|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Devadutavagga 1. Sabrahmakasuttavannana [31] Catutthassa pathame ajjhagareti sake ghare. Pujita hontiti yam 1- ghare atthi, tena patijaggita gopita honti. Iti matapitupujakani kulani matapituhi sabrahmakaniti pakasetva idani nesam sapubbacariyakadibhavampi dipento 2- sapubbacariyakanitiadimaha. Tattha brahmatiadini tesam brahmadibhavasadhanattham vuttani. Bahukarati bahupakaRa. 3- Apadakati jivitassa apadaka. Puttanam 4- matapituhi jivitam apaditam palitam ghattitam anupabandhena pavattitam. Posakati hatthapade vaddhetva hadayalohitam payetva posetaro. Imassa lokassa dassetaroti puttanam hi imasmim loke itthanittharammanadassanam nama matapitaro nissaya jatanti imassa lokassa dassetaro nama. Brahmati matapitaroti brahmati 5- setthadhivacanam. Yatha brahmuno catasso bhavana avijahita honti metta karuna mudita upekkhati, evameva matapitunam puttakesu catasso bhavana avijahita honti. Ta 6- tasmim tasmim kale veditabba:- kucchigatasmim hi darake "kada nu kho puttakam arogam paripunnangapaccangam passissama"ti matapitunam mettacittam uppajjati. Yada panesa mando uttanaseyyako ukahi va mankunehi va dattho 7- dukkhaseyyaya va pana pilito parodati viravati, tadassa saddam sutva matapitunam karunnam uppajjati, adhavitva vidhavitva kilanakale pana sobhaniyavayasmim va thitakale darakam oloketva matapitunam cittam sappimande pakkhittasatavihatakappasapicupatalam viya mudukam hoti amoditam pamoditam, tada nesam mudita labbhati. Yada pana 8- tesam @Footnote: 1 Ma. yam yam 2 cha.Ma. pakasento 3 cha.Ma.,i. puttanam bahupakara @4 cha.Ma. puttakanam hi 5 cha.Ma.,i. ayam patho na dissati 6 Ma. imina @7 cha.Ma. mankuladihi panakehi dattho 8 cha.Ma.,i. yada panesa--------------------------------------------------------------------------------------------- page112.
Putto darabharanam paccupatthapetva patiyekkam agaram ajjhavasati, tada matapitunam "sakkotidani no puttako attano dhammataya yapetun"ti majjhattabhavo uppajjati, evam 1- tasmim kale upekkha labbhatiti imina karanena "brahmati matapitaro"ti vuttam. Pubbacariyati vuccareti matapitaro hi jatakalato patthaya "evam nisida, evam tittha, evam gaccha, evam saya, evam khada, evam bhunja, ayante tatati vattabbo, ayam bhatikati, ayam bhaginiti, idannama katum vattati, idam na vattati, asukannama upasankamitum vattati, asukam na vattati"ti gahenti 2- sikkhapenti. Athaparabhage anne acariya hatthisippaassasipparathasippadhanusippamuddhagananadini sikkhapenti. Anno saranani deti. 3- Anno silesu patitthapeti, 4- anno pabbajeti. 5- Anno buddhavacanam ugganhapeti, 6- anno upasampadeti, 7- anno sotapattimaggadini papeti. 8- Iti sabbepi te pacchacariya nama honti, matapitaro pana sabbapathama, tenaha "pubbacariyati vuccare"ti. Tattha vuccareti vuccanti kathiyanti. Ahuneyya ca puttananti puttanam ahunapahunaabhisankhataannapanadisu 9- arahanti, anucchavika tam patiggahetum. Tasma "ahuneyya ca puttanan"ti vutta. 10- Pajaya anukampakati paresam pane chinditvapi 11- attano pajam patijagganti gopayanti. Tasma "pajaya anukampaka"ti vuttam. Namasseyyati namo kareyya. Sakkareyyati sakkarena patimaneyya. Idani tam sakkaram dassento "annena"tiadimaha. Tattha annenati yagubhattakhadaniyena. Panenati atthavidhapanena. Vatthenati nivasanaparupanakena vatthena. @Footnote: 1 cha.Ma. ayam saddo na dissati 2 cha.Ma. gahapenti 3 Si.,i. anne saranani denti @4 Si.,i. anne...patitthapenti 5 Si.,i. anne...pabbajenti @6 Si.,i. anne...ugganhapenti 7 Si.,i. anne...upasampadenti @8 Si.,i. anne...papenti 9 cha.Ma.,i. ahutam pahutam abhisankhatam annapanadim @10 cha.Ma.,i. vuttam 11 Si.,i. pane hi chinditva bhinditvapi--------------------------------------------------------------------------------------------- page113.
Sayanenati mancapithanuppadanena. Ucchadanenati duggandham pativinodetva sugandhakaranucchadanena. Nhapanenati sitodakena 1- gattani parisincitva nhapanena. Padanam dhovanenati unhodakehi sitodakehi padadhovanena ceva telamakkhanena ca. Peccati paralokam gantva. Sagge pamodatiti 2- idha tava matapitusu paricariyam disva paricariyakarana tam panditamanussa idheva 3- pasamsanti, paralokam 4- pana gantva sagge thito so matapituupatthako dibbasampattihi amodati pamodatiti.The Pali Atthakatha in Roman Book 15 page 111-113. http://84000.org/tipitaka/atthapali/read_rm.php?B=15&A=2482&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=2482&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=470 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=3468 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=3466 The Pali Tipitaka in Roman Character :- http://84000.org/tipitaka/read/roman_read.php?B=20&A=3466 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]