asubhataddasunti asubhaṃ asubhatoyeva addasaṃsu.
Sammādiṭṭhisamādānāti gahitasammādassanā. Sabbaṃ dukkhaṃ upaccagunti sakalaṃ
vaṭṭadukkhaṃ samatikkantā.


             The Pali Atthakatha in Roman Book 15 page 346-347.
http://84000.org/tipitaka/atthapali/read_rm.php?B=15&A=8020&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=8020&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=444
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=2700
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=2653
             The Pali Tipitaka in Roman Character :-
http://84000.org/tipitaka/read/roman_read.php?B=20&A=2653
             Contents of The Tipitaka Volume 20
http://84000.org/tipitaka/read/?index_20