AtthaPali Vol.15

7. Dutiyasikkhasuttavannana [88] Sattame kolamkoloti kula kulam gamanako. Kulanti cettha bhavo adhippeto, tasma "dve va tini va kulani"ti etthapi dve va tayo va bhaveti attho veditabbo. Ayanhi dve va bhave sandhavati tayo va, uttamakotiya cha va. Tasma dve va tini va cattari va panca va cha vati evamettha vikappo datthabbo. Ekabijiti ekasseva bhavassa bijam etassa atthiti ekabiji. Uddhamsototiadisu atthi uddhamsoto akanitthagami, atthi uddhamsoto na akanitthagami. Atthi na uddhamsoto akanitthagami, atthi na uddhamsoto na akanitthagami. Tattha @Footnote: ¹ Si. dhuvasiliti

--------------------------------------------------------------------------------------------- page243.

Yo idha anagamiphalam patva avihadisu nibbatto tattha yavatayukam thatva uparupari nibbattitva akanittham papunati, ayam uddhamsoto akanitthagami nama. Yo pana avihadisu nibbatto tattheva aparinibbayitva akanitthampi appatva uparime uparime brahmaloke ^1- parinibbayati, ayam uddhamsoto na akanitthagami nama. Yo ito cavitva akanittheyeva nibbattati, ayam na uddhamsoto akanitthagami nama. Yo pana avihadisu catusu annatarasmim nibbattitva tattheva parinibbayati, ayam na uddhamsoto na akanitthagami nama. Yattha katthaci uppanno pana sasankharena sappayogena arahattam patto sasankharaparinibbayi nama. Asankharena appayogena patto asankharaparinibbayi nama. Yo pana kappasahassayukesu avihesu nibbattitva pancamam kappasatam ^2- atikkamitva arahattam patto, ayam upahaccaparinibbayi nama. Atappadisupi eseva nayo. Antaraparinibbayiti yo ayuvemajjham anatikkamitva parinibbayati, so tividho hoti. Kappasahassayukesu tava avihesu nibbattitva eko nibbattadivaseyeva arahattam papunati. No ce nibbattadivase papunati, pathamassa pana kappasatassa matthake papunati, ayam pathamo antaraparinibbayi. Aparo evam asakkonto dvinnam kappasatanam matthake papunati, ayam dutiyo. Aparo evampi asakkonto catunnam kappasatanam matthake papunati, ayam tatiyo antaraparinibbayi. Sesam vuttanayameva. Imasmim pana thane thatva catuvisati sotapanna dvadasa sakadagamino atthacattalisa anagamino dvadasa ca arahanto kathetabba. Imasmim hi sasane saddhadhuram pannadhuranti dve dhurani, dukkhapatipadadandhabhinnadayo catasso patipada. Tattheko saddhadhurena abhinivisitva sotapattiphalam patva ekameva bhavam @Footnote: ¹ Si. uparimauparime brahmaloke, cha.Ma. uparimabrahmaloke ² Ma. pathamam pancakappasatam

--------------------------------------------------------------------------------------------- page244.

Nibbattitva dukkhassantam karoti, ayameko ekabiji. So patipadavasena catubbidho hoti. Yathacesa, evam pannadhurena abhinivitthopiti attha ekabijino. Tatha kolamkola sattakkhattuparama cati ime catuvisati sotapanna nama. Tisupi ^1- vimokkhesu sunnatavimokkhena sakadagamibhumim patta catunnam patipadanam vasena cattaro sakadagamino, tatha animittavimokkhena patta cattaro, appanihitavimokkhena patta cattaroti ime dvadasa sakadagamino. Avihesu pana tayo antaraparinibbayino, eko upahaccaparinibbayi, eko uddhamsoto akanitthagamiti panca anagamino, te asankharaparinibbayino panca, sasankharaparinibbayino pancati dasa honti, tatha atappadisu. Akanitthesu pana uddhamsoto natthi, tasma tattha cattaro sasankharaparinibbayi, cattaro asankharaparinibbayiti attha, ime atthacattalisa anagamino. Yatha pana sakadagamino, tatheva arahantopi dvadasa veditabba. Idhapi tisso sikkha missikava kathita.

The Pali Atthakatha in Roman Book 15 page 242-244. http://84000.org/tipitaka/atthapali/read_rm.php?B=15&A=5632&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5632&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=527 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6161 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6313 The Pali Tipitaka in Roman Character :- http://84000.org/tipitaka/read/roman_read.php?B=20&A=6313 Contents of The Tipitaka Volume 20 http://84000.org/tipitaka/read/?index_20