ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                       7. Catumaharajasuttavannana
     [37] Sattame amacca parisajjati paricarikadevata. Imam lokam anuvicarantiti
atthamidivase kira sakko devaraja cattaro maharajano 1- anapesi 2- "tata
ajja atthamidivase manussalokam 3- anuvicaritva punnani karontanam namagottam
ugganhitva agacchatha"ti. Te gantva attano paricarake pesenti "gacchatha
tata manussalokam anuvicaritva punnakarakanam namagottani suvannapatte likhitva
anetha"ti. Te tatha karonti. Tena vuttam "imam lokam anuvicaranti"ti. Kacci
bahutiadi tesam upaparikkhakaradassanattham vuttam. Evam upaparikkhanta hi te
anuvicaranti. Tattha uposatham upavasantiti masassa attha vare uposathangani
adhitthahanti. Patijagarontiti patijagarauposathakammam nama karonti. Tam karonta
ekasmim addhamase catunnam uposathadivasanam paccuggamananuggamanavasena karonti.
Pancamiuposatham paccuggacchanta catutthiyam uposathika honti, anugacchanta
chatthiyam. Atthamiuposatham paccuggacchanta sattamiyam, anugacchanta navamiyam,
catuddasiuposatham 4- paccuggacchanta terasiya, pannarasiuposatham anugacchanta
catuddasiyam patipade uposathika honti. Punnani
@Footnote: 1 Si. maharaje  2 cha.Ma. anapeti  3 Ma. manussaloke  4 cha.Ma. catuddasim
Karontiti saranagamananiccasilapupphapujadhammassavanadipasahassaaropanaviharakaranadini
nanappakarani punnani karonti. Te evam anuvicaritva punnakammakarakanam nama
gottani suvannamaye patte likhitva aharitva catunnam maharajanam denti.
Putta imam lokam anuvicarantiti catuhi maharajehi purimanayeneva pahitatta
anuvicaranti. Tadahuti tam divasam. Uposatheti uposathadivase.
     Sace bhikkhave appaka hontiti catunnam maharajanam amacca parisajja
ta ta gamanigamarajadhaniyo upasankamanti, ta ta pana nissaya 1- adhivattha
devata "maharajanam amacca agata"ti pannakaram gahetva tesam santikam
gacchanti. Te pannakaram gahetva "kacci nu kho marisa bahu manussa matteyya"ti
vuttanayena manussanam punnapatipattim pucchitva "ama marisa imasmim game asuko
ca asuko ca punnani karonti"ti vutte tesam namagottam likhitva annattha
gacchanti. Atha catuddasiyam catunnam maharajanam puttapi tameva suvannapattam gahetva
teneva nayena anuvicaranta namagottani likhanti. Tadahuposathe pannarase cattaropi
maharajano teneva nayena tasmimyeva suvannapatte namagottani likhanti. Te
suvannapattaparimanena "imasmim kale manussa appaka, imasmim kale bahuka"ti
jananti. Tam sandhaya "sace bhikkhave appaka honti manussa"tiadi vuttam. Devanam
tavatimsananti pathamam abhinibbatte tettimsa devaputte upadaya evamladdhanamanam.
Tesam pana uppattikatha dighanikaye sakkapanhasuttavannanayam 2- vittharita. Tenati
tena arocanena, tena va punnakarakanam appakabhavena. Dibba vata bho kaya
parihayissantiti navanavanam devaputtanam apatubhavena devakaya parihayissanti,
ramaniyam dasayojanasahassam devanagaram sunnam bhavissati. Paripurissanti asurakayati
cattaro apaya paripurissanti. Imina 3- "mayam paripunnadevanagare devasanghamajjhe
@Footnote: 1 cha.Ma.,i. tato tam upanissaya    2 Si.,i. mahagovindasuttavannanaya,
@su.vi. 2/355 maghamanavavatthuvannana  3 Si.,i. iti
Nakkhattam kilitum na labhissama"ti anattamana honti. Sukkapakkhepi iminava upayena
attho veditabbo.
     Bhutapubbam bhikkhave sakko devanamindoti attano sakkadevarajakalam sandhaya
katheti. Ekassa va sakkassa ajjhasayam gahetva kathetiti vuttam. Anunayamanoti 1-
anubodhayamano. Tayam velayanti tasmim kale.
     Patihariyapakkhancati ettha patihariyapakkho nama antovasse temasam
nibaddhuposatho, tampi 2- asakkontassa dvinnam pavarananam antare ekamasam
nibaddhuposatho, tampi  asakkontassa pathamapavaranato patthaya eko addhamaso
patihariyapakkhoyeva nama. Atthangasusamagatanti atthahi gunangehi samannagatam. Yopissa
madiso naroti yopi satto madiso bhaveyya. Sakkopi kira vuttappakarassa
uposathakammassa gunam janitva devalokasampattiyo pahaya masassa attha
divase 3- uposatham upasavati. Tasma evamaha. Aparo nayo:-  yopissa madiso
naroti yopi satto madiso assa, mahasampattim sampapunitum 4- iccheyyati attho.
Sakka hi evarupena uposathakammena sakkasampattim papunitunti ayamettha adhippayo.
     Vusitavati vutthavaso.  katakaraniyoti catuhi maggehi kattabbam kiccam katva
thito. Ohitabharoti khandhabharakilesabharaabhisankharabhare otaretva thito.
Anuppattasadatthoti sadattho vuccati arahattam, tam anuppatto. Parikkhinabhavasamyojanoti
yena samyojanena baddho bhavesu akaddhiyati,  tassa khinatta parikkhinabhavasamyojano.
Sammadanna vimuttoti hetuna nayena karanena janitva vimutto. Kallam vacanayati
yuttam vattum.
@Footnote: 1 Si.,i. anasannayamanoti      2 cha.Ma. tam, i.tam na
@3 cha.Ma.,i. vare            4 cha.Ma.,i. maya pattam sampattim papunitum
     Yopissa madiso naroti yopi madiso khinasavo assa. Sopi evarupam
uposatham upavaseyyati uposathassa kammassa gunam  jananto evam vaseyya. Aparo
nayo:- yopissa madiso naroti yopi satto madiso assa, mahasampattim
papunitum iccheyyati attho. Sakka hi evarupena uposathakammena khinasavasampattim
papunitunti ayamettha adhippayo. Atthamam uttanameva.



             The Pali Atthakatha in Roman Book 15 page 137-140. http://84000.org/tipitaka/atthapali/read_rm.php?B=15&A=3107&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=3107&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=476              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3717              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3742              The Pali Tipitaka in Roman Character :- http://84000.org/tipitaka/read/roman_read.php?B=20&A=3742              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]