|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
11. Paṃkadhāsuttavaṇṇanā
[92] Ekādasame paṃkadhā 9- nāma kosalānaṃ nigamoti paṃkadhāti evaṃnāmako
kosalaraṭṭhe nigamo. Āvāsikoti bhārahāro nave āvāse samuṭṭhāpeti, purāṇe
paṭijaggati. Sikkhāpadapaṭisaṃyuttāyāti sikkhāsaṅkhātehi padehi paṭisaṃyuttāya, tīhi
sikkhāhi samannāgatāyāti attho. Sandassetīti sammukhe viya katvā 10- dasseti.
@Footnote: 1 cha.Ma.,i. pharati 2 cha.Ma.,i. tisso 3 cha.Ma.ārammaṇavasena
@4 ka. sekkhamānaṃ 5 Sī.,i. saṃsuddhacāraṇanti, cha.Ma. saṃsuddhacāriyanti
@6 ka. thiraṃ, i. vīraṃ 7 ka. khandhathiraāyatanathiravasena thiraṃ, i. khandhavīraṃ dhātuvīraṃ
@āyatanavīravasena vīraṃ 8 cha.Ma., i. paṭipattiyā 9 cha.Ma. saṅkavā. evamuparipi
@10 Ma. sammukhe katvāpi
---------------------------------------------------------------------------------------------
page246.
Samādapetīti gaṇhāpeti. Samuttejetīti samussāheti. Sampahaṃsetīti paṭiladdhaguṇehi
vaṇṇaṃ kathento vodāpeti. Adhisallekhiteti ativiya sallekhati, 1- ativiya sallikhitaṃ
katvā saṇhaṃ saṇhaṃ kathetīti attho.
Accayoti aparādho. Maṃ accagamāti maṃ atikkamma abhibhavitvā pavatto.
Ahudeva akkhantīti ahosiyeva anadhivāsanā. Ahu appaccayoti ahosi atuṭṭhākāro.
Paṭiggaṇhātūti khamatu. Āyatiṃ saṃvarāyāti anāgate saṃvaratthāya, 2- puna evarūpassa
aparādhassa dosassa khalitassa vā akaraṇatthāyāti attho. Tagghāti ekaṃsena. Yathādhammaṃ
paṭikarosīti yathā dhammo 3- ṭhito, tathā karosi, khamāpesīti vuttaṃ hoti. Taṃ te
mayaṃ paṭiggaṇhāmāti taṃ tava aparādhaṃ mayaṃ khamāma. Vuḍḍhi hesā kassapa ariyassa
vinayeti esā kassapa buddhassa bhagavato sāsane vuḍḍhi nāma. Katamā? yāyaṃ
accayaṃ accayato disvā yathādhammaṃ paṭikaritvā āyatiṃ saṃvarāpajjanā. 4- Desanaṃ pana
puggalādhiṭṭhānaṃ karonto "yo accayaṃ accayato disvā yathādhammaṃ paṭikaroti, āyatiṃ
saṃvaraṃ āpajjatī"ti āha. Na sikkhākāmoti tisso sikkhā na kāmeti na paṭṭheti
na piheti. Sikkhāsamādānassāti sikkhāparipūraṇassa. Na vaṇṇavādīti guṇaṃ na katheti.
Kālenāti yuttappayuttakālena. Sesamettha uttānatthamevāti.
Samaṇavaggo catuttho.
--------------
@Footnote: 1 cha.Ma.,i. adhisallikhateti ativiya sallikhati 2 i. saṃvaraṇatthāya
@3 Sī.,i., Ma. dhamme 4 Ma. saṃvaraṃ āpajjati, su.vi. 1/251/213 upāsakavidhikathā
The Pali Atthakatha in Roman Book 15 page 245-246.
http://84000.org/tipitaka/atthapali/read_rm.php?B=15&A=5700&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=5700&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=20&i=531
เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=6266
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=6417
The Pali Tipitaka in Roman Character :-
http://84000.org/tipitaka/read/roman_read.php?B=20&A=6417
Contents of The Tipitaka Volume 20
http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]