ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                       6. Pathamasikkhasuttavannana
     [87] Chatthe attakamati attano hitakama. Yatthetam sabbam samodhanam gacchatiti
yasupi 1- sikkhasu sabbametam diyaddhasikkhapadasatam sangaham gacchati. Paripurakari hotiti
samattakari hoti. Mattasokariti pamanena karako, sabbena sabbam katum na sakkotiti
attho. Khuddanukhuddakaniti cattari parajikani thapetva sesasikkhapadani. Tatrapi
samghadisesam khuddakam, thullaccayam anukhuddakam nama. Thullaccayanca khuddakam,
pacittiyam anukhuddakam nama. Pacittiyanca khuddakam, patidesaniyadukkatadubbhasitani
anukhuddakani nama. Ime pana anguttaramahanikayavalanjanakaacariya "cattari
parajikani  thapetva sesani sabbanipi khuddanukhuddakani"ti vadanti.
Tani apajjatipi vutthatipiti ettha pana khinasavo tava lokavajjam napajjati,
pannattivajjameva apajjati. Apajjanto ca kayenapi vacayapi cittenapi apajjati.
Kayena apajjanto kutikarasahaseyyadini apajjati, vacaya apajjanto sancarittapadaso-
dhammadini, cittena apajjanto rupiyapatiggahanam apajjati. Sesesupi 2- eseva
nayo. Na hi mettha bhikkhave abhabbata vuttati bhikkhave na hi maya ettha
evarupam apattim apajjane ca vutthane ca ariyapuggalassa abhabbata kathita.
Adibrahmacariyakaniti maggabrahmacariyassa adibhutani cattari mahasilasikkhapadani.
Brahmacariyasaruppaniti taniyeva catumaggabrahmacariyassa saruppani anucchavikani.
@Footnote: 1 Ma. tisupi, cha. yasu   2 cha.,i. sekkhesupi
Tatthati tesu sikkhapadesu. Dhuvasiloti 1- nibaddhasilo. Thitasiloti patitthitasilo.
Sotapannoti sotasankhatena maggena phalam apanno. Avinipatadhammoti catusu apayesu
apatanasabhavo. Niyatoti sotapattimagganiyamena niyato. Sambodhiparayanoti uparimaggattaya-
sambodhiparayano.
     Tanuttati tanubhava. Sakadagamino hi ragadayo abbhapatalam viya macchikapattam
viya ca tanuka honti, na bahala. Orambhagiyananti hetthabhagiyanam. Sannojanananti
bandhananam. Parikkhayati parikkhayena. Opapatiko hotiti uppannako hoti. Tattha
parinibbayiti hettha anotaritva upariyeva parinibbanadhammo. Anavattidhammoti
yonigativasena anagamanadhammo.
     Padesam padesakaritiadisu padesakari puggalo nama sotapanno ca sakadagami
ca anagami ca, so padesameva sampadeti. Paripurakari nama araha, so paripurameva
sampadeti. Avanjhaniti atucchani saphalani saudrayaniti attho. Idhapi tisso
sikkha missikava kathita.



             The Pali Atthakatha in Roman Book 15 page 241-242. http://84000.org/tipitaka/atthapali/read_rm.php?B=15&A=5601&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5601&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=526              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6123              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6274              The Pali Tipitaka in Roman Character :- http://84000.org/tipitaka/read/roman_read.php?B=20&A=6274              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]