AtthaPali Vol.15

3. Gotamakacetiyasuttavannana [126] Tatiye gotamake cetiyeti gotamakayakkhassa bhavane. Tathagato hi pathamabodhiyam visati vassani kadaci capale cetiye, kadaci sarandade ^1- kadaci bahuputte, kadaci sattambeti ^2- evam yebhuyyena devalayesuyeva ^3- vihasi. Imasmim pana kale vesalim upanissaya gotamakassa yakkhassa bhavanatthane ^4- vihasi. Tena vuttam "gotamake cetiye"ti. Etadavocati etam "abhinnayahan"tiadikam suttantam avoca. Idanca pana bhagavata suttam atthuppattiyam vuttanti veditabbam. Kataram ^5- atthuppattiyanti? mulapariyayaatthuppattiyam. ^6- Sambahula kira brahmanapabbajita attana uggahitabuddhavacanam nissaya jananamadam uppadetva dhammassavanaggam na gacchanti "sammasambuddho kathento amhehi natameva kathessati, no annatan"ti. Bhikkhu tathagatassa arocesum. Sattha te bhikkhu pakkosapetva mukhapatinnam gahetva mulapariyayam desesi. Te bhikkhu desanaya neva agatatthanam na gatatthanam addasamsu. Apassanta "sammasambuddho `mayham katha niyyati'ti mukhasampattameva katheti"ti cintayimsu. Sattha tesam manam janitva imam suttantam arabhi. Tattha abhinnayati "ime pancakkhandha dvadasayatanani attharasa dhatuyo bavisatindriyani cattari saccani nava hetu satta phassa satta vedana satta @Footnote: ¹ Ma. anande ² cha.Ma. kadaci gotamaketi @³ cha.Ma.,i. devakulesuyeva ⁴ Si.,i. vasanatthane @⁵ cha.Ma.,i. katraatthuppattiyanti ⁶ Ma.mu. 12/1/1 mulapariyayasutta Cetana satta sanna satta cittani"ti janitva pativijjhitva paccakkham katva, tatha "ime cattaro satipatthana"tiadina nayena te te dhamme janitva pativijjhitva paccakkhameva katvati attho. Sanidananti sapaccayameva katva kathemi, no apaccayam. Sappatihariyanti paccanikapatiharanena sappatihariyameva katva kathemi, no appatihariyam. Alanca pana voti yuttanca pana tumhakam. Tutthiyati "sammasambuddho bhagava, svakkhato dhammo, supatipanno samgho"ti tini ratanani gunato anussarantanam tumhakam yuttameva tutthim katunti attho. Sesapadadvayepi eseva nayo. Akampitthati chahi akarehi akampittha. Evarupo hi pathavikampo bodhimandepi ahosi. Bodhisatte kira dakkhinadisabhagena bodhimandam abhirulhe dakkhinabhago ^1- hettha avicim papunanto viya ahosi, uttarabhago uggantva bhavaggam abhihananto viya. Pacchimadisam gate pacchimabhago hettha ^2- avicim papunanto viya ahosi, pacinabhago uggantva bhavaggam abhihananto viya ahosi. Uttaradisam gate uttarabhago ^3- hettha avicim papunanto viya, dakkhinadisabhago uggantva bhavaggam abhihananto viya. Pacinadisam gate pacinadisabhago hettha avicim papunanto viya, pacchimabhago uggantva bhavaggam abhihananto viya. Bodhirukkhopi sakim hettha avicim papunanto viya, sakim uggantva bhavaggam abhihananto viya. Tasmimpi divase evam chahi akarehi cakkavalasahasse ^4- mahapathavi akampittha.

The Pali Atthakatha in Roman Book 15 page 265-266. http://84000.org/tipitaka/atthapali/read_rm.php?B=15&A=6145&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6145&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=565 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=7269 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=7530 The Pali Tipitaka in Roman Character :- http://84000.org/tipitaka/read/roman_read.php?B=20&A=7530 Contents of The Tipitaka Volume 20 http://84000.org/tipitaka/read/?index_20