ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                        3. Sariputtasuttavannana
      [33] Tatiye sankhittenati matikatthapanena. Vittharenati thapitamatikavibhajanena.
Sankhittavittharenati kale sankhittena kale vittharena. Annataro ca dullabhati
pativijjanakapuggala  ca dullabha. Idam bhagava "sariputtattherassa ghattemi"ti
adhippayena kathesi. Tam sutva thero kincapi "aham bhante ajanissami"ti
na vadati, adhippayena pana "vissattha tumhe bhante desetha, aham tumhehi desitam
dhammam nayasatena nayasahassena pativijjhissami, mamesa bharo hotu"ti sattharam desanaya
ussahento etassa bhagava kalotiadimaha.
@Footnote: 1 cha.Ma. laddhaname  2 cha.Ma.,i. nibbanam nibbananteva  3 Si.,i. ovarani.
@evamuparipi    4 cha.Ma.....sakaattabhavani hi          5 Si.,i. suttepi
      Athassa sattha tasmatihati desanam arabhi. Tattha imasmim ca savinnanaketi-
adi vuttanayameva. Acchejji 1- tanhanti maggananasatthena tanham chindi. Vivattayi 2-
sannojananti dasavidhampi samyojanam samulakam ubbattetva chaddesi. Sammamanabhisamaya
antamakasi dukkhassati sammaupayena sammapatipattiya navavidhassa manassa
pahanabhisamayavasena vattadukkhassa antamakasi. Idanca pana metam sariputta sandhaya
bhasitanti sariputta maya parayane udayapanhe idam phalasamapattimeva sandhaya
etam bhasitam.
      Idani yam tam bhagavata bhasitam, tam dassetum 2- pahanam kamasannanantiadi araddham.
Udayapanheva 3- etam "pahanam kamachandanan"ti 4- agatam, idha pana anguttarabhanakehi
"kamasannanan"ti aropitam. Tattha byanjanameva nanam, attho pana ekoyeva.
Kamasannananti kame arabbha uppannasannanam, atthahi va lobhasahagatacittehi
sahajatasannanam. Domanassana cubhayanti etasanca kamasannanam cetasikadomanassanancati
ubhinnampi pahanam patippassaddhippahanasankhatam arahattaphalam annavimokkham pabrumiti
attho. Niddese pana "kamacchandassa ca domanassassa ca dvinnampi pahanam vupasamam
patinissaggam patippassaddhim amatam nibbanan"ti 5- vuttam, tam atthuddharavasena
vuttam. Pahananti hi khinakarasankhato vupasamopi vuccati, kilesapatinissajjanato 6-
maggopi, kilesapatippassaddhisankhatam phalampi, yam agamma kilesa pahiyyanti, tam
amatam nibbananti. Tasma tattha tani padani agatani. "annavimokkham pabrumi"ti
vacanato pana arahattaphalameva adhippetam. Thinassa ca panudananti 7- thinassa panudanante
uppannatta arahattaphalameva adhippetam. Kukkuccanam nivarananti
@Footnote: 1 cha. acchecchi  2 Si.,i. vavattayi  3 cha.Ma. dassento  4 cha.Ma.,i. udayapanhe ca
@5 khu.su. 25/1113/547 udayamanavakapanha, khu.cula. 30/444/214
@udayamanavakapanhaniddesa (sya)    6 khu.cula. 30/442/212
@udayamanavakapanhaniddesa (sya)      7 cha.Ma. kilese patinissajjanto,
@Si.,i. kilesapatissajano  8 cha.Ma.,i. panudanantipi
Kukkuccanivaranassa maggassa anantaram uppannatta phalameva adhippetam.
      Upekkhasatisamsuddhanti catutthajjhanike phale uppannaya upekkhaya ca satiya
ca samsuddham. Dhammatakkapurejavanti dhammatakko vuccati sammasankappo, so adito
hoti, purato hoti, pubbangamo hoti annavimokkhassati dhammatakkapurejavo. Tam
dhammatakkapurejavam. Annavimokkhanti annindriyapariyosane uppannam vimokkham,
annaya va vimokkham annavimuttanti 1- attho. Avijjaya pabhedananti avijjaya
pabhedanante uppannatta, avijjaya pabhedanam, santam 2- va nibbanam arabbha
uppannatta evamladdhanamam arahattaphalameva. Iti sabbehipi imehi pahanantiadihi
padehi arahattaphalameva pakasitanti veditabbam.



             The Pali Atthakatha in Roman Book 15 page 114-116. http://84000.org/tipitaka/atthapali/read_rm.php?B=15&A=2568&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=2568&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=472              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3512              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3519              The Pali Tipitaka in Roman Character :- http://84000.org/tipitaka/read/roman_read.php?B=20&A=3519              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]