บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Bhayasuttavannana [63] Dutiye amataputtikaniti mata ca putto ca mataputtam, parittatum samatthabhavena natthi ettha mataputtanti amataputtikani. Yanti samaye. Tattha matapi puttam na patilabhatiti tasmim aggibhaye uppanne matapi puttam passitum na labhati, puttopi mataram passitum na labhatiti attho. Bhayam hotiti cittutrasabhayam hoti. Atavisankopoti ataviya sankoPo. Ataviti cettha atavivasino cora veditabba. Yada hi te atavito janapadam otaritva gamanigamarajadhaniyo paharitva vilumpanti, tada atavisankopo nama hoti, tam sandhayetam vuttam. Cakkasamarulhati ettha iriyapathacakkampi vattati yanacakkampi. Bhayasmim hi sampatte yesam yanakani atthi, te attano parikkharabhandam tesu aropetva palayanti. Yesam natthi, te kajena va adaya sisena va ukkhipitva palayantiyeva. Te cakkasamarulha nama honti. Pariyayantiti ito cito ca gacchanti. Kadaciti kismincideva kale. Karahaciti tasseva vevacanam. Matapi puttam patilabhatiti agacchantam va gacchantam va ekasmim thane nilinam va passitum labhati. Udakavahakoti nadipuro. Matapi puttam patilabhatiti kulle va ulumpe va mattikabhajane va darukhande va laggam vuyhamanam passitum patilabhati, sotthina va puna uttaritva game va aranne va thitam passitum labhatiti. Evam pariyayato amataputtikani bhayani dassetva idani nippariyayena dassento tinimanitiadimaha. Tattha jarabhayanti jaram paticca uppajjanakam bhayam. Itaresupi eseva nayo. Vuttampi cetam "jaram paticca uppajjati bhayam bhayanakam chambhitattam lomahamso cetaso utraso. Byadhim paticca, maranam paticca uppajjati bhayam bhayanakam chambhitattam lomahamso cetaso utraso"ti. 1- Sesam sabbattha uttanamevati. @Footnote: 1 abhi.vi. 35/921/448 tikaniddesaThe Pali Atthakatha in Roman Book 15 page 184. http://84000.org/tipitaka/atthapali/read_rm.php?B=15&A=4225&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=4225&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=502 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=4687 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4772 The Pali Tipitaka in Roman Character :- http://84000.org/tipitaka/read/roman_read.php?B=20&A=4772 Contents of The Tipitaka Volume 20 http://84000.org/tipitaka/read/?index_20
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]