AtthaPali Vol.15

10. Pubbaṇhasuttavaṇṇanā [156] Dasame sunakkhattantiādīsu yasmiṃ divase tayo sucaritadhammā pūritā honti, so divaso laddhanakkhattayogo nāma, tenassa sadā sunakkhattaṃ nāma hotīti vuccati. Sveva divaso katamaṅgalo nāma hoti, tenassa sadā sumaṅgalanti vuccati. Pabhātampissa sadā suppabhātameva. Sayanato uṭṭhānaṃpi suhuṭṭhitameva, ^5- khaṇopi sukkhaṇova, muhuttopi sumuhuttova. Ettha ca dasaccharappamāṇo kālo khaṇo nāma, tena khaṇena dasakkhaṇo kālo layo nāma, tena layena ca dasalayo kālo @Footnote: ¹ cha.Ma. sammādiṭṭhiyā ² cha.Ma. apakkhalanena @³ cha.Ma. gūthasadisena aparisuddhena amejjhena @⁴ cha.Ma. uttānāneva ⁵ Sī. suvuṭṭhitameva

--------------------------------------------------------------------------------------------- page275.

Khaṇalayo nāma, tena dasaguṇo muhutto nāma, tena muhuttena ^1- dasaguṇo khaṇamuhutto nāmāti ayaṃ vibhāgo veditabbo. Suyiṭṭhaṃ brahmacārisūti yasmiṃ divase tīṇi sucaritāni pūritāni, tadāssa seṭṭhacārīsu dinnadānaṃ suyiṭṭhaṃ nāma hoti. Padakkhiṇaṃ kāyakammanti taṃ divasaṃ tena kataṃ kāyakammaṃ vaḍḍhikāyakammaṃ nāma hoti. Sesapadesupi eseva nayo. Padakkhiṇāni katvānāti vaḍḍhiyuttāni kāyakammādīni katvā. Labhantatthe padakkhiṇeti padakkhiṇe vaḍḍhiattheyeva labhanti. Sesamettha uttānamevāti. ^2- Maṅgalavaggo pañcamo. Tatiyapaṇṇāsako niṭṭhito. ----------- @Footnote: ¹ cha.Ma. ayaṃ pāṭho na dissati ² cha.Ma. sesaṃ uttānamevāti

The Pali Atthakatha in Roman Book 15 page 274-275. http://84000.org/tipitaka/atthapali/read_rm.php?B=15&A=6368&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6368&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=595 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=7802 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=8017 The Pali Tipitaka in Roman Character :- http://84000.org/tipitaka/read/roman_read.php?B=20&A=8017 Contents of The Tipitaka Volume 20 http://84000.org/tipitaka/read/?index_20