|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Niganthasuttavannana [75] Catutthe kutagarasalayanti dve kannika gahetva hamsavattakacchadanena 1- kataya gandhakutiya. Aparisesam nanadassanam patijanatiti appamattakampi asesetva sabbam nanadassanam patijanati. Sasatam samitanti sabbakalam nirantaram. Nanadassanam paccupatthitanti sabbannutananam mayham upatthitanti 2- dasseti. Purananam kammananti ayuhitakammanam. Tapasa byantibhavanti dukkaratapena vigatantikaranam. 3- Navanam kammananti idani ayuhitabbakammanam. Akaranati anayuhanena. Setughatanti padaghatam paccayaghatam katheti. Kammakkhaya dukkhakkhayoti kammavattakkhayena dukkhavattakkhayo. 4- Dukkhakkhaya vedanakkhayoti dukkhavattakkhayena vedanakkhayo. Dukkhavattasmim hi khine vedanavattampi khinameva hoti. Vedanakkhaya sabbam dukkham nijjinnam bhavissatiti vedanakkhayena pana sakalavattadukkham nijjinnameva bhavissati. Sanditthikayati samam pekkhitabbaya 5- paccakkhaya. Nijjaraya visuddhiyati kilese jiranakapatipadaya kilese va nijjiranato nijjaraya sattanam va visuddhipapanato visuddhiyati nijjaravisuddhiya. 6- Samatikkamo hotiti sakalassa vattadukkhassa samatikkamo hoti. Idha bhante bhagava kimahati bhante bhagava imaya patipattiya kimaha, kim etamyeva kilesanijjiranakapatipadam pannapeti, udahu annanti pucchati. Janatati anavaranananena janantena. Passatati samantacakkhuna passantena. Visuddhiyati visuddhisampapanatthaya. Samatikkamayati samatikkamanatthaya. Atthangamayati atthangamanatthaya. Nayassa adhigamayati saha vipassanaya maggassa adhigamanatthaya. Nibbanassa sacchikiriyayati apaccayanibbanassa sacchikaranatthaya. Navanca kammam na karotiti navam kammam nayuhati. Puranam ca kammanti pubbe ayuhitakammam. Phussa phussa byantikarotiti phusitva phusitva vigatam 7- karoti, vipakaphassam phusitva phusitva @Footnote: 1 cha.Ma.,i. hamsavattakacchannena 2 cha.Ma.,i. upatthitamevati @3 cha.Ma.,i. vigatantakaranam 4 cha.Ma.dukkhakkhayo 5 cha.Ma. passitabbaya @6 Si. nijjaravisuddhiyati kilese jaranakapatipada kilese va nijjaranato nijjara, @sattanam visuddhipapanato visuddhiti nijjaravisuddhiya, cha.Ma. nijjaraya sattanam @visuddhiya 7 cha.Ma.,i. vigatantam--------------------------------------------------------------------------------------------- page227.
Tam kammam khepetiti attho. Sanditthikati samam passitabba. Akalikati na kalantare kiccakarika. Ehipassikati "ehi passa"ti evam dassetum yutta. Opanayikati 1- upanaye yutta alliyitabbayutta. Paccattam veditabba vinnuhiti panditehi attano attano santaneyeva janitabba, balehi pana dujjana. Iti silavasena dve magga dve ca phalani kathitani. Sotapannasakadagamino hi silesu paripurikarino. 2- Vivicceva kamehitiadikaya pana samadhisampadaya tayo magga tini ca phalani kathitani. Anagami ariyasavako hi samadhismim paripurikariti 2- vutto. Asavanam khayatiadihi arahattaphalam kathitam. Keci pana silasamadhayopi arahattaphalasampayuttava idha adhippetati. 3- Ekekassa pana vasena patipattidassanattham visum visum tanti aropitati.The Pali Atthakatha in Roman Book 15 page 226-227. http://84000.org/tipitaka/atthapali/read_rm.php?B=15&A=5233&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5233&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=514 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=5809 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=5985 The Pali Tipitaka in Roman Character :- http://84000.org/tipitaka/read/roman_read.php?B=20&A=5985 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]